MAKUX 10:34 - Wa Common Language Translation

³⁴ mai kix tak sang yuh pa ang cee ang cak ka Nawh mai baig rawm myia piang Nawh mai sivied Nawh mai teei Nawh yum heue. Khaix an loe ngaix Nawh tak deeh kaoh im heue.”

MAKUX 10:34 Iomraidhean Croise

YAWBAX 30:10

Kix seeing ka aux mai kix via singai khaing aux, kix ang lai ring tix baig ka ngai aux heue.

YAOGYAW 16:10

Grawh grawng nawh, Maix ang tik grham ju aux ka daux meung yum mai Maix ang kieh pui pa singax singeh cie Maix hoek krax cux sium.

YAOGYAW 22:13

Kix ang jheeh tix awm sivai sangsi pa graoh mai rud kiied ti ih heue.

ISAYAX 50:6

Aux tawx blawg tix ka pui an kix, pa sivied ka Aux mai tawx sibax Aux ka pui an kix pa reeig ka hauk sibax Aux heue. Aux ang lai mox pakngai khaing krax kaig tua mai khaing krax baig heue.

ISAYAX 53:3

Nawh mawh pa hoik kham krax pa nu nai mai pa hoik kham krax tik pui khankix, pa kham geu krax kha rhawm tom nie mai pa hoik meed ka ceu pa saux ngia heue. Nawh awm pa hoik mox pui pakngai khaing, nawh hoik kham krax pa nu nai mai ex ang lai koe krax yungyi ka Nawh heue.

HOSE 6:2

Khaix hoik luan ra singaix, Nawh Cao tak sang deeh kieh ex im ju ka daux loe singaix, Nawh tak sang kieh ex kaoh son tak sang pon ex ti im ju ka plak sivoe ngai Nawh Cao heue.

MATHIEX 16:21

Jah ka yam an hu sivoe, Yesux jhi kawncau Nawh khankix yaox, grawng tak sang hu Nawh ka veng Yerusaliem mai kham geu tom nie ceu, daux tawm taix kuad song mai cao giex kaing li pa ting mai pui tiiem lai khankix mai grawng tak kham geu pa yum mai grawng tak deeh kaoh im khaix an daux loe ngaix tix ngaix heue.

MATHIEX 26:67

Yam an kix baig rawm mya ka pakngai Nawh Cao mai jhawp taix tix klah Nawh mai tix blah simang ka Nawh Cao,

MATHIEX 27:63

ah nin, “Simiang eue, yam kawn im ju Pui pie lhen an, pa ah Nawh ex kawn doh keud heue, “Khaix hoik loe singaix Aux tak deeh kaoh heue.”

MAKUX 14:63

Cao giex kaing li pa ting an riah kraung ceep tix ah nin, “Ex baox lo mhai rug yuh ka mawx?

MAKUX 14:65

Tix blah baig rawm myia piang Nawh Cao mai tawb pakngai Nawh Cao mai jhawp taix tix klah Nawh Cao mai ah nin ka Nawh, “Krai lox jhai heue.” Pui cau simiang khankix kawx, yam rieb ti teei Nawh Cao, kix simang Nawh ka taix tix.

MAKUX 9:31

Kheu Nawh Cao gau ka kawncau Nawh khankix mai ah nin ka kix, “Tak sang tawx Kawn kawn pui ka daux tawm taix kawn pui khankix, kix tak teei Nawh yum, khaix hoik yum Nawh loe ngaix Nawh tak deeh kaoh im heue.”

LUKAX 23:11

Herut, khawm pui naing nawh khankix, nieb yuh pa ang nab ang yam, yuh pa ang cee ang cak ka Nawh, kieh Nawh ceep kraung pa jiet mhawm grang mai deeh ploi Nawh Cao hu ka Pilat heue.

YOHAN 1:17

Grawh grawng nawh, lox lai beenli hoik tawx ka Mose, bwanson pa mawh meh hoik lih hoek kheu Yesux Khrit heue.

YOHAN 2:10

Ah nin ka nawh, “Pui ku kaux viex ti tawx rawm plix siiet pa mhawm phao ka khaix hoik nyaux pui tom sak, viex pa ang mhawm khaix, viang mawh nan maix deuh rawm plix siiet pa mhawm tom yam in heue.”

1 KAWRINTHUX 15:4

grawng pa hoik sipaung Nawh mai pa hoik kieh Nawh Cao deeh kaoh, khaix daux loe singaix, awm pa khaw mai lox phuk lai sigang khri,