KAWNCAU 6:1 - Wa Common Language Translation

¹ Ka daux singaix an khankix, yam kawncau khankix baox nie haoh hun, pui Yudax pa dex dawd mai Helasax salao pui Hebrie, yam khan kheu kix ku ngaix, kix ang kia ngien ka miexmai kix mhawm mhawm heue.

KAWNCAU 6:1 Iomraidhean Croise

YAWBAX 29:13

Bwanson pui pa dex sang hoek krax laux leeing, hoik hoek piang aux mai aux hoik kieh miexmai gaux rhawm tix pon rhax lai heue.

YAWBAX 31:16

Ang aux sax tawx sax yee ka pui hot pui sibhawm yam koe ceu pa lo kix lie? hoik sax kieh aux miexmai laux pakngai lie?

YAOGYAW 110:3

Singaix yam jhi Maix sibrawm pui Maix khankix, ceep ka kraung pa singax mai koe rhawm sibieh ti tan mai sinaw khankix hoek ka Maix awm lih rawm ciex ponngawb heue.

YAOGYAW 72:16

Plix nghox plix koi tak teen haoh ka daux meung nawh, awm rib riem pa koe ka daux tiag gawng Lebanon heue. Pui veng nawh kawx, tak haoh hun awm rib riem ka daux meung an heue.

ISAYAX 1:17

gau ti yuh ceu pa mhawm, sawg ka pa rahsee, plak jhi ka phimap cao pa gut yeen, tieb tie ka son pa ang koe keeing, khyox khaw ka son miexmai heue.

ISAYAX 27:6

Ka daux singaix khaix in sax num riah Yakop tak sau tix kaux cong, ceu pui Isarelax khankix tak glaoh mai pruh tai tix mai naog yuh ka piang haktiex ka plix tix heue.

YERAMIX 30:19

Khaix an kix tak ting bwanson yaogyaw Siyiex ka lai rhax mai lox pui pa yuh pa nyawm rhawm, Aux tak sang kieh kix pre haoh hun mai kix tak ang lai dieh hu heue. Aux tak sang yaog min plakngai kix mai kix tak ang lai mawh pa iak heue.

YEZAKELAX 22:7

Ka daux veng ang lai koe pui pa yungyi ka miex keeing tix daux sigreung maix tix kaux kawx, kix hoik yuh krax tuktiak ka daux sigreung maix, kix hoik yuh pa ang khaw ang caw ka kawn doe mai ka miexmai heue.

MALAKHIX 3:5

Aux tak sang hoek dex pex, son krax ciyang, Aux tak sang mawh cao pa kham mhai rug pa kied phai, ka pui pa chix yuh phi yuh simeed khankix, ka pui pa phit vao, ka pui pa tiextu pie lhen, ka pui an kix, pa kheem ti ih ngawh kaing cao pa pon mau khankix mai ka pui pa yeen ya ti ih ka miexmai kawn doe mai ka pui an kix, pa nieb yuh ka nyo sinie khankix, kheu ang kix koe krax lhat graung ka aux heue. “Siyiex cao kru naing raoma ah nan heue.

MATHIEX 23:13

“Pui tiiem lai mai Pharishie, pui pa pie lhen khankix eue, pex tak kha rhawm, mawh kheu nyeep pex meung raoma sivoe kawn pui heue. Kheu tokaux pex kawx ang laig ka pui pa mie ti laig khankix kawx pex ang tawx akhwang khankix heue.

KAWNCAU 11:20

Kix tix blah pa mawh pui meung Kuparux mai meung Kurene, yam hoek kix ka veng Antiuk, kix sidiex gau grawng Simiang Yesux ka khawm pui Helasax kawx heue.

KAWNCAU 11:26

Yam hoik yaox nawh ka nawh, nawh viex nawh hoek ka veng Antiuk. Kix khrawm ti ot tau mai ceucao tan, tom naog tix num mai sidiex gau ka pui tom nie. Mawh ka daux veng Antiuk, dee jah ti kok kawncau mau soi khankix, mawh kawn Khrit phao ka heue.

KAWNCAU 11:29

Kawncau khankix, ku kaux daux pui, keud ti sang sipaox ceu pa teem ka puxaik khankix pa ot ka daux meung Yudax, awm pa chix tix kaux mawx kaux an heue.

KAWNCAU 2:41

Kix pa rieb ti teei gumlox nawh, cubcom daux rawm mai ka daux ngaix an pui pa baox tiien kix dex koe loe rheng heue.

KAWNCAU 2:45

Kix coh haktiex kix mai kraung khrai cie kix mai gwieh ka paox tix khawmuik, awm pa lo pui mawx pui an heue.

KAWNCAU 2:47

yaogyaw Siyiex mai pon pa khaw caw rhawm pui khawmuik heue. tix ngaix hoik tix ngaix Siyiex baox tiien ka kix pa hoek krax taoh heue.

