KAWNCAU 27:1 - Wa Common Language Translation

¹ Yam bak kix ti ploi ex brug reu hu ka meung Itali, kix teei ti tawx Pawlux mai pui pa hoik laung tang kaux khankix, ka cao giex kaing naing tix kaux pa kaux Yuxlix, pa dex dawd mai cub naing Awgutux heue.

KAWNCAU 27:1 Iomraidhean Croise

YAM JAH 50:20

Viang pex keud mawh yuh ti pa caox ka aux kawx, viang mawh nan, Siyiex hoik kieh mawh ceu pa mhawm, sonsang taoh ju pui tom nie awm pa hoik yaox pex daux in singaix heue.

YAOGYAW 33:11

Krax pa hoik ciak Siyiex ti deuh mawh pa kaux cong leeing ju mai ceu pa hoik keud Nawh Cao daux rhawm tix, kaux cong leeing ju heue.

YAOGYAW 76:10

Krax pa song rhawm kawn pui, deeh tieh ti mawh pa yaogyaw ka Maix mai krax pa song rhawm song rhi pa kawn deuk khankix kawx, Maix hoik rawd ti deuh ka maox rawd nyoi heue.

LOX KAB 19:21

Kawn pui chix keud kuceu ka daux rhawm tix, viang mawh nan, mawh krax keud Siyiex khaing pa kaux cong heue.

YIIEM DOE 3:27

An mawh pa mhawm son pui, pa klawm khaox glawm yam kawn awn ju nawh heue.

DANYELAX 4:35

Can pui pa ot piang haktiex khankix khawmuik, mawh pa hoik sawn tix ang mawh tidtix Nawh yuh awm krax pa koe rhawm Nawh Cao ti yuh ka cub kru naing raoma mai ka can pui pa ot piang haktiex khankix heue. Pui tix kaux kawx ang pon tiebtie ka plawng taix Nawh mai ang pon chawk ah nin ka Nawh Cao heue. “Mawh yuh Maix Cao ceu patix lie?”

MATHIEX 27:54

Pui giex kaing naing mai pui pa pau ka Yesux, yam yaox kix tuk kla reem mai ceu pa hoik mawh khankix, kix kied lhat kah ah nin, “Kaw in mawh Kawn Siyiex tete heue.”

LUKAX 23:47

Yam yaox cao giex kaing naing an, grawng ceu pa hoik mawh, nawh yaogyaw Siyiex ah nin, “Kaw in mawh pui rahsee tete heue.”

LUKAX 7:2

Siliex cao giex kaing naing tix kaux, pa kied moh nawh, saux dex sang yum.

KAWNCAU 10:1

Ka daux veng Kesarix koe pui tix kaux pa kaux Kawnilix, pa mawh cao giex kaing naing, pui naing tix yieh kaux, pa kok mawh cub pui naing Itali heue.

KAWNCAU 10:22

Kix deeh ah nin, “Kawnilix pa mawh cao giex kaing naing tix kaux, pa mawh pui rahsee, pa chix lhat ka Siyiex pa yaw pui Yudax ka khawmuik, Siyiex hoik ploi kawncau pa singax tix hu nhie nawh ploi pui hu kok maix hoek ka daux nyiex tix mai sonsang kieh mhong gumlox pa kaoh khaing maix khankix heue.”

KAWNCAU 16:10

Khaix hoik yaox nawh riang susai an, dom mawx dom an ex khru khrieh sawg ti sang yaog ti hu ka daux meung Makedonix, kheu ex yiag Siyiex hoik kok ex, sonsang sidiex gau lox bwan gaux rhawm ka kix heue.

KAWNCAU 18:2

Nawh yaox pui Yudax tix kaux pa kaux Akulax pa mawh ceu pui meung Pontux pa tak khraox hoek khaing meung Itali, tau mai moeng nawh Prisikilax, mawh kheu simiang Klawdi hoik tawx lox kieh pui Yudax lih khaing veng Romax khawmuik mai nawh hoek ka kiex heue.

KAWNCAU 19:21

Khaix hoik mawh ceu in khankix, Pawlux keud ti sang hu ka daux rhawm tix, preeng ka meung Makedonix mai meung Akhayax, yam hu nawh ka veng Yerusaliem. Nawh ah nin, “Yam hoik hoek aux tan, viang mawh veng Romax kawx aux tak lai yaox kah heue.”

KAWNCAU 21:32

Dom mawx dom an nawh teei pui naing mai cao giex kaing naing greem nawh khankix mai to lih hu ka kix heue. Yam yaox kix cao giex kaing naing pa ting mai pui naing khankix, kix bloi bleue pa tap Pawlux heue.

KAWNCAU 22:26

Yam mhong cao giex kaing naing an lox an, nawh hu ka cao giex kaing naing pa ting mai krai ka nawh ah nin, “Maix dex sang yuh pa yuh ka mawx?” Mawh kheu pui in mawh pui Romax heue.

KAWNCAU 23:11

Daux sawm ngaix pasax, Simiang Yesux cung liep nawh ah nin, “Kieh koe rhawm kaux rhawm cong heue, awm hoik kham maix mhai rug grawng Aux ka veng Yerusaliem, viang mawh ka veng Romax kawx maix tak lai kham mhai rug yuh nan heue.”

KAWNCAU 23:17

Pawlux kok cao giex kaing naing tix kaux hoek ka tix ah nin, “Viex pui awn ju in hu ka cao giex kaing naing pa ting liak, kheu koe nawh grawng pa sang krai ka nawh tix ceu ceu heue.”

KAWNCAU 24:23

Nawh tawx lox ka cao giex kaing naing tix kaux, sonsang gang Pawlux, viang mawh nan nyawk ka yuh nawh mai son sang kieh raw paox grawm nawh khankix hoek ti khre rien nawh heue.

KAWNCAU 25:12

Yam an khaix hoik kum kawng simiang Fittux mai cub kuad cao prawng ca, nawh deeh pawk ah nin, “Maix hoik khyox khaw ti deuh rhawm ka simiang Kesa maix tak hu ka simiang Kesa heue.”

KAWNCAU 25:25

Viang mawh nan aux yaox grawng nawh ang yuh ceu pa keung nawh ti yum mai mawh kheu hoik khyox khaw nawh ti deuh rhawm ka simiang ting Awgutux, aux tom yiag tix sang ploi nawh hu tan heue.

KAWNCAU 27:11

Viang mawh nan, cao giex kaing naing nhie nghiet lox cao giex kaing reu mai cao reu khaing lox pa hoik krai Pawlux khankix heue.

KAWNCAU 27:43

Viang mawh nan kheu cao giex kaing naing simie ti taoh ti kieh Pawlux luan, nawh tom kieh raw pa bak kix mai nawh tawx lox nhie kix pa chix loe rawm, phoh khaing reu, sonsang hoek ka praok heue.

KAWNCAU 27:6

Cao giex kaing naing yaox reu Alezandre tan tix lhang, pa sang hu ka meung Itali mai nawh sau ex tan heue.

KAWNCAU 28:1

Yam ex hoik pon luan, ex tawng grawng klawn tiex an, mawh pa kok mawh Melite heue.

KAWNCAU 28:16

Yam laig ex ka daux veng Romax, Pawlux pon akhwang ti ot nong nong, tau mai pui naing tix kaux pa pau nawh heue.

HEBRIE 13:24

Nawb ka kix, can pa giex kaing ka piang pex mai ka pui pa singax khankix khawmuik awx. Puxaik meung Itali khankix nawb ka pex heue.