MAKUX 10:24 - Wa Common Language Translation

²⁴ Kawncau Nawh khankix kied daox deng ka lox Nawh Cao an, viang mawh nan Yesux baox deeh ah nin ka kix, “Kawn praix eue, pui pa een rhawm ka sinngao tix khankix, sonsang laig ka daux Meung Siyiex nu miex ding heue.

MAKUX 10:24 Iomraidhean Croise

YAOGYAW 17:14

Siyiex eue, ka daux tawm taix Maix, kieh aux luan khaing tawm taix pui mai tawm taix pui haktiex liak. Yam kawn im ju kix yam in kieh kix sak naog ka sin Maix mai kieh kix deuh son kawn praix tix ang ah, son kawn saux kix heue.

YAOGYAW 52:7

“Jhak heue, pui pa ang deuh rhawm ka Siyiex mai nawh deuh rhawm ka kraung khrai tix mai nawh kaux cong ka phimap pa caox heue.”

YAOGYAW 62:10

Paw nieb ting rhawm rhi ka pon yuh krax tuktiaktukte, paw nieb kroh ti yuh grang ka kraung khrai pa nieb pon rhim ti teei ka pui, viang maix magmi ka mau, khri kawx, paw deuh rhawm ka an.

LOX KAB 11:28

Pui pa deuh rhawm ka sinngao mau khri tix, tak som nai heue. Pui rahsee tak awm lhax khaox pa klai jheung jheung heue.

LOX KAB 18:11

Pui pa mi koe mau khri ah nin, sinngao aux awm veng pa kaux cong mai nawh keud ce awm guh veng pa lhaong heue.

LOX KAB 23:5

Khex caw tix sawg ka ceu pa chix grai pa koe sivoe ngai maix khankix lie? Phan ah tete, ceu an khankix, chix yuh pruik tix po hu, awm pa po klang preng piang raoma heue.

YERAMIX 9:23

Siyiex ah nin, “Paw kieh pui koe pingnya cuyi yaw rangdi ka daux pingnya cuyi tix, paw kieh pui ting riang rao yaw rangdi ka daux pa ting riang rao tix mai paw kieh pui pa magmi yaw rangdi ka daux pa magmi tix khankix,

HABAKUK 2:9

Pa khrawm kraung khrai pa caox ka daux nyiex son tix pa yuh mheem tix ka dee pa lhaong, sonsang pon nawh ti luan khaing krax pa laux leeing koe krax pa kha rhawm heue.

ZEPHANIX 1:18

Ka daux singaix pa song rhawm Siyiex, mau khri kix ang pon taoh kix heue. Haktiex khawmuik tak sang mawh pa gleeing ka ngu krax pa song rhawm Nawh Cao heue. Grawh grawng nawh, Nawh Cao tak sang nied ti yuh pui ankix pa ot ka daux haktiex khawmuik laux lak pak leeing heue.

MATHIEX 19:25

Yam mhong kawncau Nawh khankix ka lox an, kix kied daox deng kah ah nin, “Phan mawh nan, pui mawx tak sang pon hoek krax taoh?”

MAKUX 1:27

Pui khawmuik khawm leeing daox deng kah, kix tom chawk paox tix, tix kaux lai tix kaux ah nin, “Lox sidiex gau pa khraox pa koe sibrawm In mawh patix? Nawh tawx lox ka phi pa seeing kawx, kix nghiet lox Nawh heue.”

MAKUX 10:23

Yesux jhak ti yaox vung viang Nawh mai ah nin ka kawncau Nawh khankix, “Pui pa mawh cao mi sonsang laig ka daux Meung Siyiex nu miex ding heue.”

LUKAX 16:14

Pharishie khankix pa mawh pui pa moh mau, yam mhong kix lox ceu an khawmuik, kix yuh pa ang cee ang cak nyiah ka Nawh Cao heue.

YOHAN 13:33

Kawn nyawm Aux eue, Aux kawn ot mai pex tivud khaing. Pex tak sang sawg Aux awm hoik krai Aux ka pui Yudax khankix, Dee sang hu Aux pex ang pon ti hoek kah, Aux tom krai ka pex yam in heue.

YOHAN 21:5

Mawh kheu nan Yesux tom chawk ah nin ka kix, “Kawn praix eue, pex koe pa ih tix ceu ceu lie?” Kix pawk lox ah nin, “ang koe. ”

YOHAN 6:60

Yam mhong kawncau Nawh khankix ka lox in, kix Pui hun ah nin, “Lox in mawh pa nu tete, pui mawx chix nghiet kah?”

KALATIX 4:19

Kawn nyawm iak aux, pa baox deeh loi aux ti keh, tom hoik lih mawh Cao Khrit ka daux pex khankix eue.

1 TIMOSE 6:17

Tawm lox ka kix pa mi pa koe ka daux haktiex in, son ang kix sang ting rhawm, son ang kix sang een krax keud pot jun pot ka sinngao pa ang kaux cong, kieh een krax keud pot jun pot ka piang Siyiex, pa tawx ku ceu khawmuik ka ex, sonsang gaux rhawm kah heue.

1 YOHAN 2:1

Kawn nyawm pa moh aux khankix eue, aux tiiem grawh grawng ceu in khankix ka pex, son ang pex lai yuh phimap heue. Phan pui tix kaux kaux yuh phimap, ex koe Cao khyox khaw son ex ka Keeing Cao pa mawh Yesux Khrit pa rahsee heue.

1 YOHAN 4:4

Kawn nyawm aux khankix eue, pex mawh pa dex dawd mai Siyiex mai hoik pex ka kix, mawh kheu Kaw pa hoik ot ka daux pex, lheu ting khaing kaw pa ot ka daux haktiex heue.

1 YOHAN 5:21

Kawn nyawm aux khankix eue, rien tokaux tix khaing riang grang khankix awx.

PLAK JHI 3:17

Mawh kheu ah maix, “Aux mawh pa mi pa koe mai hoik koe sinngao mai ang lai baox lo tidtix.” Ang tawng grawng pa mawh maix kaw pa kha rhawm mai pa khaw ti caux rhawm ka mai pa hot pa sibhawm mai pa dug ngai mai pa kakaong heue.