KAWNCAU 21:5 - Wa Common Language Translation

⁵ Yam hoik naog singaix ex khankix tan, ex lih hu mai kawncau mau soi khankix, khawm moeng khawm kawn kix khawmuik, hu tawx ex tom hoek plak praix veng mai ex grux ngawng tix ka caong raog tan mai rawg bwan mai ah lox gwieh ka paox tix tan heue.

KAWNCAU 21:5 Iomraidhean Croise

1 SIMIANG 8:54

Yam hoik naox Sawlamon ka krax rawg tix bwan mai krax pa khyox khaw tix ka Simiang Siyiex, nawh yaog ti kaoh khaing ka plak sivoe khu dee tan Simiang Siyiex, khaing pa grux ngawng mai yaog taix tix ka raoma,

2 GRAWNG BEEN 20:13

Pui Yudax khankix mai kawn nyawm iak mai khawm moeng kix mai khawm kawn praix kix khawmuik, hoek ti cung tau ka plak sivoe Siyiex heue.

NEHAMIX 12:43

Ka daux singaix an kix hoik tan to tan pa appong tom nie mai krax pa gaux rhawm tix, mawh kheu Siyiex hoik kieh kix gaux rhawm mai krax pa kied ting, bun mai kawn nyawm khankix kawx gaux rhawm, krax pa gaux rhawm veng Yerusaliem hoik mhong tix tom singai heue.

YAOGYAW 95:6

Hoek heue, ex num ti krub ka Nawh mai grux ngawng sivoe ngai Siyiex, Cao pa phan pa deuh ka ex.

MATHIEX 14:21

Pui pa ih khankix, simex giex, dex koe phwan rheng kaux, ang simin ka bun mai kawn nyawm khankix heue.

MAKUX 1:40

Pui sipawg tix kaux hoek ka Nawh Cao, grux ngawng khyox khaw ka Nawh ah nin, “Phan Maix koe rhawm ti cox aux kieh aux singax Maix chix heue.”

LUKAX 22:41

Nawh Cao gwieh ti hu khaing kix, tom dee hoek nyak tix taix simaox, Nawh grux ngawng Tix rawg bwan,

KAWNCAU 15:3

Pui ceucao tawx kix ka krax tix baux mai kix hu preeng ka meung Phinit mai khawm meung Samarix mai krai grawng pui tang ceu khankix hoik tieh ti ih li heue. Kix kieh puxaik khankix kied gaux rhawm kah heue.

KAWNCAU 17:10

puxaik khankix ploi Pawlux mai Silax hu dom mawx dom an yam ponsawm ka veng Berix, yam kiex hoik hoek tan kiex laig ka daux nyiex sidiex pui Yudax heue.

KAWNCAU 20:36

Khaix hoik ah nawh nan, nawh grux ngawng mai rawg bwan tau mai kix khawmuik heue.

KAWNCAU 20:38

mai kix nie lheu khi rhawm kheu lox pa hoik ah nawh grawng kix tak ang lai baox yaox pakngai nawh mai kix viex ti hu tawx nawh ka reu heue.

KAWNCAU 9:40

Viang mawh nan Petrux kieh kix lih khawmuik mai grux ngawng tix rawg bwan mai veeh plak tokaux yum an ah nin, “Tabithax eue, kaoh heue.” Bun an blah ngai tix mai yam yaox nawh Petrux, nawh yaog ti ngawm heue.

YAWSUX 24:15

Phan pex keud grawng pa krub ka Siyiex leeing ju mawh pa caox son pex, laug son cao pex daux in singaix, sang krub siyiex keeing pex pa koe plak toi rawm klawng pui Amawrix pa hoik ot sinax pex lie? “Viang mawh nan, Phan mawh aux mai nyiex ma aux, yix tak krup ka Siyiex leeing ju heue.”

YAWSUX 8:35

Gumlox pa hoik tawm Mose khankix khawmuik, pa ang Yawsux phat ang lai koe pie tix gum kawx ka plak sivoe cub pui hun, tau mai bun khawm kawn nyawm khankix mai sivoe nyo sinie pa ot ka daux sinax kix heue.