MAKUX 1:27 - Wa Common Language Translation

²⁷ Pui khawmuik khawm leeing daox deng kah, kix tom chawk paox tix, tix kaux lai tix kaux ah nin, “Lox sidiex gau pa khraox pa koe sibrawm In mawh patix? Nawh tawx lox ka phi pa seeing kawx, kix nghiet lox Nawh heue.”

MAKUX 1:27 Iomraidhean Croise

MATHIEX 15:31

Pui haoh hun khankix daox deng kah, yam yaox kix pui aw deeh chix sikah, pui laux maung deeh mhawm, pui laux caong deeh chix hu, pui dug ngai deeh chix yaox mai kix yaog yaw ka Siyiex Isarelax heue.

MATHIEX 8:9

Aux mawh pui ot greem simiang, kheu nan aux koe pui naing khankix greem aux heue. Phan aux ah “Hu” ka tix kaux, nawh hu heue. Phan aux ah “Hoek” ka tang kaux, kaw an hoek heue. Phan aux ah, yuh in ka siliex aux, nawh yuh heue.”

MATHIEX 9:33

Khaix hoik grheu phicaox an lih, pui pa aw an sikah heue. Cub pui hun khankix daox deng kah ah nin, “Ang sax yaox ceu pa awm in daux Isarelax heue.”

MAKUX 1:26

Phi pa seeing an, kieh pui an goh mai kok lox sinum lih hu khaing daux nawh heue.

MAKUX 1:28

Grawh grawng Nawh Cao tah hu ka sivie siveng meung Galilie ku dah dee tan heue.

MAKUX 10:24

Kawncau Nawh khankix kied daox deng ka lox Nawh Cao an, viang mawh nan Yesux baox deeh ah nin ka kix, “Kawn praix eue, pui pa een rhawm ka sinngao tix khankix, sonsang laig ka daux Meung Siyiex nu miex ding heue.

MAKUX 10:32

Yam kawn hu kix krax, yam haok kix ka veng Yerusaliem, Yesux hu sivoe kix, kix kied daox deng kah mai pa hawt Nawh khankix die lhat heue. Nawh Cao baox teei kix kao ra kaux mai krai grawh grawng ceu pa tak sang mawh ka tokaux tix ka kix ah nin,

MAKUX 16:5

Kix laig ka daux simeeig mai yaox pui awn ju tix kaux ngawm plak khawn dawm mai ceep sibex dha pa paing mai kix yaoh kah heue.

MAKUX 16:6

Nawh ah nin ka kix, “Paw yaoh paw lhat awx. Pex sawg Yesux pui veng Nazariet pa hoik tawk piang khaox lhak. Nawh Cao hoik kaoh. Nawh ang ot tin, jhak ka dee hoik een kix Nawh Cao heue.

MAKUX 7:37

Kix kied daox deng ka tete tom ang chix tiag chix krai ah nin, “Nawh hoik yuh khawmuik mhawm mhawm heue. Viang mawh pui pa lheet yhaok kawx Nawh deeh cox kieh chix mhong, pui aw kawx, deeh kieh chix sikah heue.”

LUKAX 4:36

Pui khawmuik daox deng kah, kix tom chawk paox tix, tix kaux lai tix kaux ah nin, “In mawh lox pa yuh ka mawx?” Mawh kheu Nawh koe sibrawm tawx lox ka phi pa seeing brai khankix mai kix lih hu heue.

LUKAX 9:1

Yesux kok kawncau Nawh kao ra kaux khrawm paox tix mai tawx sibrawm ka kix pa pex piang phicaox khawmuik sonsang pon ti cox jhawm saux moi heue.

KAWNCAU 17:19

Kix teei nawh mai viex nawh hoek ka gawng Are ah nin, “Ex pon ti tawng grawng lox gau pa khraox pa sidiex maix liak lie?