KAWNCAU 23:1 - Wa Common Language Translation

¹ Pawlux jeung ka cub kuad song cao prawng ca khankix ah nin, “Puxaik khankix eue, aux hoik yuh ceu pa khaw aux ti yuh sivoe Siyiex tom sidah hoek ngaix in mai rhawm aux ang koe dee deuh phimap ka tokaux tix ka grawng an heue.”

KAWNCAU 23:1 Iomraidhean Croise

LOX KAB 28:1

Pui pa ang rahsee, viang ang pui pheet kawx, nawh yuh lung to heue. Phan mawh pui rahsee, kwa awm sivai sangsi heue.

MATHIEX 5:22

Aux krai ka pex, pui pa song rhawm ka puxaik nawh ku kaux, tee hoek dee ciyang. Pui mawx ang ah, pa ah ka puxaik nawh, tee hoek dee prawng ca cub kuad song cao prawng see khankix mai pui mawx ang ah, pa ah, maix mawh pui brai, tee hoek daux ngu mawnarhok heue.

KAWNCAU 22:1

“Puxaik mai keeing khankix eue, nghiet lox pa sang tiebtie aux ka grawng ceu pa deuh phimap ka aux mai ka pex yam in heue.

KAWNCAU 22:30

Viang mawh nan ngaix pasax, kheu simie nawh tix tawng sidawng, grawng deuh pui Yudax phimap ka nawh ka grawng pa yuh ka mawx, nawh tom kah maox ceeng khaing Pawlux mai tawx lox nhie cao giex kaing li pa ting khankix mai cub kuad song pa prawng ca khawmuik khrawm paox tix mai viex Pawlux lih mai deuh nawh sivoe kix heue.

KAWNCAU 22:5

Awm cao giex kaing li pa ting mai khawm cub kuad song khankix mawh mhai rug son aux. Ka kix kawx aux pon lai son puxaik khankix mai lawng krax hu ka veng Damase sonsang phyawk ti viex kix hoek ka veng Yerusaliem, sonsang ciyang kix heue.

KAWNCAU 23:15

Mawh kheu nan pex khawm cub kuad song cao prawng ca khankix, nhie cao giex kaing naing pa ting viex Pawlux lih hoek ka pex mai yuh awm sang mie pex tix nie grum cox chawk nawh mai ka sang hoek nawh dex tin ex hoik rien tix pah nawh yum heue.”

KAWNCAU 23:20

Nawh ah nin, “Pui Yudax hoik ih rhawm paox tix, sonsang nhie maix viex Pawlux lih hu ka dee prawng ca pasax mai yuh awm sang simie kix tix nie grum cox chawk grawng nawh heue.

KAWNCAU 23:28

Kheu mie aux tix tawng, grawng deuh kix phimap pa yuh ka mawx ka nawh, aux tom viex nawh lih ka cub kuad song cao prawng ca kix heue.

KAWNCAU 23:6

Viang mawh nan yam tawng Pawlux grawng cub kuad song cao prawng ca khankix, tix blah mawh Sadukie mai tix blah mawh Pharishie, nawh yo lox sinum sinax kix ah nin, “Aux mawh Pharishie, pa mawh kawn Pharishie mai aux kham geu pa chawk cheng tin, kheu keud pot jun pot aux ka ceu pa sang deeh kaoh im khaing krax yum heue.”

KAWNCAU 24:16

Mawh kheu nan aux tom nied ti coca son rhawm aux dee chix keud tawng tak ang koe pa lud ka plak Siyiex mai plak kawn pui ku jheung jheung heue.

KAWNCAU 6:15

Pui pa ngawm ka daux cub kuad song pa prawng see khawmuik, jeung ngai tix ka nawh mai yaox pakngai nawh awm hoik mawh pakngai pakbaox kawncau Siyiex heue.

1 KAWRINTHUX 4:4

Grawh grawng nawh aux ang tawng ceu pa lud tokaux tix tidtix, viang mawh nan aux hoik rahsee kheu an ang mawh heue. Viang mawh nan Kaw pa prawng ca ka aux mawh Simiang heue.

2 KAWRINTHUX 1:12

Grawh grawng nawh krax pa yaw rangdi ex mawh in, mawh pa mawh mhai rug pa kham dee chix keud chix tawng ex, grawng pa twah pa klaung ex ka daux haktiex mai pa nie lheu mawh pa twah pa klaung ka pex, mawh pa hoik yuh ka daux pa singax mai ka daux pa viex khawm rhawm tix awm pa khaw mai Siyiex mai grawng ang lai mawh pa yuh ka daux pingnya pa dex mai nex nham, viang mawh nan mawh ka daux bwanson Siyiex heue.

2 KAWRINTHUX 4:2

Ex hoik tik ka ceu pa kaig pa tua pa mox khankix mai ang hu ka daux ceu pa lak keud ti yuh cuyi, viang ka gumlox bwan Siyiex kawx ang nieb muan ti pie lhen kah, viang mawh nan kheu plak jhi pa mawh meh sidawng, ex yuh ti kieh tokaux ex caw rhawm ka dee chix keud chix tawng pui ku kaux ka plak sivoe Siyiex heue.

2 TIMOSE 1:3

Aux yaogyaw ka Siyiex, pa yuh aux kaing krub kah, ka daux rhawm dee keud pa singax singeh, awm hoik yuh tax keeing aux khankix, yam doh keud aux ka maix, ka daux pa rawg aux bwan ang jud ang jai khawm ponngaix ponsawm,

HEBRIE 13:18

Rawg bwan son ex awx. Grawh grawng nawh ex yum rhawm grawng dee chix keud ex, ang lai koe dee deuh phimap kah mai ex simie ti yuh pa mhawm ka daux ku ceu khawmuik heue.

1 PETRUX 3:16

Kieh rhawm dee chix keud tawng pex ang koe dee deuh phimap ka tokaux tix, viang ah lox deuh phimap ka pex, awm mawh pex pui pa yuh pa caox kawx, kix pa nieb ah pa ang cee cak grawh grawng pa yuh pex ka daux Khrit, tak hoek krax kaig twa heue.