KAWNCAU 8:2 - Wa Common Language Translation

² Pui pa chix nab yam tix blah, sipaung Sathephan mai kix yiiem riag yiiem yo lox sinum son nawh heue.

KAWNCAU 8:2 Iomraidhean Croise

YAM JAH 23:2

Sara yum daux veng Kirathabax pa mawh veng Hebron, ka meung Khanan, Abraham hoek ti yiiem doe son Sara heue.

YAM JAH 50:9

Cub ling lawx mai cub lien brung pa kied haoh hun lih hu tau mai nawh heue.

2 SAMOELAX 3:31

Davit ah nin ka Yuabax mai pui pa ot mai nawh, “Riah kraung ceep pex mai ceep ka man chee rhix mai yiiem doe ka son Abana, ” mai Davit kawx hu yam sipaung ka Abana.

2 GRAWNG BEEN 32:33

Mawh kheu nan, Hezakiyax hoik laux lee it tau mai cub keeing nawh khankix mai kix sipaung nawh ka daux simeeig pa lhaong cub kawn simex Davit khankix mai khawm can pui pa ot ka daux veng Yerusaliem khankix khawmuik hoik yaogyaw min plakngai nawh yam yum nawh heue. Khaix an, kawn simex nawh Manashe hoik deeh plud ti kwang haktiex ka dee ot nawh heue.

2 GRAWNG BEEN 35:25

Yeramix baox deeh ah lox laux rhawm ka Yosiyax heue. Tom hoek ka daux singaix in, can simex mai bun pa ah lai rhax khankix krai grawh grawng Yosiyax ka daux lox pa laux rhawm heue. Kix yuh mawh been pa deuh kix ka daux meung Isarelax; mai grawng ceu ankix pa tiiem ti priex ka daux phuk lai pa yiiem doe khankix heue.

YERAMIX 22:10

Paw yiiem grai son pui pa yum mai paw laux rhawm ka son nawh, viang mawh nan, yiiem grai sigrien sigre son pui pa hu dee singai, mawh kheu nawh tak ang lai deeh hoek khaix in pie tix bawg kawx mai ang lai yaox ka haktiex dee keh dee kung tix heue.”

YERAMIX 22:18

Mawh kheu nan, Siyiex ah nin ka grawng pa dex dawd mai Yehoyakim kawn simex Yosiyax pa mawh simiang meung Yudax, kix tak ang lai yaox ti yuh krax yiiem doe son nawh, pa ah nin, “Puxke eue phan ang mawh nan, pux nan eue kix tak ang lai yaox ti yuh krax yiiem doe son nawh, pa ah nin, cao simiang aux eue phan ang mawh nan, min sibrawm cao simiang aux eue.

SIMIN 20:29

Yam yaox pui hun khankix hoik yum Arun, nyiex ma ceu pui Isarelax khawmuik, yiem doe son Arun tixngoe ngaix heue.

MAKUX 6:29

Yam mhong kawncau Yohan khankix, kix hoek mai teei tokaux yum nawh mai hu sipaung deuh nawh daux simeeig heue.

LUKAX 2:25

Jhak heue, ka daux veng Yerusaliem koe pui pa kaux Simeon tix kaux, pa mawh pui rahsee pa chix nab yam yungyi mai krox jun son bawg yam sang teem kieh Isarelax mhawm mai Khuan Singax Singeh koe ka piang nawh heue.

KAWNCAU 10:2

Nawh mawh pui pa chix nab yam. Mai pa chix lhat ka Siyiex mai khawm pui daux nyiex nawh khawmuik kawx awm an. Nawh mawh pa sax yuh bwanson tan tom nie, ka pui khankix mai rawg bwan ka Siyiex jheung jheung heue.

KAWNCAU 2:5

Ka daux bawg yam an koe pui Yudax ka daux veng Yerusaliem, pa mawh pui pa chix nab yam ka Siyiex, pa kaoh khaing meung pui ku meung pa koe greem raoma heue.

KAWNCAU 8:1

Sawlux khaw rhawm ka teei kix nawh yum heue. Ka ngaix an, krax tuktiak pa ting lih ti mawh piang ceucao pa koe ka daux veng Yerusaliem mai lheu khaing kawncau pa ting khankix khawmuik prung prang hu ku dah dee ka daux meung Yudax mai meung Samarix heue.

KAWNCAU 8:3

Viang mawh nan Sawlux yieh ceucao laux, laig ka daux ku nyiex mai reu simex mai bun mai hu sau kix ka daux thawng heue.

PINGNYAP 34:8

Kawn praix pui Isarelax khankix, doh keud mai yiiem doe son Mose ka daux lung Mawbax, tixngoe ngaix, mawh kheu nan, singaix yiiem kix mai singaix doh keud kix hoik sidah tin.

1 SAMOELAX 28:3

Yam an Samoelax hoik yum mai pui Isarelax yiiem doe ka son nawh mai kix sipaung nawh ka daux veng Ramax, pa mawh veng ot cao nawh mai Sawlux grheu pui singie mai pui pa koe khwan caox khaing daux haktiex.