KAWNCAU 2:4 - Wa Common Language Translation

⁴ Kix khawmuik naog ka Khuan Singax Singeh mai jah ti sikah ka daux lox tang ceu khankix, awm pa tawx Khuan kix ah heue.

KAWNCAU 2:4 Iomraidhean Croise

2 SAMOELAX 23:2

Khwan Simiang Siyiex ah nin ka aux mai gumlox Nawh Cao, hoik koe piang dak aux.

ISAYAX 28:11

Nawh Cao tak teei jheeh pui kle, dak pui pheem mai sidiex ka pui in khankix,

ISAYAX 59:21

Siyiex ah nin, “Phan mawh son Aux, in mawh gumlox sijax mukheu pa hoik yuh Aux tau mai kix, pa mawh khwan Aux, pa ot ka piang maix mai gumlox Aux pa hoik sau ti deuh ka daux jheeh maix mai tak ang lai lih hu khaing daux jheeh doeh ru maix, pa sang toe doeh ru maix khankix, jah yam in mai khaix in leeing ju heue. Siyiex ah nin heue.”

YERAMIX 6:11

Mawh kheu nan, krax pa meet rhawm Siyiex hoik naog ka daux aux heue. Aux taug mao ka giex tix an heue. “Aux tak klup an lih piang kawn nyawm pa ot daux krax mai piang pui awn ju pa kraix khrawm tix tau heue. Grawh grawng nawh, mex moeng khawm ra tak teei tix hu tau, khawm pui riex ju pa koe tau mai nawh khankix heue.

YEZAKELAX 3:11

“Hu heue mai maix hu ka pui pa giex laung ka kawn praix ceu pui maix khankix mai krai kix mhong ka lox pa ah Siyiex yuh nin, viang kix nghiet ang ah mai thiang ang ah heue.”

MIKHA 3:8

Aux mawh pa grum naog sibrawm kheu khuan Siyiex mai ka riang grang pa rahsee mai riang grang pa kied ting kied lhaong, sonsang pon pao krai Yakop grawng pa lud nawh khankix mai jhi Isarelax yaox ka phimap nawh khankix heue.

MATHIEX 10:19

Viang mawh nan, yam teei kix tix tawx pex paw khi rhawm grawh grawng lox pa sang ah sang krai pex, kheu lox pa sang ah sang krai pex tak tawx ka pex ka daux bawg yam nari an heue.

MAKUX 16:17

Mhai rug ceu in khankix tak mawh ka kix pa yum rhawm. Kix tak sang grheu phicaox lih ka daux ceu kaux Aux mai kix tak sang sikah daux lox pui ceu pa khraox.

LUKAX 1:15

Mawh kheu nawh tak ting lhaong sivoe ngai Siyiex, nawh tak ang nyaux plai rawm plix siiet, mai ceu pa chix kieh yoek, nawh tak naog mai Khuan Singax Singeh, tom yam ot nawh ka daux vaig miex tix heue.

LUKAX 1:41

Yam mhong Elizabiet lox nawb Marix ka nawh, kawn ngie pa ot daux vaig nawh jaloh ka mai Elizabiet naog mai Khuan Singax Singeh heue.

LUKAX 1:67

Keeing nawh Zakharix naog Khuan Singax Singeh mai krai lox jhai ah nin,

LUKAX 12:12

Mawh kheu Khuan Singax Singeh tak sang gau pex ka daux bawg yam nari an, grawng pa khaw pex ti ah lox pa yuh ka mawx heue.

LUKAX 21:15

Aux tak sang tawx jheeh mai pingnya cuyi ka pex, pui pa koeng ka pex khawmuik, ang pon ti tieh thiang heue.

LUKAX 4:1

Yesux naog ka Khuan Singax Singeh, deeh hoek khaing rawm Yawdan mai Khuan Cao tuk Nawh hu ka daux tiagtu heue.

YOHAN 14:26

Viang mawh kawx nan, Cao Teem pex, pa mawh Khuan Singax Singeh, pa tak sang ploi Keeing Cao hoek ka daux ceu kaux Aux, Nawh tak sang gau pex kuceu khawmuik kieh pex doh keud ka lox pa hoik krai Aux ka pex khawmuik heue.

YOHAN 20:22

Khaix hoik ah Nawh nan, Nawh Cao phlu piang kix ah nin, “Pex rieb ti teei ka Khuan Singax Singeh awx.

