KAWNCAU 2:43 - Wa Common Language Translation

⁴³ Pui ku kaux daux pui lhat graung ka, ceu pa daox deng tom nie mai mhai pa daox deng pa hoek ti mawh ka tawm taix kawncau pa ting khankix heue.

KAWNCAU 2:43 Iomraidhean Croise

ISATA 8:17

Ka daux baoh haktiex ankix mai khawm veng ku veng ka dee hoek gumlox tawm simiang mai pui Yudax khankix hoik koe krax pa nyawm rhawm mai khawm krax pa gaux rhawm tix mai kix khan kheu ti yuh pawie mai laux lee tix tingaix, khaix an pui haktiex ankix hoik kied nie deeh tieh tix laig ka been pui Yudax kheu jao lhat graung kix ka pui Yudax heue.

YERAMIX 33:9

Khaix an Aux tak sang kieh veng an lih ti koe pa gaux rhawm pa yaogyaw mai krax pa koe min plakngai ka plak sivoe ceu pui pa koe piang haktiex khawmuik mai pui tak sang mhong can ceu pa mhawm pa yuh Aux ka kix khawmuik, lhat graung mai sikua rhawm, ka pa mhawm mai krax haok hwan ting lhaong pa hoik tawx Aux ka kix heue.

HOSE 3:5

Khaix an ceu pui Isarelax khankix, tak deeh ing sawg ti yaox Siyiex, pa mawh Siyiex kix mai khawm ka Davit pa mawh simiang kix mai koe krax lhat graung ka Siyiex mai rieb ti teei bwanson Nawh ka daux baux singaix pa sang hoek khaix in heue.

MAKUX 16:17

Mhai rug ceu in khankix tak mawh ka kix pa yum rhawm. Kix tak sang grheu phicaox lih ka daux ceu kaux Aux mai kix tak sang sikah daux lox pui ceu pa khraox.

LUKAX 7:16

Pui khawmuik lhat graung kah mai kix yaogyaw Siyiex ah nin, “Cao jhai pa ting hoik lih sinax ex tix kaux mai Siyiex hoik hoek ti jhak pui cie Nawh heue.”

LUKAX 8:37

Pui meung Gadarax khawmuik mai pui pa ot sivie tan, khyox khaw ka Nawh Cao nhie Nawh lih hu khaing kix, mawh kheu kix kied lhat graung kah Nawh Cao deeh laig ka daux reu mai deeh ing heue.

YOHAN 14:12

Aux krai lox tete ka pex, kaw pa yum rhawm ka Aux tak sang yuh kaing pa yuh Aux nawh tak sang yuh kaing pa nie lheu ting khaing inkix, kheu sang hu Aux ka Keeing Cao heue.

KAWNCAU 2:22

“Pui Isarelax eue, nghiet gumlox in khankix heue. Yesux Pui veng Nazariet, Pui tix kaux pa hoik jhi Siyiex pex yaox grawng pa khaw caw rhawm Nawh, ka daux kaing pa ting sibrawm mai ka daux mhai pa daox deng, pa hoik yuh Siyiex ka daux Nawh Cao sinax pex, awm tokaux pex kawx hoik tawng heue.

KAWNCAU 4:33

Kawncau pa ting khankix kham mhai rug ka daux sibrawm pa ting grawng pa deeh kaoh im Simiang Yesux mai bwanson pa ting koe piang kix khawmuik heue.

KAWNCAU 5:5

Yam mhong Ananix lox ceu an khankix nawh goh mai dud rhawm heue. Pui pa mhong grawng an khawmuik kied lhat ka heue.

KAWNCAU 9:34

Petrux ah nin ka nawh, “Enex eue, Yesux Khrit kieh maix moi, kaoh mai cox dee it maix heue.” nawh kaoh dom mawx dom an heue.

KAWNCAU 9:40

Viang mawh nan Petrux kieh kix lih khawmuik mai grux ngawng tix rawg bwan mai veeh plak tokaux yum an ah nin, “Tabithax eue, kaoh heue.” Bun an blah ngai tix mai yam yaox nawh Petrux, nawh yaog ti ngawm heue.