KAWNCAU 8:1 - Wa Common Language Translation

¹ Sawlux khaw rhawm ka teei kix nawh yum heue. Ka ngaix an, krax tuktiak pa ting lih ti mawh piang ceucao pa koe ka daux veng Yerusaliem mai lheu khaing kawncau pa ting khankix khawmuik prung prang hu ku dah dee ka daux meung Yudax mai meung Samarix heue.

KAWNCAU 8:1 Iomraidhean Croise

NEHAMIX 6:3

Mawh kheu nan, aux ploi cao cau khankix hu ka kix ah nin, “Aux kawx yuh kaing pa kied ting lhaong, mawh kheu nan, aux ang nyang pon lih hoek, aux khex sang prah kaing yuh tix kheu sang hoek tix ka pex yuh ka mawh lie?”

DANYELAX 6:10

Yam in viang Danyelax tawng ka hoik tawk cum piang lai an, nawh hu ka nyiex tix. Laig ka daux lawg plak piang daux nyiex nawh mai paoh siviex iak tix ka plak see veng Yerusaliem, nawh grux ngawng tix rawg bwan mai tawx krax pa yaogyaw ka plak sivoe Siyiex nawh, tix ngaix loe bawg awm hoik koe been pa deuh nawh singaix phao voe khankix heue.

DANYELAX 6:23

Yam an simiang kied koe krax gaux rhawm ka son nawh mai tawx gumlox tix, sonsang deeh teei kix Danyelax lih khaing daux kawg sivai sangsi mai krax pa mat tix ceu kawx ang yaox piang nawh, mawh kheu yum rhawm nawh ka Siyiex Cao tix heue.

MATHIEX 22:6

Kix pa deuk tan, giex kawncau an khankix mai yuh pa ang khaw ka kix mai pah kix yum heue.

MATHIEX 23:34

Mawh kheu nan, Aux ploi cao jhai mai pui koe pingnya pui tiiem lai khankix hoek ka pex heue. Ka kix tix blah pex tak sang teei yum mai tawk piang khaox lhak mai ka tix blah pex tak sang sivied ka daux nyiex dee sidiex pex khankix mai tukiak ka kix tix veng hoik tix veng heue.

MATHIEX 5:13

“Pex mawh kih haktiex heue, viang mawh nan phan pa laoh kih hoik grai, kienie, chix deeh kieh laoh yuh ka mawx? Lheu khaing tik plak praix mai pui dig greem caong tix ang koe bwanson tidtix.

YOHAN 15:20

Doh keud ka lox pa hoik krai Aux ka pex, Siliex ang lheu ting khaing simiang nawh. Phan kix hoik tuktiak tukte ka Aux, viang pex kawx, kix tak sang tuktiak tukte kah heue. Phan kix hoik priex ti hawt gumlox Aux, viang lox pex kawx kix tak sang priex ti hawt heue.

YOHAN 16:2

Kix tak sang grheu ti tik pex lih khaing daux nyiex sidiex khankix, mawh heue, pui mawx ang ah pa pah pex yum bawg yam ce ti yuh kaing krub ka son Siyiex tak sang hoek heue.

KAWNCAU 1:8

Viang mawh nan pex tak sang pon sibrawm, yam hoik hoek Khuan Singax Singeh piang pex mai pex tak sang mawh pui pa kham mhai rug son Aux, jah ka veng Yerusaliem khawm meung Yudax khawmuik mai meung Samarix mai hoek tom dee sidah haktiex heue.”

KAWNCAU 13:1

Ka daux ceucao pa koe ka daux veng Antiuk, koe pui pa mawh cao jhai mai cao gau, pa mawh Banabax mai Simeon pa kok mawh Nika. Mai Lukix pui meung Kurene mai Manaen pa hoik yuh ti mawh puxaik simiang Herut mai Sawlux heue.

KAWNCAU 13:36

Kheu khaix hoik hawt yuh Davit alo Siyiex ka daux bawg yam ju tix, nawh laig it mai deuh nawh tau mai tax du nawh khankix mai nawh yaox krax cux sium heue.

