KAWNCAU 2:25 - Wa Common Language Translation

²⁵ Mawh kheu Davit hoik krai grawng Nawh yuh nin, Aux yaox Siyiex sivoe pakngai aux jheung jheung Kheu Nawh ot plak taix khawn dawm aux, son ang pon ti yung yiang aux.

KAWNCAU 2:25 Iomraidhean Croise

YAOGYAW 109:31

Grawh grawng nawh, Nawh Cao cung dex plak taix khawn dawm pui pa hot sibhawm mai taoh ju kix lih khaing daux tawm taix krax prawng ca phimap heue.

YAOGYAW 110:5

Siyiex pa ot plak taix khawn dawm Maix, yam lih pa song rhawm Nawh, Nawh Cao ciyang ka simiang khankix laux leeing heue.

YAOGYAW 21:7

Grawh grawng nawh, simiang deuh rhawm ka Siyiex mai Nawh kaux cong leeing ju, kheu bwanson Siyiex Cao pa ting lhaong khaing khawmuik heue.

YAOGYAW 30:6

Yam mhawm ot mhawm koe aux, aux ah nin, “Aux ang doh khi rhawm.

YAOGYAW 62:2

Nawh Mawh rang ting mai Cao taoh aux mai mawh dee deuh aux rhawm mai aux ang lai lhat graung ka tix ceu kawx.

YAOGYAW 62:6

Nawh mawh rang ting mai Cao taoh aux mai mawh dee deuh aux rhawm mai aux ang lai lhat graung ka tix ceu kawx.

YAOGYAW 73:23

Viang mawh kawx nan, aux ot mai Maix jheung jheung mai Maix giex ka taix khawn dawm aux heue.

ISAYAX 41:13

Mawh kheu Aux mawh Siyiex maix, tak giex taix dawm maix, tokaux Aux ah nin ka maix, “Paw lhat, Aux tak teem ka maix.”

LUKAX 1:6

Kiex khawm ra mawh pa rahsee sivoe Siyiex mai hawt lox tawm pinyap cie Siyiex khawmuik ang lai koe dee lud loe heue.

YOHAN 16:32

Jhak heue, bawg yam nari tak sang hoek, mawh heue, pie yam in kawx hoik hoek, yam pex tak sang prung prang hu dee ot pui mawx dee ot pui an sang prah Aux ot nong nong. Viang mawh nan Aux ot nong nong ang mawh, kheu Keeing Cao ot tau mai Aux heue.

KAWNCAU 2:26

Mawh kheu nan rhawm aux gaux kah mai dak aux tom gaux rhawm heue. Lheu khaing an nex aux kawx, tak ot ka daux krax keud pot jun pot heue.