MAKUX 10:14 - Wa Common Language Translation

¹⁴ Yam yaox Yesux song rhawm, ah nin ka kix, “Kieh kawn nyawm iak khankix hoek ka Aux, paw vi sidien kix, kheu Meung Siyiex mawh cie pa awm kix heue.

MAKUX 10:14 Iomraidhean Croise

YAM JAH 17:7

Aux tak kieh lox sijax mukheu tix, kaux daux maix, mai khawm doeh ru maix khankix, tix ju hoik tix ju khaix maix heue. Aux tak mawh Siyiex ka maix khawm doeh ru pa koe khaix maix heue.

YAOGYAW 78:4

Ex ang mox khaing kawn praix kix, sonsang yaogyaw ka Siyiex mai sibrawm mai ceu pa daox am, pa hoik yuh Nawh Cao khankix, krai ka kix, pa tak sang hoek tix mawh sax heue.

ISAYAX 65:23

Kix tak ang yaox ti yuh kaing ka daux krax pa giex going mai tak ang yaox ti keh kawn nyawm ka daux krax pa kha rhawm heue. Grawh grawng nawh, kix tak mawh doeh ru pa hoik nawb Siyiex bwanson ka piang mai doeh kawn praix kix pa ot tau mai kix heue.

SIMIN 14:31

Viang mawh nan kawn nyawm iak pex, pa hoik ah pex mawh pa sang kham pa giex laung, Aux tak viex kix laig mai kix tak tawng ka haktiex pa seeing pex ka.

MATHIEX 18:10

“Rien rhawm tix paw nieb pon yuh ka kawn nyawm iak khankix tix kaux kawx, grawh grawng nawh, Aux krai ka pex, daux raoma kawncau Siyiex cie kix tak yaox pakngai pak baoh Keeing Aux pa ot ka daux meung raoma jheung jheung heue.

MATHIEX 18:4

Pui mawx ang ah, pa kieh rhawm tix awn awm kawn nyawm iak in, mawh pa nie lheu ting khaing paox tix ka daux meung raoma heue.

MATHIEX 19:14

Yesux ah nin, “Kieh kawn nyawm iak khankix hoek ka Aux, paw sidien kix, kheu meung raoma mawh cie pa awm kix heue.”

MATHIEX 5:10

Pui pa hoik kham geu pa tuktiak son pa rahsee koe bwanson heue, kheu Meung Raoma mawh cie kix.

MATHIEX 5:3

“Pui pa hot daux khuan khankix koe bwanson heue, kheu Meung Raoma mawh cie kix.

MAKUX 3:5

Khaix an Nawh Cao song rhawm mai jhak sivie tan piang kix, Nawh Cao khi rhawm kheu kien rhawm kix mai ah nin ka pui an, “Nyeu taix maix heue.” nawh nyeu taix tix mai taix nawh deeh mhawm heue.

MAKUX 8:33

Nawh Cao hoik veeh mai yaox kawncau Nawh khankix, Nawh Cao ah ka Petrux yuh nin, “Satan eue, hu plak khaix Aux, kheu ang maix keud grawh grawng ceu pa dex dawd mai Siyiex, viang mawh nan maix keud grawh grawng ceu pa dex dawd mai kawn pui khaing.”

YOHAN 3:3

Yesux pawk ah nin, “Aux krai lox tete ka maix, phan pui ang baox deeh keh tix bawg, nawh ang pon ti yaox Meung Siyiex heue.”

YOHAN 3:5

Yesux baox deeh pawk lox ah nin, “Aux krai lox tete ka maix, phan pui ang keh daux rawm mai Khuan, nawh ang pon ti laig ka daux Meung Siyiex.

KAWNCAU 2:39

Mawh kheu lox mukheu pa hoik tawx an, mawh son pex mai son kawn praix pex mai pui pa ot dee singai khawmuik. Awm kok Siyiex ex hoek ka Nawh miex ding ang ah, mawh ding heue.”

