KAWNCAU 22:1 - Wa Common Language Translation

¹ “Puxaik mai keeing khankix eue, nghiet lox pa sang tiebtie aux ka grawng ceu pa deuh phimap ka aux mai ka pex yam in heue.

KAWNCAU 22:1 Iomraidhean Croise

LUKAX 12:11

Yam viex kix pex sivoe nyiex sidiex khankix mai pui giex kaing khankix mai simiang khankix, paw khi rhawm grawh grawng lox pa sang pawk sang ah pex.

LUKAX 21:14

Mawh kheu nan, kieh een ti tawng ka daux rhawm tix, son ang pex sang grux keud, grawng sang pawk lox yuh ka mawx.

KAWNCAU 13:26

Puxaik khankix pa mawh kawn ru Abraham mai pui ka daux pex pa lhat ka Siyiex eue, gumlox bwan grawng krax pa taoh in hoik sipaox ka pex heue.

KAWNCAU 19:33

Kix viex Alezandre lih khaing daux cub pui hun an, mawh pui Yudax pa nyheun nawh hu sivoe kix heue. Alezandre yuh kix yaox taix tix mai keud ti sang krai lox peeik map ka pui khankix.

KAWNCAU 23:1

Pawlux jeung ka cub kuad song cao prawng ca khankix ah nin, “Puxaik khankix eue, aux hoik yuh ceu pa khaw aux ti yuh sivoe Siyiex tom sidah hoek ngaix in mai rhawm aux ang koe dee deuh phimap ka tokaux tix ka grawng an heue.”

KAWNCAU 23:6

Viang mawh nan yam tawng Pawlux grawng cub kuad song cao prawng ca khankix, tix blah mawh Sadukie mai tix blah mawh Pharishie, nawh yo lox sinum sinax kix ah nin, “Aux mawh Pharishie, pa mawh kawn Pharishie mai aux kham geu pa chawk cheng tin, kheu keud pot jun pot aux ka ceu pa sang deeh kaoh im khaing krax yum heue.”

KAWNCAU 24:10

Khaix hoik yuh simiang mhai ka taix tix nhie Pawlux sikah, Pawlux krai lox ah nin, “Mawh kheu tawng aux, grawng hoik mawh maix cao prawng ca son pui meung in tom nie num, aux nie lheu koe krax gaux rhawm ti sang krai lox tiebtie, son tokaux tix heue.

KAWNCAU 25:16

Aux tom krai ka kix grawng ang khaw mai been pui Romax, ti tawx pong pui tix kaux kawx sonsang ciyang, ka ang nawh nyang bax pon ti taing tawx ka pakngai pui pa deuh phimap ka nawh mai hoik pon ti krai lox tiebtie ka grawng phimap ceu pa hoik deuh piang nawh heue.

KAWNCAU 25:8

Pawlux krai lox tiebtie phimap ti ah nin, “Viang mawh ka been pui Yudax ang ah, ka nyiex bwan ang ah, ka simiang Kesa ang ah, aux ang lud tidtix heue.”

KAWNCAU 26:24

Yam krai Pawlux lox pa tiebtie phimap tix yuh nan, simiang Fittux yo lox sinum ah nin, “Pawlux eue, yhot maix heue, pingnya pa hoik gau maix kied nie, kieh maix yhot kah heue.”

KAWNCAU 28:17

Khaix an loe ngaix Pawlux kok pui ting lhaong pui Yudax khankix mai yam hoik khrawm kix paox tix, nawh ah nin ka kix, “Puxaik khankix eue, viang aux ang yuh pa lud loe ka ceu pui ex mai ka been tax du ex kawx, kix teei ti laung aux khaing veng Yerusaliem mai tawx aux ka daux tawm taix pui Romax khankix heue.

KAWNCAU 7:2

Nawh deeh ah nin, “Puxaik khankix mai keeing khankix eue, nghiet heue, Siyiex pa ting min plakngai hoik bleeh ka keeing ex Abraham yam ot nawh ka daux meung Mesopotemia, ka sang ot nawh ka daux veng Haran,

ROMAX 2:15

Kheu jhi kix kaing pa yuh lai beenli pa hoik tiiem daux rhawm kix mai dee chix keud tawng kix kham mhai rug ka an mai kheu tawng kix ti deuh phimap ka paox tix, phan ang mawh nan ti pluat ploi phimap ka paox tix heue.

1 KAWRINTHUX 9:3

In mawh lox pa sang tieb tie aux ka kix pa chawk cheng ka aux grawng in heue.

2 KAWRINTHUX 12:19

Pex lai ce jih jang glang gleeing ex hoik sawg ti tieb tie phimap tix ka pex nieh. Ex krai ka daux Cao Khrit ka plak sivoe Siyiex heue. Pui pa moh aux khankix eue, can ku ceu khawmuik mawh son sang kieh pex ting lhaong ka heue.

2 KAWRINTHUX 7:11

Jhak heue; ceu in pa mawh pa kieh khi rhawm awm pa khaw ka Siyiex, hoik kieh pex koe rhawm pa nied ti coca pa yuh ka mawx, mawh heue; hoik kieh tiebtie phimap yuh ka mawx, mawh heue; hoik kieh saux rhawm yuh ka mawx, mawh heue; hoik kieh koe krax lhat graung yuh ka mawx, mawh heue; hoik kieh byaong yuh ka mawx, mawh heue; hoik kieh viex khawm rhawm tix yuh, mawh heue; hoik kieh pawk bix heue. Ka daux kuceu khawmuik pex hoik kieh sidawng grawng pa singax pex ka daux grawng an heue.

PHILIPPIX 1:17

Viang mawh kawx nan, pui pa sidiex phao ka khankix, sidiex grawng Cao Khrit kheu krax pa ang khaw paox tix, ang tie viex khawm rhawm tix mai nieb yuh mai keud ti sang nie baox lux ka pa kha rhawm pa ot aux mai maox ceng heue.

PHILIPPIX 1:7

Pa keud aux yuh nin son pex khawmuik hoik khaw, mawh kheu ca koe pex ka daux rhawm aux, ka daux pa phyawk aux in mai khawm ka daux pa kham mhai rug tix tiebtie mai kieh lox bwan gaux rhawm kaux cong kawx, pex khawmuik hoik mawh pa neuex pa rom ti pon bwanson tau mai aux heue.

2 TIMOSE 4:16

Yam tiebtie aux grawng pa deuh phimap ka aux bawg phao ka, ang ot plak aux tix kaux kawx, grham aux khawmuik, paw awt kieh hoek ka piang kix liak.

1 PETRUX 3:15

Viang mawh nan yuh pa singax tix, kieh Khrit mawh Siyiex ka daux rhawm pex mai kieh rien tix jheung jheung, sonsang pon ti pawk lox ka pui ku kaux, pa sang chawk pex ka grawh grawng krax keud pot jun pot pa koe ka daux pex, viang mawh nan viex rhawm awn mai pa chix lhat yungyi heue.