KAWNCAU 4:35

mai deuh ka caong kawncau pa ting khankix mai kix gwieh ka ku kaux awm pa lo nawh heue.

KAWNCAU 4:4

Viang mawh nan pui pa mhong gumlox an tom nie yum rhawm ka mai simex giex dex koe phwan rheng heue.

KAWNCAU 5:14

Cub pui pa yum rhawm Siyiex khawm simex khawm bun, baox nie haoh hun heue.

KAWNCAU 5:28

Ah nin, “Ex hoik tawm lox ka pex, ang kieh sidiex gau ka daux ceu kaux in mai jhak heue, pex hoik kieh veng Yerusaliem naog ka lox sidiex gau pex mai keud ti sang viex nham Pui in hoek piang ex heue.”

KAWNCAU 6:2

Kawncau pa ting kao ra kaux kok cub kawncau khankix hoek ka kix ah nin, “Ex ang khaw ti tik ti grham gumlox Siyiex mai khan kheu ngie ka pheen khankix heue.

KAWNCAU 6:7

Gumlox bwan Siyiex baox nie tah hu mai kawncau mau soi baox nie haoh hun ka daux veng Yerusaliem mai cub cao giex kaing li tom nie koe krax cu nghiet ka krax yum rhawm in heue.

KAWNCAU 9:29

Viex rhawm kwa ti sidiex gau ka daux ceu kaux Simiang Yesux heue. Nawh sikah mai thung thiang ka pui Yudax meung Helasax, viang mawh nan kix sawg ti teei nawh yum heue.

KAWNCAU 9:39

Petrux kaoh mai hu tau mai kiex heue. Yam hoik hoek nawh tan, kix viex nawh haok ka daux lawg plak piang mai miexmai khawmuik cung yiiem liep Petrux mai jhi nawh yaox sibex mai kraung ceep, pa hoik yuh Dawka, yam kawn ot nawh tau mai kix heue.

KAWNCAU 9:41

Nawh tawx taix tix ka bun an mai yaog nawh kaoh mai kok pui singax mai miexmai khankix, nawh deeh tawx bun pa im an ka kix heue.

ROMAX 12:7

Phan ang mawh nan, phan mawh cao sidiex kieh ex viex khawm rhawm tix yuh kaing sidiex tix heue. Phan ang mawh nan kaw pa yuh sara cao gau, kieh nawh yuh kaing gau tix heue.

1 KAWRINTHUX 10:10

Paw salao awm hoik salao kix tix blah mai laux leeing ka tawm taix cao pa yuh laux heue.

2 KAWRINTHUX 11:22

Kix mawh pui Hebrie lie? Aux ka mawh heue. Kix mawh pui Isarelax lie? Aux kawx mawh heue. Kix mawh ru Abraham lie? Aux ka mawh heue.

PINGNYAP 26:12

Yam hoik tawx maix krax tan kao son tix son khaing plix khaox plix ox pa pon ti kuceu, ka daux num loe pa mawh num tan maix kao son tix son mai maix tak tawx ceu ankix ka ceu pui Lewix mai nyo sinie mai ka miexmai kawn doe, sonsang pon kix ti ih tom sak ka daux veng maix khankix,

PHILIPPIX 3:5

Hoik pat hak aux yam koe daix singaix, aux mawh ceu Isarelax, pa mawh ru Benyamin, aux mawh pui Hebrie pa mawh khaing pui Hebrie, phan hawt lox lai beenli mawh Pharishie.

1 TIMOSE 5:3

Yungyi ka miex mai pa mawh miexmai tete awx.

1 TIMOSE 5:9

Paw sau miexmai pa ang nyang hoek ju tigliah num ka daux carang mai kiex tak lai mawh pa hoik koe ngie mex tix kaux khaing,

HEBRIE 13:1

Kieh kawn ca koe krax pa moh rhawm ka puxaik khankix awx.

YAKOP 1:27

Ceu pa hawt yuh plak been bwan pa singax, pa ang kawb pa seeing brai sivoe Keeing ex mai Siyiex mawh nin. Mawh pa hu kia ka kawn doe mai miexmai khankix, ka daux krax kha rhawm kix mai ceu pa chix priex tokaux tix kieh luan khaing pa kawb pa seeing brai haktiex heue.

YAKOP 4:5

Pex keud ce phuk lai sigang khri pa ah nin, “Khuan Cao pa hoik kieh Nawh ot ka daux ex, mawh pa koe rhawm pa sang ghoing kah lie?” Pa ah nan mawh pa giex going lie?

YAKOP 5:9

Puxaik khankix eue, paw vi salao ka paox tix, son ang pex sang hoek krax prawng ca. Jhak heue, cao prawng ca hoik ot sivoe siviex khankix heue.