KAWNCAU 4:3 - Wa Common Language Translation

³ Kix giex ti sau kiex daux thawng tom hoek pasax, kheu hoik mawh yam ponbo heue.

KAWNCAU 4:3 Iomraidhean Croise

MATHIEX 4:12

Yam an khaix hoik mhong Nawh Cao grawh grawng hoik sau Yohan ka daux thawng Nawh lih hu ka daux meung Galilie heue.

LUKAX 22:52

Yesux ah nin ka cao giex kaing li pa ting khankix mai ka cao giex kaing nyiex bwan khankix mai ka kuad song khankix pa hoek ti teei Nawh Cao, “Pex viex vaig viex khaox, hoek ti giex ka Aux, awm giex pui tud rhim lie?

LUKAX 22:54

Kix giex Nawh Cao mai tuk Nawh mai viex Nawh hu ka nyiex cao giex kaing li pa ting piang khawmuik heue. Petrux hawt hu dee singai heue.

YOHAN 18:12

Yam an cao giex kaing naing pui naing nawh pui cau pui Yudax khankix giex Yesux phyawk Nawh Cao heue.

KAWNCAU 5:18

Kix giex kawncau pa ting khankix mai sau kix ka daux thawng.

KAWNCAU 6:12

Kix cheeik ka pui khankix, pa mawh kuad song mai pui tiiem lai khankix mai kix hoek ka Sathephan mai giex nawh mai viex nawh ka cub kuad song pa prawng see,

KAWNCAU 8:3

Viang mawh nan Sawlux yieh ceucao laux, laig ka daux ku nyiex mai reu simex mai bun mai hu sau kix ka daux thawng heue.

KAWNCAU 9:2

mai rawg mhaing ka nawh, son lai pa sang tawx ka nyiex sidiex khankix ka daux veng Damase, yuh ka mawx phan nawh yaox simex ang ah, bun ang ah, pa hawt Krax An tix kaux kaux, nawh sang pon ti phyawk mai viex kix hoek ka veng Yerusaliem heue.