KAWNCAU 3:25

Pex mawh kawn praix cao jhai khankix mai mukheu pa hoik yuh Siyiex tau mai tax du pex, pa ah nin ka Abraham, Ka daux ru maix, geh pui piang haktiex khawmuik khawm leeing tak sang pon bwanson heue.

ROMAX 11:16

Phan blah pa hoik kleeig nhia pa ran ti teei tix bin mawh pa singax singeh khawm pum kawx singax heue. Phan riah mawh pa singax singeh, khawm kak kawx mawh pa singax singeh heue.

ROMAX 11:28

Phan mawh pa khaw mai lox bwan gaux rhawm kix mawh pui koeng kheu sipiag pex, viang mawh nan phan mawh pa khaw mai pa laug ti teei, kix mawh pa hoik moh kah, kheu sipiag tax du khankix heue.

1 KAWRINTHUX 14:20

Puxaik khankix eue, paw kieh mawh kawn nyawm ka daux krax pa tawng pex, ka daux krax pa caox caig kieh pex mawh kawn ngie, ka daux krax pa tawng kieh mawh pa hoik riex ju awx.

1 KAWRINTHUX 7:14

Grawh grawng nawh mex pa ang yum rhawm lih mawh pa singax ka daux moeng tix mai moeng pa ang yum rhawm lih mawh pa singax ka daux puxaik pa mawh mex nawh heue. Phan ang mawh nan kawn praix pex tak lai mawh pa ang singax, yam in kix mawh pa singax heue.

EFESUX 4:26

Viang pex song rhawm kawx, paw ot kieh mawh phimap. Paw kieh singaix klip ka piang ceu pa song rhawm pex.

PINGNYAP 4:37

Mawh kheu hoik moh Nawh Cao ka keeing pex mai laug doeh ru pex mai viex pex lih khaing meung Ejiptux ka sivoe ngai tix tau mai pa ting siawp sibrawm Nawh,

2 TIMOSE 1:5

Kheu hoik kieh aux doh keud ka krax yum rhawm pa ang koe dee ne, pa koe ka daux maix, pa hoik koe phao ka ka daux yiex Lo-ix maix mai ka daux miex maix Unik mai pa hoik yum rhawm aux grawng pa koe ka daux maix khawm heue.

2 TIMOSE 3:15

mai jah tom yam mawh maix kawn nyawm maix hoik tawng phuk lai sigang khri pa singax singeh, pa chix kieh maix koe pingnya tom hoek ka krax taoh kheu pa yum rhawm ka daux Yesux Khrit.

YAWSUX 8:35

Gumlox pa hoik tawm Mose khankix khawmuik, pa ang Yawsux phat ang lai koe pie tix gum kawx ka plak sivoe cub pui hun, tau mai bun khawm kawn nyawm khankix mai sivoe nyo sinie pa ot ka daux sinax kix heue.

1 PETRUX 2:2

Awm kawn ngie pa tak khraox keh khankix, simie ka rawm teeih gumlox bwan pa singax singeh, sonsang haok hwan pex tom pon krax taoh.

PLAK JHI 14:5

Ka daux jheeh kix ang lai yaox lox pie lhen, kix mawh pa loig pa ang koe dee ne heue.

1 SAMOELAX 1:11

Nawh tiextu ah nin, “Simiang Siyiex Cao pa ting piang khawmuik eue, phan Maix koe rhawm ti kia ngien ka krax kham geu siliex bun tix, doh keud ka aux, paw piawm ka siliex bun Maix, phan Maix tawx kawn simex ka siliex bun Maix tix kaux, aux tak ap nawh ka Simiang Siyiex glang singaix im ju nawh mai ang khlao ka kaing nawh.”

1 SAMOELAX 1:22

Viang mawh nan, Hanax ang cu ti hu, nawh ah nin ka mex tix, “Aux ang nyang hu, kieh kawn nyawm prah peuex ha, aux tak viex nawh hoek sivoe Siyiex mai prah nawh ot tan leeing ju.”