MAKUX 10:1 - Wa Common Language Translation

¹ Nawh cao kaoh khaing tan mai hoek ka daux haktiex Yudax plak toi rawm Yawdan, cub pui hun baox deeh khrawm paox tix hoek ka Nawh Cao, Nawh baox deeh sidiex gau ka kix awm pa hoik sax yuh Nawh heue.

MAKUX 10:1 Iomraidhean Croise

SIDIEX 12:9

Lheu khaing an kheu hoik koe pingnya cuyi cao sidiex lox bwan, nawh ca kawn gau krax tawng yung ka pui khankix, nawh sawg mai tiag ti yaox ka gumlox kab khankix tom nie glawk mawx glawk an heue.

YERAMIX 32:33

Kix hoik ghaix blawg tix ka Aux mai ang lai veeh ngaix tix ka Aux, viang Aux kaoh caocao mai sidiex gau ka kix kawx, kix ang lai nghiet mai ang rieb ka lox sidiex gau Aux heue.

MATHIEX 26:55

Daux bawg yam nari an, Yesux ah nin ka cub pui hun khankix, “Pex viex vaid viex khaox hoek ti giex Aux awm giex ka pui tud rhim lie? Aux ngawm ti sidiex gau ka daux nyiex bwan ku singaix mai pex ang giex Aux.

MATHIEX 4:23

Yesux hu lailing ka daux meung Galilie kudah dee mai gau ka daux nyiex sidiex khankix mai sidiex lox bwan gaux rhawm, pa dex dawd mai Meung Siyiex mai cox jhawm saux kuceu moi sinax pui khankix heue.

MAKUX 1:21

Kix hu ka veng Kapeniom mai dom mawx dom an ngaix twah Nawh laig ka daux nyiex sidiex mai sidiex gau tan heue.

MAKUX 10:2

Pharishie tix blah hoek ka Nawh mai chawk Nawh Cao ah nin, sonsang cheuk ti yaox Nawh, “Pui khaw ti tik moeng tix lie?”

MAKUX 12:35

Yam sidiex gau Yesux ka daux nyiex bwan Nawh ah nin, “Pui tiiem lai khankix ah Khrit mawh kawn Davit yuh ka mawx?

MAKUX 14:49

Aux ot tau mai pex mai sidiex gau ka daux nyiex bwan ku ngaix mai pex ang giex Aux. Viang mawh nan, ceu in hoik mawh sonsang naog phuk lai sigang khri heue.”

MAKUX 2:13

Nawh Cao deeh hu ka dex praok rawm nhawng tix bawg mai cub pui hun khawmuik hoek ka Nawh mai Nawh Cao sidiex gau ka kix heue.

MAKUX 4:2

Nawh Cao sidiex gau kix tom nie ceu ka daux lox tiag mai Nawh ah nin ka kix ka daux lox sidiex gau Nawh.

MAKUX 6:2

Yam hoek singaix twah Nawh Cao jah ti sidiex gau ka daux nyiex sidiex mai pui hun pa mhong Nawh Cao, kied daox deng ah nin, “Pui in pon ceu in khankix dee mawx? Hoik tawx pingnya cuyi, pa yuh ka mawx ka Pui in? Kaing pa ting sibrawm ceu in chix mawh daux tawm taix Nawh yuh ka mawx?

MAKUX 6:34

Yam lih Nawh Cao Nawh yaox cub pui hun mai Nawh Cao caux rhawm ka kix, mawh kheu awm kix yung pa ang koe cao liang cao kia mai Nawh Cao sidiex gau ka kix tom nie ceu heue.

MAKUX 6:6

Nawh Cao daox deng ka krax pa ang kix yum rhawm heue. Nawh Cao hu lai ling ti sidiex gau ka daux yaong khankix sivie siveng tan heue.

YOHAN 10:40

Nawh Cao baox deeh hu plak toi rawm Yawdan ka dee cubcom Yohan phao ka mai Nawh ot tan heue.

YOHAN 11:7

Khaix an Nawh ah nin ka kawncau Nawh khankix, “Ex deeh hu daux meung Yudax tix bawg heue.”

YOHAN 18:20

Yesux baox pawk lox ka nawh ah nin, “Aux hoik krai sidawng ka haktiex khawmuik. Aux hoik sidiex hoik gau daux nyiex dee sidiex khankix mai daux nyiex bwan dee khrawm pui Yudax khankix paox tix jheung jheung Aux ang mox ti sidiex dee glip tix ceu kawx.