KAWNCAU 21:16 - Wa Common Language Translation

¹⁶ Viang mawh kawncau mau soi khaing veng Kesarix tix blah kawx hu mai ex mai tawx ex ka Manason pui Kuparu, pa hoik dawg mawh kawncau, sonsang tum ex tau mai nawh heue.

KAWNCAU 21:16 Iomraidhean Croise

YAOGYAW 92:14

Viang kix hoik rie ju kawx, deeh mhawm plix, mhawm tai heue.

LOX KAB 16:31

Pui hoik paing hauk kaing, phan ot ka daux krax pa rahsee, mawh mhok khri min plakngai heue.

KAWNCAU 10:24

Khaix an tix singaix kix laig ka daux veng Kesarix. Kawnilix hoik kok paox ru nawh mai paox grawm nawh khankix khrawm paox tix mai krox jun son kix heue.

KAWNCAU 10:48

Nawh tawx lox nhie kix cubcom ka daux ceu kaux Yesux Khrit. Khaix an kix khyox khaw mai nhie nawh ot tan tix vong heue.

KAWNCAU 11:19

Kix pa hoik prung prang rairuat hu ku dah dee, kheu krax kha rhawm pa hoik mawh kheu grawng Sathephan, hu tom hoek ka meung Phinit mai ka meung Kuparux mai ka veng Antiuk, sidiex gau ngie gumlox bwan ka pui Yudax khaing heue.

KAWNCAU 15:39

Mawh kheu grawng an kiex ang khaw paox tix mai gwieh paox tix tang hu mai Banabax viex Makux hu mai tix mai brug reu hu ka klawn tiex Kuparux heue.

KAWNCAU 15:7

Khaix hoik chawk cheng paox tix tom nie, Petrux kaoh cung mai ah nin ka kix, “Puxaik khankix eue, pex tawng grawng Siyiex hoik laug ti teei khaing ka daux ex, daux yam nhaox nhaox, sonsang kieh pui tang ceu khankix mhong gumlox bwan gaux rhawm khaing daux jheeh aux mai yum rhawm heue.

KAWNCAU 21:8

Ngaix pasax ex lih hu mai hoek ka veng Kesarix mai laig ka daux nyiex Philipux, pa mawh cao sidiex, ka daux kix aliah kaux tix kaux, ex ot tau mai nawh heue.

KAWNCAU 4:36

Yosiep kaw pa tawx kawncau pa ting khankix ceu kaux nawh mawh Banabax, phan toe lox an dee bleeh mawh, “Kawn simex pa khu rhawm” heue. Nawh mawh pui Lewix, ceu pui meung Kuparux,

KAWNCAU 8:40

Philipux yaox tokaux tix ot ka daux veng Asado mai nawh sidiex gau lox bwan gaux rhawm ka veng khawmuik tom hoek nawh ka daux veng Kesarix heue.

ROMAX 16:7

Nawb ka Andrawnit mai Yunix, pa mawh paox ru aux mai paox pa hoik laung tau mai aux. Pa mawh pa koe ceu ka sinax kawncau pa ting khankix, pa hoik ot ka daux Cao Khrit ka sivoe aux heue.

PHILEMON 1:9

Aux Pawlux pa hoik kuad mai pa mawh khawm pui pa hoik laung son Yesux Khrit yam in, nie lheu koe rhawm ti sang khyox khaw ka maix ka daux krax moh krax rhawm heue.