LUKAX 1:6 - Wa Common Language Translation

⁶ Kiex khawm ra mawh pa rahsee sivoe Siyiex mai hawt lox tawm pinyap cie Siyiex khawmuik ang lai koe dee lud loe heue.

LUKAX 1:6 Iomraidhean Croise

YAM JAH 17:1

Yam hoik koe ju Abram tixdim dim num Simiang Siyiex lih bleeh ka Abram ah nin, “Aux mawh Siyiex pa ting sibrawm, hu plak sivoe ngai Aux, daux pa grum naog awx.

YAM JAH 6:9

In mawh grawng doeh ru Noax, Noax mawh pui pa rahsee mai pa grum naog, daux doeh ru nawh, nawh mawh pa hu tau mai Siyiex.

YAM JAH 7:1

Khaix an Simiang Siyiex ah nin ka Noax, “Maix mai nyiex ma maix khawmuik laig ka daux reu, mawh kheu Aux hoik yaox pa rahsee maix sivoe tix, daux doeh ru inkix heue.”

1 SIMIANG 15:5

Mawh kheu Davit yuh pa khaw ka plak sivoe ngai Simiang Siyiex mai ang veeh tix, khaing lox tawm Nawh Cao glang singaix im ju nawh, lheu khaing grawng see Uriyax pui Hetax heue.

1 SIMIANG 9:4

Phan maix lawng hu ka plak sivoe Aux, awm hu keeing maix Davit mai hawt yuh awm pa tawm Aux ka maix mai phan maix priex ti hawt lox lai beenli pa deuh Aux mai lox tat jhawm prawng Aux khankix,

2 SIMIANG 20:3

“Siyiex eue, aux rawg bwan doh keud ka aux ka daux krax lawng aux ka plak sivoe ngai Maix Cao, ka daux pa khaw caw mai krax pa kaux sijax khawm rhawm tix mai aux hoik yuh can ceu pa hoik mhawm khankix ka daux ngai Maix Cao heue.” Hezakiyax yiiem sigrien sigre heue.

2 GRAWNG BEEN 17:4

Viang mawh nan, nawh sawg ka Siyiex keeing nawh mai lawng ka daux krax lox tawm pingnyap Nawh Cao mai nawh ang yuh awm pa yuh ceu pui Isarelax khankix heue.

YAWBAX 1:1

Koe pui tix kaux pa kaux Yawbax pa ot daux haktiex Uzax pui an mawh pui grum naog mai pa rahsee mai nawh mawh pui pa lhat graung ka Siyiex mai via khaing pa caox caig heue.

YAWBAX 1:8

Khaix an Siyiex ah nin ka satan, “Mawh hoik sax keud maix ti yaox ka grawng kawncau Aux Yawbax, pui pa awm nawh ang lai koe ka piang ca haktiex, pa mawh pui pa ang koe dee deuh phimap pa grum naog mai pa rahsee, nawh mawh pui pa lhat graung ka Siyiex mai pa via khaing pa caox caig lie?”

YAWBAX 9:2

“Mawh heue, aux tawng lox an mawh pa mawh meh, viang mawh nan, sang pon rahsee kawn pui sivoe ngai Siyiex miex ding?

YAOGYAW 119:6

Yam hawt aux ti yuh ka lox tawm beenli Maix khawmuik, kieh aux luan khaing krax pa kaig tua liak.

LUKAX 1:7

Kiex ang koe kawn, kheu Elizabiet mawh pui neh mai kiex hoik kuad.

LUKAX 16:15

Nawh Cao ah nin ka kix, “Pex mawh pui pa yuh awm grang pa rahsee sivoe kawn pui, viang mawh nan Siyiex tawng rhawm rhi pex. Mawh kheu pa yaog kawn pui ti kieh ting, mawh pa seeing brai sivoe ngai Siyiex heue.

LUKAX 2:25

Jhak heue, ka daux veng Yerusaliem koe pui pa kaux Simeon tix kaux, pa mawh pui rahsee pa chix nab yam yungyi mai krox jun son bawg yam sang teem kieh Isarelax mhawm mai Khuan Singax Singeh koe ka piang nawh heue.

