KAWNCAU 26:9 - Wa Common Language Translation

⁹ Glang ka in tokaux aux kawx ce aux khaw ti yuh, ceu pa ang khaw tom nie ka ceu kaux Yesux pui veng Nazariet tete heue.

KAWNCAU 26:9 Iomraidhean Croise

1 TIMOSE 1:13

viang aux hoik mawh, pui pa salao ka Siyiex, pui pa tuktiak tukte, pui pa nieb pon yuh pa ang cee ang cak glang ka in kawx heue. Aux hoik pon krax caux rhawm mawh kheu hoik yuh aux khankix kheu ang tix tawng, ka daux pa ang yum rhawm heue.

KAWNCAU 22:8

Aux deeh chawk ah nin, Simiang eue, Maix mawh mawx? Nawh deeh ah nin ka aux, Aux mawh Yesux pui veng Nazariet, pa tuktiak maix kah heue.

PHILIPPIX 3:6

Phan mawh plak viex rhawm tix coca, aux mawh pa tuktiaktukte ka ceu cao, phan mawh pa rahsee pa koe ka daux lox lai beenli ang koe dee khluk khlaik dee cha heue.

ROMAX 10:2

Aux kham mhai rug son kix grawng pa chix viex kix khawm rhawm tix yuh son Siyiex, viang mawh nan ang khaw mai krax tawng pa mawh meh heue.

KAWNCAU 24:5

Mawh kheu yaox ex, grawng pui in mawh preng lukliak mai pa kieh pui tieh feen ka daux pui Yudax khankix piang haktiex khawmuik mai cao bung cub beenli Nazariet heue.

KAWNCAU 21:13

Yam an Pawlux deeh pawk ah nin, “Kheu pex lai yiiem mai kieh rhawm aux laux ka? Mawh kheu aux hoik rien ti pon kham geu pa phyawk ngie ang mawh, viang mawh phan tak lai yum son ceu kaux Simiang Yesux ka veng Yerusaliem kawx pon tix heue.”

KAWNCAU 9:16

Grawh grawng nawh Aux tak sang jhi nawh yaox, grawng nawh tak sang kham geu miex ceu son ceu kaux Aux heue.”

KAWNCAU 3:6

Petrux ah nin, “Aux ang koe mau khri, viang mawh nan, pa koe aux, aux sang tawx ka maix heue. Ka daux ceu kaux Yesux Khrit Pui veng Nazariet, kaoh hu ka caong tix heue.”

YOHAN 15:21

Viang mawh nan kix tak sang yuh ceu in khawmuik ka pex, kheu ceu kaux Aux, in mawh kheu ang kix tawng ka Kaw pa ploi Aux hoek heue.

KAWNCAU 3:17

Yam in puxaik khankix eue, aux tawng grawng pex mai simiang pex kawx, hoik yuh nan kheu ang pex tawng.

KAWNCAU 9:1

Viang mawh nan Sawlux kawn blin lox ghlat, grawng pa sang pah kawncau Simiang Yesux yum mai hu ka cao giex kaing li pa ting,

KAWNCAU 22:3

“Aux mawh pui Yudax, pa keh ka daux veng Tasux, meung Kiliki, viang mawh nan hoik eei aux ting daux veng in, ka caong Gamalelax mai hoik gau aux ka lox been tax keeing mai ang kluik ang khluk khlaik mai koe rhawm tix son Siyiex, awm koe pex khawmuik singaix heue.

KAWNCAU 22:4

Aux tuktiak ka krax been in, tom teei yum mai phyawk khawm simex khawm bun tawx ti sau daux thawng khankix heue.

CAO PRAWNG 6:30

Khaix an can pui pa ot ka daux veng ah nin ka Yawsha, “Viex kawn simex maix lih sonsang yum nawh, mawh kheu nawh hoik prung prang ti tik khu dee tan Balax mai hoik kid ti tik khaox riang grang Asherax an khankix pa koe hawt praok an heue.”