MAKUX 10:22 - Wa Common Language Translation

²² Nawh khi rhawm voi rhawm tix mai lih hu heue. Kheu mawh nawh pui pa koe kraung khrai tom nie heue.

MAKUX 10:22 Iomraidhean Croise

YEZAKELAX 33:31

Kix hoek ka maix awm khrawm pui hun paox tix, kix ngawm ka plak sivoe maix awm ceu pui Aux mai kix mhong ka gumlox maix, viang mawh nan, kix ang hawt ti yuh, viang jheeh kix jhi mhai rug pa kied moh tix kawx, rhawm rhi kix hawt khaix pa ghoing ka sinngao haktiex heue.

MATHIEX 13:22

Simie pa rhuat ka daux sinax pang kat, mawh pui pa mhong ka lox bwan mai priex rhawm pa dex dawd mai haktiex mai pa chix pie lhen sinngao haktiex, kheem gut ka lox bwan mai nawh ang chix plix, plix heue.

MATHIEX 19:22

Viang mawh nan yam mhong pui awn ju an lox an, nawh khi rhawm mai lih hu heue. Kheu mawh nawh pui pa koe kraung khrai tom nie heue.

MATHIEX 27:3

Yam an Yudax kaw pa tik tawx Nawh Cao, yam yaox nawh ka grawng pa prawng ciyang kix ka Nawh Cao, nawh doh keud ka phimap tix mai deeh viex mau tixngoe plah tawx ka cao giex kaing li pa ting mai kuad song khankix,

MAKUX 10:21

Yesux jhak ka kaw an mai moh nawh mai ah nin ka nawh, “Pa taig maix kawn koe tix ceu. Hu coh pa koe maix kuceu tawx ka pui hot sibhawm khankix maix tak koe kraung khrai ka daux meung raoma mai hoek ti hawt Aux heue.”

MAKUX 10:23

Yesux jhak ti yaox vung viang Nawh mai ah nin ka kawncau Nawh khankix, “Pui pa mawh cao mi sonsang laig ka daux Meung Siyiex nu miex ding heue.”

MAKUX 6:20

Herut lhat ka Yohan, kheu tawng nawh grawh grawng mawh nawh pui rahsee mai pa singax singeh mai nawh kia ngien nawh heue. Yam nawh nghiet lox nawh, nawh kied sivix rhawm, viang mawh nan nawh koe rhawm gaux rhawm ti sang nghiet nawh heue.

MAKUX 6:26

Viang simiang kied khi rhawm kawx, kheu lox pa hoik tiex tu nawh mai kheu pui pa ngawm sawm tau mai nawh khankix, nawh ang rhawm lheu lox bun an heue.

LUKAX 12:15

Nawh Cao baox ah nin ka kix, “Rien rhawm tix son ang sang ghoing kah heue. Mawh kheu ju pui ang ot ka daux pa haoh sin ngao pa koe tix heue.”

LUKAX 18:23

Viang mawh nan, yam mhong nawh ceu an khankix, nawh kied khi rhawm, kheu mawh nawh pa kied koe heue.

2 KAWRINTHUX 7:10

Krax khi rhawm pa khaw ka Siyiex, yuh ti kieh doh keud ka phimap tom pon krax taoh mai ang mawh dee tak khi ka heue. Krax khi rhawm pa dex mai haktiex, mawh pa yuh ti kieh yum heue.

EFESUX 5:5

Pex tawng mhawm mhawm grawng pui pa phit pa vao, pui pa seeing brai, pui pa ghoing, pa mawh pui pa krub riang grang, ang koe sin ka daux meung Cao Khrit mai Siyiex tix kaux kawx heue.

2 TIMOSE 4:10

mawh kheu Dema hoik prah aux, kheu moh nawh ka haktiex in mai hoik hu ka veng Thesalonix, Krisake hoik hu ka meung Kalatix, Titux hoik hu ka meung Dalamatix heue.