KAWNCAU 1:5

Grawh grawng nawh Yohan cubcom ka rawm tete heue, viang mawh nan, khaix in ang awt rheung miex ngaix tix, pex tak sang cubcom ka daux Khuan Singax heue.”

KAWNCAU 1:8

Viang mawh nan pex tak sang pon sibrawm, yam hoik hoek Khuan Singax Singeh piang pex mai pex tak sang mawh pui pa kham mhai rug son Aux, jah ka veng Yerusaliem khawm meung Yudax khawmuik mai meung Samarix mai hoek tom dee sidah haktiex heue.”

KAWNCAU 10:46

Kheu kix mhong kix sikah ka lox pui tang ceu khankix mai yaogyaw Siyiex heue. Yam an Petrux baox ah nin,

KAWNCAU 10:47

“Kaux pui mawx sang pon sidien rawm, son ang pon ti tawx krax cubcom ka pui inkix, pa hoik pon Khuan Singax Singeh awm hoik pon ex?”

KAWNCAU 11:15

Yam jah aux ti sidiex, Khuan Singax Singeh lih piang kix, awm hoik lih piang ex yam jah heue.

KAWNCAU 11:24

Kheu mawh nawh pui pa mhawm mai pa naog ka Khuan Singax Singeh mai pa yum rhawm heue. Pui tom nie baox haoh hun yum rhawm ka Simiang Siyiex heue.

KAWNCAU 13:52

Kawncau khankix naog ka pa gaux rhawm mai ka Khuan Singax Singeh heue.

KAWNCAU 13:9

Viang mawh nan Sawlux, pa kok khawm ceu kaux Pawlux, naog ka Khuan Singax Singeh mai jeung ngai tix piang kaw an,

KAWNCAU 15:8

Siyiex Kaw pa tawng rhawm, kham mhai rug son kix mai tawx Khuan Singax Singeh ka kix, awm pa hoik tawx Nawh ka ex heue.

KAWNCAU 19:6

Yam hoik deuh Pawlux taix tix ka piang kix, Khuan Singax Singeh lih hoek piang kix mai kix sikah ka lox pa tang pa siyox khankix mai krai lox jhai heue.

KAWNCAU 2:11

Pui meung Karete mai pui meung Arebia khankix mai ex mhong kix sikah ka daux lox ex, krai grawng pa ting lhaong pa hoik yuh Siyiex heue.”

KAWNCAU 2:3

Kix yaox bleeh dak kukak khankix pa awm ngu mai tum piang kix ku kaux heue.

KAWNCAU 4:31

Khaix hoik rawg kix bwan, dee khrawm kix paox tix yung yiang mai kix khawmuik naog ka Khuan Singax Singeh mai kix kwa ti sidiex gumlox Siyiex heue.

KAWNCAU 4:8

Yam an Petrux naog ka Khuan Singax Singeh mai ah nin ka kix, “Pex pa mawh simiang giex kaing pui khankix mai kuad song khankix eue,

KAWNCAU 6:3

Mawh kheu nan puxaik khankix eue, pex sawg pui aliah kaux khaing ka daux pex, pa yaw pui kah, pa naog Khuan Cao mai pingnya cuyi mai laug kix kieh bung kaing piang ceu in heue.

KAWNCAU 6:5

Pui khawmuik khaw rhawm ka lox an mai kix laug ti teei Sathephan, pa mawh pui tix kaux pa naog krax yum rhawm mai Khuan Singax Singeh mai Philipux mai Prawkhaw mai Nikanaw mai Timon mai Pamenax mai Nikawlax pa mawh pui veng Antiuk, pa hoik laig ka beenli pui Yudax heue.

KAWNCAU 6:8

Sathephan naog ka bwanson mai sibrawm mai yuh ceu pa daox deng pa ting mai mhai ka sinax pui khankix heue.

KAWNCAU 7:55

Viang mawh nan nawh naog ka Khuan Singax Singeh mai jawg ti maong ka raoma mai yaox min plakngai Siyiex mai yaox Yesux cung plak tai khawn dawm Siyiex,

KAWNCAU 8:17

Yam an kiex deuh taix tix piang kix mai kix pon Khuan Singax Singeh heue.

