MAKUX 1:13 - Wa Common Language Translation

¹³ Nawh ot ka daux tiag tu tixpon ngaix mai kham geu pa nyaw Satan, Nawh ot daux tiag, Kawncau Siyiex khankix khan kheu ka Nawh Cao heue.

MAKUX 1:13 Iomraidhean Croise

LIH HU 24:18

Mose laig daux sigreung paiawm mai haok ka piang gawng. Mose ot ka piang gawng tixpon ngaix tixpon sawm heue.

LIH HU 34:28

Mose ot tau mai Siyiex tan, tixpon singaix tixpon sawm, nawh ang ih priex mai ang nyaux rawm, Nawh Cao tiiem gumlox sijax mukheu ka piang khlawp simaox an, pa mawh gumlox pingnyap kao gum heue.

MATHIEX 26:53

Maix lai ce Aux ang pon mhaing ka Keeing Aux, sonsang ploi Nawh kawncau Siyiex, pa nie lheu khaing kao ra lie cong hoek dom mawx dom an ka Aux yam in lie?

MATHIEX 4:1

Yam an Khuan Cao tuk Yesux hu ka daux tiagtu, sonsang kham geu pa nyaw phicaox heue.

LUKAX 4:1

Yesux naog ka Khuan Singax Singeh, deeh hoek khaing rawm Yawdan mai Khuan Cao tuk Nawh hu ka daux tiagtu heue.

PINGNYAP 9:11

Khaix hoik luan tixpon singaix tixpon sawm, Simiang Siyiex ap khlawp simaox an ra khlawp ka aux, pa mawh khlawp simaox lox sijax mukheu.

PINGNYAP 9:18

Aux deeh gup ti ka plak sivoe Simiang Siyiex awm phao voe tixpon singaix tixpon sawm, Aux ang ih blah mai ang nyaux rawm kheu jao phimap pex khawmuik, ka pa hoik lud pex ka daux pa yuh ti pa caox caig ka plak sivoe ngai Simiang Siyiex, sonsang song rhawm Nawh Cao.

PINGNYAP 9:25

“Mawh kheu nan, aux baox deeh gup ti ka plak sivoe Simiang Siyiex tixpon singaix tixpon sawm, kheu hoik ah Simiang Siyiex tix sang yuh pex laux leeing.

1 TIMOSE 3:16

Ceu pa chix nab chix yam mai pa yuh pa khaw ka Siyiex, mawh pa kied ting raux mai ang koe dee ne dee ah ka grawng an heue. Nawh Cao hoik lih bleeh ka daux nex. Khuan Cao hoik kham mhai ruk kah, pa hoik yaox kawncau Siyiex khankix kah, pa hoik sidiex grawng Nawh ka pui tang ceu, pa hoik yum rhawm pui haktiex kah, pa hoik teei haok ka daux min pakngai heue.

HEBRIE 4:15

Grawh grawng nawh ex ang koe cao giex kaing li pa ting pa ang chix caux rhawm ka ceu pa iak riang ex khankix, ex koe Kaw pa hoik sax yaox ti kham krax nyaw glaw ka can ku ceu ku blawng khawmuik, Nawh ang yuh phimap heue.