KAWNCAU 2:47

yaogyaw Siyiex mai pon pa khaw caw rhawm pui khawmuik heue. tix ngaix hoik tix ngaix Siyiex baox tiien ka kix pa hoek krax taoh heue.

KAWNCAU 22:20

Yam lih nham Sathephan pui pa kham mhai rug son Maix, aux kawx cung dex tan mai kieh yuh mai priex kraung ceep kix pa pah nawh yum heue.

KAWNCAU 26:10

Viang mawh ka veng Yerusaliem kawx aux hoik yuh nan mai aux laung pui singax tom nie ka daux thawng khankix, khaix hoik pon aux akhwang khaing cao giex kaing li pa ting khankix heue. Yam teei kix yum, aux kawx tawx lox deuh phimap piang kix heue.

KAWNCAU 5:18

Kix giex kawncau pa ting khankix mai sau kix ka daux thawng.

KAWNCAU 5:20

“Pex hu mai cung ka daux nyiex bwan mai sidiex gau ka pui khankix, grawng gumlox pa im ju khawmuik heue.”

KAWNCAU 5:33

Kix pa mhong lox an dung ka rhawm kix mai kix koe rhawm tix sang pah kawncau pa ting khankix yum heue.

KAWNCAU 5:40

Kix nghiet lox nawh mai yam hoik kok kix kawncau pa ting khankix hoek, kix sivied kix mai tawm lox ka kix, son ang kix sang sidiex gau ka daux ceu kaux Yesux mai ploi kix hu heue.

KAWNCAU 7:38

Kaw in mawh pa hoik ot ka daux cub an, daux tiagtu, tau mai kawncau Siyiex an, pa hoik sikah mai nawh ka gawng Sina tau mai tax du ex khankix, pa hoik pon ti tawx lox pa im ju ka ex heue.

KAWNCAU 7:54

Yam hoik mhong kix lox grawng ceu in khankix, dung ka rhawm kix mai kix song rhawm mai greeik rhang tix ka Sathephan heue.

KAWNCAU 7:58

Kix taing nawh plak praix veng mai teei simaox dheem nawh kah mai pui pa kham mhai rug khankix teei kraung ceep tix mai een dex caong pui pa awn ju tix kaux, pa kaux Sawlux heue.

KAWNCAU 8:14

Kawncau pa ting khankix, pa ot ka daux veng Yerusaliem, yam mhong kix grawh grawng Samarix hoik rieb ti teei gumlox bwan Siyiex, kix ploi Petrux mai Yohan hu ka kix heue.

KAWNCAU 8:2

Pui pa chix nab yam tix blah, sipaung Sathephan mai kix yiiem riag yiiem yo lox sinum son nawh heue.

KAWNCAU 8:4

Mawh kheu nan kix pa hoik prung prang ku dah dee, hu sidiex gau gumlox bwan heue.

KAWNCAU 8:5

Philipux lih hu ka veng Samarix mai sidiex gau grawng Cao Khrit ka kix heue.

KAWNCAU 9:31

Ceucao pa koe ka daux meung Yudax mai meung Galilie mai meung Samarix khawmuik koe krax nhim mai baox ting lhaong mai kix hu ka daux pa lhat ka Simiang Yesux mai ka daux ceu pa nyawm rhawm pa khu Khuan Singax Singeh mai baox nie haoh hun heue.

ROMAX 1:32

Viang kix hoik tawng grawng pa prawng ca Siyiex, hoik een grawng pui pa yuh nan khaw ti yum kawx, tokaux kix ang joeng yuh ceu an khaing, viang mawh nan kix yaw mai caw rhawm khawm ka pui pa yuh nan heue.

PHILIPPIX 1:12

Puxaik khankix eue, aux simie ti kieh pex tawng grawh grawng ceu pa hoik mawh ka aux, hoik mawh ceu pa teem ti kieh lox bwan gaux rhawm tah hu heue. Khaing pa kieh pa raw kah heue.

HEBRIE 11:27

Mawh kheu krax yum rhawm nawh ang lhat ka krax song rhawm simiang mai prah ka meung Ejiptux. Grawh grawng nawh, nawh kaux cong awm pa yaox nawh ka Kaw pa ang ngai chix yaox heue.