KAWNCAU 2:25

Mawh kheu Davit hoik krai grawng Nawh yuh nin, Aux yaox Siyiex sivoe pakngai aux jheung jheung Kheu Nawh ot plak taix khawn dawm aux, son ang pon ti yung yiang aux.

KAWNCAU 23:1

Pawlux jeung ka cub kuad song cao prawng ca khankix ah nin, “Puxaik khankix eue, aux hoik yuh ceu pa khaw aux ti yuh sivoe Siyiex tom sidah hoek ngaix in mai rhawm aux ang koe dee deuh phimap ka tokaux tix ka grawng an heue.”

KAWNCAU 24:16

Mawh kheu nan aux tom nied ti coca son rhawm aux dee chix keud tawng tak ang koe pa lud ka plak Siyiex mai plak kawn pui ku jheung jheung heue.

KAWNCAU 8:21

Maix ang kleuk ang neuex ka grawng ceu in, kheu rhawm maix ang caw sivoe ngai Siyiex heue.

ROMAX 8:4

son been pa hoik nhie ka daux lox lai beenli, tak sang naog ka daux ex, pa ang hu awm pa khaw mai nex nham, viang mawh nan pa hu awm pa khaw mai Khuan heue.

1 KAWRINTHUX 11:2

Aux yaog yaw ka pex, mawh kheu doh keud pex ka aux ka daux ku ceu khawmuik mai kheu giex tom cong ka lox been pa hoik tawx aux ka pex khankix heue.

2 KAWRINTHUX 1:12

Grawh grawng nawh krax pa yaw rangdi ex mawh in, mawh pa mawh mhai rug pa kham dee chix keud chix tawng ex, grawng pa twah pa klaung ex ka daux haktiex mai pa nie lheu mawh pa twah pa klaung ka pex, mawh pa hoik yuh ka daux pa singax mai ka daux pa viex khawm rhawm tix awm pa khaw mai Siyiex mai grawng ang lai mawh pa yuh ka daux pingnya pa dex mai nex nham, viang mawh nan mawh ka daux bwanson Siyiex heue.

PINGNYAP 5:33

Pex tak lawng daux krax pa hoik tawm Simiang Siyiex pex ka pex, sonsang im ju pex mai pon bwanson ceu pa mhawm tau mai lang ju ka daux haktiex pa sang pon pex ti cie heue.

PHILIPPIX 2:15

sonsang lih pex ti mawh pa ang koe dee lud mai pa ang chix lud, pa mawh kawn Siyiex pa loig, ka sigreung ju pa kawk vawk, pa tieh lud, jhi tokaux pex ka sinax pui pa yuh nin awm ceu pa toh riang ka daux haktiex,

KAWLAWSIE 1:22

yam in Nawh Cao hoik deeh kieh khaw paox tix, ka daux tokaux nex nham Nawh, kheu pa yum Nawh, sonsang pon tix tawx pex mawh pa hoik singax singeh pa loig pa ang koe dee deuh phimap ka plak sivoe Nawh Cao.

1 THESALONIX 3:13

sonsang sidah kieh Nawh Cao rhawm rhi pex kaux cong mai ang koe dee deuh phimap ka daux pa singax singeh sivoe Keeing ex Siyiex, yam sang hoek Simiang ex Yesux, tau mai pui pa singax singeh Nawh khawmuik liak.

2 PETRUX 3:14

Mawh kheu nan, pa moh aux khankix eue, kheu hoik yaox grawng krox pex ti jhak son ceu in khankix, nied ti coca yuh ka mawx sonsang pon pex ti yaox ka daux pa nhim mai pa loig pa ang koe dee ne ka sivoe ngai Nawh Cao heue.

1 YOHAN 2:29

Phan pex tawng grawng mawh Nawh pa rahsee, can pui pa yuh pa rahsee ku kaux daux pui kawx, pex tawng grawng mawh pa hoik keh ka daux Nawh Cao heue.

1 YOHAN 2:3

Phan ex priex ti hawt lox tawm jhawm krai Nawh, kheu in ex tom tawng mawh grawng pa tawng ex ka Nawh heue.

1 YOHAN 3:7

Kawn nyawm aux khankix eue, paw kieh pui tix kaux kawx thong ti kieh pex lud awx. Kaw pa yuh pa rahsee, mawh pa rahsee, awm rahsee Nawh Cao heue.