KAWNCAU 22:3 - Wa Common Language Translation

³ “Aux mawh pui Yudax, pa keh ka daux veng Tasux, meung Kiliki, viang mawh nan hoik eei aux ting daux veng in, ka caong Gamalelax mai hoik gau aux ka lox been tax keeing mai ang kluik ang khluk khlaik mai koe rhawm tix son Siyiex, awm koe pex khawmuik singaix heue.

KAWNCAU 22:3 Iomraidhean Croise

2 SAMOELAX 21:2

Simiang kok ka pui veng Gibeon mai sikah tau mai kix, pui Gibeon khankix ang mawh kawn praix pui Isarelax, viang mawh nan, kix mawh cub pui pa kawn deuk khaing pui Amawrix mai pui Isarelax khankix hoik yuh sijax sonsang priex rien ka kix, viang mawh nan, Sawlux sawg ti pah kix, ka daux pa koe rhawm nawh ti yuh, son pui Isarelax mai ka son pui Yudax khankix.

2 SIMIANG 4:38

Elishie deeh ing ka veng Gilagalax mai krax sibhawm praix lih ti koe ka daux haktiex an mai kawn simex cao jhai khankix hoik ngawm ka plak sivoe nawh mai nawh ah nin ka kawncau tix, “Tang ti deuh aw pa ting mai ngaik taux lhax son kawn simex cub cao jhai khankix heue.”

LUKAX 10:39

Bun an koe pux tix kaux pa kaux Marix, pa ngawm liep caong Yesux mai nghiet lox Nawh Cao heue.

LUKAX 2:46

Khaix an loe ngaix kiex yaox Nawh ka daux nyiex bwan, ngawm sinax sara cao gau, nghiet lox kix mai chawk lox ka kix heue.

LUKAX 8:35

Pui khankix hu ti jhak grawng pa hoik mawh an mai yam hoek kix ka Yesux mai yaox kaw pa hoik lih phicaox khaing, ngawm liep caong Yesux tan, hoik deeh mhawm mai ceep kraung, kix lhat kah heue.

KAWNCAU 11:25

Banabax lih hu ka veng Tasux, sonsang sawg Sawlux,

KAWNCAU 15:23

Kix viex lai pa yuh nin hu mai kix, “Kawncau pa ting, khankix mai pui bung kaing ceu cao khankix mai puxaik khankix, sipaox lai in sonsang nawb hu ka puxaik khankix pa mawh pui tang ceu, ka daux veng Antiuk mai ka meung Surix mai ka meung Kiliki heue.

KAWNCAU 15:41

Nawh hu lai ling ka meung Surix mai meung Kiliki mai kieh ceucao khankix kaux cong heue.

KAWNCAU 21:20

Yam hoik mhong kix grawng an, yaogyaw Siyiex mai ah nin ka nawh, “Puxaik eue maix tawng grawng pui pa yum rhawm ka daux pui Yudax koe miex mheen miex rheng mai kix khawmuik mawh pa nied ti hawt twah lox lai beenli.

KAWNCAU 21:39

Pawlux deeh ah nin, “Aux mawh pui Yudax, pa mawh pui veng Tasux meung Kiliki, aux mawh pui veng pa ang lak law tix mawh veng mai aux khyox khaw ka maix, kieh aux sikah ka pui khankix liak.”

KAWNCAU 23:34

Khaix hoik phat nawh lai an, nawh chawk ka Pawlux grawng mawh nawh pui meung mawx mai khaix hoik tawng grawng mawh nawh pui meung Kiliki,

KAWNCAU 23:6

Viang mawh nan yam tawng Pawlux grawng cub kuad song cao prawng ca khankix, tix blah mawh Sadukie mai tix blah mawh Pharishie, nawh yo lox sinum sinax kix ah nin, “Aux mawh Pharishie, pa mawh kawn Pharishie mai aux kham geu pa chawk cheng tin, kheu keud pot jun pot aux ka ceu pa sang deeh kaoh im khaing krax yum heue.”

KAWNCAU 26:5

Kheu hoik tawng kix grawng aux tom yam jah, phan kix koe rhawm ti sang kham mhai rug, grawng pa hoik hawt aux been bwan ex, pa lang teung nu khaing paox tix mai mawh Pharishie heue.

KAWNCAU 26:9

Glang ka in tokaux aux kawx ce aux khaw ti yuh, ceu pa ang khaw tom nie ka ceu kaux Yesux pui veng Nazariet tete heue.

KAWNCAU 5:34

Viang mawh nan, pui tix kaux ka daux cub kuad song pa prawng see, pa mawh Pharishie, pa kaux Gamalelax, pa mawh cao gau lai been, pa yungyi pui kah khawmuik, kaoh cung mai tawx lox kieh kawncau pa ting khankix lih hu tivud heue.

KAWNCAU 6:9

Viang mawh nan kix tix blah pa dex dawd mai nyiex sidiex, pa kok mawh Liberatin mai pui meung Kurene mai pui veng Alezandre mai kix pa mawh pui meung Kiliki mai meung Asix tix blah, thung thiang mai Sathephan heue.

KAWNCAU 9:1

Viang mawh nan Sawlux kawn blin lox ghlat, grawng pa sang pah kawncau Simiang Yesux yum mai hu ka cao giex kaing li pa ting,

KAWNCAU 9:11

Simiang Yesux baox ah nin ka nawh, “Kaoh mai hu ka daux krax pa kok mawh pa see mai hu sawg ti chawk ka nyiex Yudax, son pui veng Tasux tix kaux pa kaux Sawlux, mawh kheu rawg nawh bwan heue.

KAWNCAU 9:30

Yam hoik tawng puxaik khankix grawng ceu an, kix viex nawh lih hu ka veng Kesarix mai ploi nawh hu ka veng Tasux heue.

ROMAX 11:1

Phan mawh nan, aux ah nin, Siyiex hoik tik pui cie Nawh lie? Ang doh mawh nan. Grawng nawh pie tokaux aux kawx mawh pui Isarelax, pa mawh ru Abraham, pa mawh ceu Benyamin heue.

2 KAWRINTHUX 11:22

Kix mawh pui Hebrie lie? Aux ka mawh heue. Kix mawh pui Isarelax lie? Aux kawx mawh heue. Kix mawh ru Abraham lie? Aux ka mawh heue.

KALATIX 1:14

Aux nie ting tawng ka daux been Yudax, khaing ceu pui aux, pa sidu ju mai nie lheu nied ti yuh son been tax keeing aux khankix heue.

KALATIX 1:21

Khaix an aux hu ka meung Surix mai meung Kilikix heue.

PINGNYAP 33:3

Nawh Cao moh ka pui ceu ankix tete, pui pa singax singeh khawmuik hoik koe ka daux tawm taix Nawh Cao, kix ngawm hawt greem caong Nawh Cao mai kix nghiet lox sikah Nawh Cao.