MAKUX 10:21 - Wa Common Language Translation

²¹ Yesux jhak ka kaw an mai moh nawh mai ah nin ka nawh, “Pa taig maix kawn koe tix ceu. Hu coh pa koe maix kuceu tawx ka pui hot sibhawm khankix maix tak koe kraung khrai ka daux meung raoma mai hoek ti hawt Aux heue.”

MAKUX 10:21 Iomraidhean Croise

YAM JAH 34:19

Kawn simex an mawh kheu kied moh nawh ka kawn bun Yakop, nawh rieb ka lox pa krai kix, nawh mawh pui pa koe min plakngai khaing can pui daux nyiex keeing tix khawmuik heue.

LOX KAB 23:23

Liag ti teei ka pa rahsee (pa mawh meh) mai paw lai coh, pingnya ang ah, lox pa sidiex gau pingnya pa tawng pa yung ang ah, liag ti cie heue.

MATHIEX 16:24

Yam an Yesux ah nin ka kawncau Nawh khankix, “Phan pui tix kaux kaux simie ti hawt khaix Aux, kieh nawh thiang ti tik ka tokaux tix mai klawm khaox lhak tix mai hawt Aux heue.

MATHIEX 19:21

Yesux baoh ah nin ka nawh, “Phan maix simie ti grum naog, hu coh ceu pa koe maix, tawx ka pui hot sibhawm khankix mai maix tak koe sin ngao ka daux meung raoma. Hoek heue, hawt khaix Aux heue.”

MAKUX 10:22

Nawh khi rhawm voi rhawm tix mai lih hu heue. Kheu mawh nawh pui pa koe kraung khrai tom nie heue.

MAKUX 8:34

Nawh Cao kok cub pui hun khankix mai kawncau Nawh khankix, hoek ka tix mai ah nin ka kix, “Phan pui tix kaux kaux mie ti hoek khaix Aux, kieh nawh thiang ti tik tokaux tix mai klawm khaox lhak tix mai hawt Aux heue.

LUKAX 10:42

Viang mawh nan, lo ngie tix ceu khaing, Marix hoik laug ti cie ceu pa mhawm an, pa tak ang teei khaing nawh heue.”

LUKAX 12:33

Coh pa koe pex mai yuh bwanson tawx ka pui hot pui sibhawm khankix heue. Yuh hau pa ang chix prim, pa mawh sinngao daux meung raoma, pa ang chix uik chix laux, dee ang pui briex pon hoek dex, dee ang pung piang siah yuh laux heue.

LUKAX 16:9

Aux baox krai ka pex, teei sinngao pa nieb hoik pon pex mai shiao, yuh ka mawx sonsang pon paox grawm, yam pa hoik laux sinngao an, pa tak sang rieb pex ka daux nyiex gox pa tak koe leeing ju heue.

LUKAX 18:22

Yam mhong Yesux lox an, Nawh Cao ah nin ka nawh, “Kawn koe pa cha maix tix ceu khaing. Hu coh pa koe maix khawmuik mai tawx ka pui hot sia khankix mai maix tak koe kraung khrai ka daux meung raoma mai hoek ti hawt Aux heue.”

LUKAX 19:41

Yam hoek bleeh Nawh dex veng Yerusaliem mai yaox veng an, Nawh yiiem,

LUKAX 9:23

Nawh Cao ah nin ka pui khawmuik, “Phan pui tix kaux kaux simie ti hawt khaix Aux, kieh nawh thiang ti tik tokaux tix mai klawm khaox lhak tix ku ngaix mai hawt Aux heue.

YOHAN 12:26

Pui mawx ang ah phan nawh yuh kaing Aux, kieh hawt khaix Aux dee ot Aux kawncau Aux kawx, tak sang pon ti ot tan heue. Pui mawh ang ah, phan yuh son Aux Keeing Cao tak yaog nawh ting heue.

YOHAN 16:33

Aux hoik krai lox ceu in khankix ka pex, sonsang koe pex pa nhim ka daux Aux, ka piang haktiex in pex tak yaox krax kha rhawm, viang mawh nan kieh koe rhawm cong awx, Aux hoik pex ka haktiex in heue.”

KAWNCAU 2:45

Kix coh haktiex kix mai kraung khrai cie kix mai gwieh ka paox tix khawmuik, awm pa lo pui mawx pui an heue.

2 KAWRINTHUX 12:15

Phan mawh aux, aux tak sang gaux rhawm ti cai kah mai ti kieh khawm tokaux ti uik, ka son ju pex heue. Phan aux nie lheu ting moh ka pex, pa moh ka aux tak sang iak hu kheu lie?

2 TIMOSE 3:12

Mawh heue, can pui pa simie ti yuh pa khaw caw mai Siyiex ka daux Yesux Khrit khawmuik, tak sang yaox ti kham pa tuktiak tukte heue.

HEBRIE 10:34

Grawh grawng nawh pex hoik caux rhawm ka kix pa hoik phyawk laung mai hoik gaux rhawm ti rieb ti teei ka ceu pa tud rhim ti teei kraung khrai pex, kheu hoik tawng pex grawng koe kraung ceu pa nie lheu mhawm son tokaux pex tix ceu pa tak kaux cong jheung jheung heue.

YAKOP 2:10

Mawh kheu pui mawx ang ah, pa priex ti hawt lox lai beenli khawmuik mai kawn phit ka tix ceu ngie, nawh lak lih mawh pa phit ka khawmuik heue.

PLAK JHI 2:14

Viang mawh nan Aux koe ceu pa deuh phimap ka maix ceeix, mawh kheu koe pui maix tan tiblah pa giex been gau Balam, kaw pa hoik gau ka Balak pa taing ceu pa sideeing sivoe kawn praix Isarelax, sonsang ih ceu pa hoik tan ka riang grang khankix mai sonsang lud vao heue.

PLAK JHI 2:20

Viang mawh kawx nan Aux koe ceu pa deuh phimap ka piang maix, mawh kheu khaw maix paox tix ka bun Yezabelax, pa dhua tokaux tix mawh yiex jhai mai nawh gau mai jeeh nyaw ka siliex Aux khankix sonsang lud vao mai sonsang ih ka ceu pa hoik tan lu ka riang grang heue.

PLAK JHI 2:4

Viang mawh kawx nan Aux koe ceu pa deuh phimap ka piang maix, mawh kheu hoik grham maix ka krax moh awm pa moh phao ka heue.