KAWNCAU 9:17

Ananix lih hu mai laig ka daux nyiex an mai deuh taix tix piang Sawlux ah nin, “Pux Sawlux eue, Simiang Yesux pa hoik lih bleeh ka maix, daux krax pa hoek maix, ploi aux sonsang pon maix ti deeh yaox mai naog ka Khuan Singax Singeh heue.”

ROMAX 15:13

Kieh Siyiex pa tawx krax keud pot jun pot, kieh pex naog ka krax gaux rhawm mai krax nhim khawmuik ka daux pa yum rhawm, son sang nie lheu ting krax keud pot jun pot pex ka daux sibrawm Khuan Singax Singeh heue.

1 KAWRINTHUX 12:10

ka tang kaux tix kaux tawx pa chix yuh kaing sibrawm mai ka tang kaux tix kaux tawx pa chix krai lox jhai, ka tang kaux tix kaux tawx pa chix cheu ti tawng ka khuan khankix, ka tang kaux tix kaux tawx ceu pa chix tawng lox ceu pa tang pa siyox khankix tom nie ceu mai ka tang kaux tix kaux tawx ceu pa chix teei lih dee bleeh lox ceu pa tang pa siyox khankix heue.

1 KAWRINTHUX 13:1

Viang aux chix sikah ka lox pui khankix mai ka lox kawncau Siyiex khankix kawx, phan ang koe krax moh krax rhawm, aux hoik lih mawh awm lox brax tawng, phan ang mawh nan awm lox luah chiang heue.

1 KAWRINTHUX 13:8

Krax moh krax rhawm kienie, ang chix jud jai, viang koe lox jhai khankix kawx, kix tak sang grai grhup heue. Viang koe pa chix ka lox ceu pa tang pa siyox khankix kawx, tak sang jud jai heue. Viang koe krax tawng kawx, tak sang grai grhup heue.

1 KAWRINTHUX 14:18

Aux yaog yaw ka bwanson Siyiex, kheu sikah aux ka lox ceu pa tang siyox khankix, nie lheu khaing pex khawmuik heue.

1 KAWRINTHUX 14:5

Aux koe rhawm ti sang kieh pex chix sikah ka lox ceu pa tang siyox khankix, viang mawh nan aux nie lheu koe rhawm ti sang kieh pex chix krai lox jhai heue. Grawh grawng nawh kaw pa chix krai lox jhai nie lheu ting khaing kaw pa chix sikah ka lox ceu pa tang siyox khankix, phan nawh ang plak jhi dee bleeh, son sang ting lhaong ceu cao kah heue.

EFESUX 3:19

sonsang tawng ka krax moh Cao Khrit, pa nie lheu khaing pa chix tawng, sonsang naog pex ka pa grum naog Siyiex khawmuik heue.

EFESUX 5:18

Paw kieh yoek ka plai rawm plix siiet, pa nieb chix kieh luan yuh cuci, viang mawh nan kieh naog ka Khuan Cao,

EFESUX 6:18

ca rawg bwan ku bawg yam, ka krax rawg mhaing khawmuik, ka daux Khuan Cao, pau ti jhak mai viex rhawm cong sijung mai rawg bwan, son pui singax singeh khawmuik,

1 PETRUX 1:12

Hoik plak kieh kix tawng grawh grawng pa yuh kix ang mawh son tokaux tix, viang mawh nan mawh son pex, yam grux krai kix grawh grawng ceu pa hoik krai sidawng ka pex yam in, ka pui pa hoik sidiex gau lox bwan gaux rhawm ka pex, ka daux pa teem Khuan Cao pa hoik ploi lih khaing raoma heue. Grawh grawng ceu an khankix kawncau Siyiex mie ti jhak mai tawng heue.

2 PETRUX 1:21

Grawh grawng nawh lox jhai ang sax lih hoek kheu alo kawn pui tix bawg kawx, viang mawh nan Khuan Singax Singeh hoik kieh pui pa singax singeh khankix, krai lox pa kaoh khaing Siyiex heue.

1 SAMOELAX 1:14

Elix cao giex kaing li ah nin ka nawh, “Mawh kawn sang yoek maix miex grheung lie? teei ti tik rawm plix siiet singai khaing maix.”

1 SAMOELAX 10:10

Yam hoek kix ka Gibat, jhak heue, cao jhai tix cub rieb ka Sawlux mai khwan Siyiex lih hoek piang nawh mai ah lox jhai ka sinax kix.