KAWNCAU 2:22 - Wa Common Language Translation

²² “Pui Isarelax eue, nghiet gumlox in khankix heue. Yesux Pui veng Nazariet, Pui tix kaux pa hoik jhi Siyiex pex yaox grawng pa khaw caw rhawm Nawh, ka daux kaing pa ting sibrawm mai ka daux mhai pa daox deng, pa hoik yuh Siyiex ka daux Nawh Cao sinax pex, awm tokaux pex kawx hoik tawng heue.

KAWNCAU 2:22 Iomraidhean Croise

ISAYAX 41:14

Siyiex ah nin, Yakop pa mawh ngaw eue, paw lhat, pex pui Isarelax eue, Aux tak teem ka maix, cao taoh ka maix mawh Siyiex pa singax singeh pui Isarelax.

MATHIEX 12:28

Viang mawh nan, phan Aux grheu phicaox khankix lih ka daux Khuan Siyiex, Meung Siyiex hoik hoek piang pex tete heue.

MATHIEX 2:23

Nawh hu ot ka daux veng pa kok mawh Nazariet, sonsang naog gumlox krai cao jhai khankix pa ah, “Tak kok Nawh mawh pui Nazariet heue.”

MATHIEX 9:8

Yam yaox cub pui hun ka ceu an, kix lhat mai yaogyaw Siyiex, pa hoik tawx sibrawm pa yuh nan ka pui heue.

LUKAX 11:20

Viang mawh nan phan Aux een rhawm ka giien taix Siyiex mai grheu phicaox khankix lih, meung Siyiex hoik hoek ka piang pex tete heue.

LUKAX 18:37

Kix krai ka nawh, mawh Yesux pui veng Nazariet pa hu lawng krax heue.

LUKAX 24:18

Ka daux kiex tix kaux, pa kaux Kalawphax, pawk lox ah nin ka Nawh Cao, “Maix mawh nyo pa ot ka daux veng Yerusaliem nong nong lie? Kheu ang Maix tawng grawh grawng ceu pa hoik mawh tan, ka daux bawg yam singaix in khankix”

YOHAN 1:45

Philipux sawg ti yaox Nasanilax mai ah nin ka nawh, “Ex hoik yaox Kaw pa hoik tiiem Mose grawng Nawh ka daux lai beenli pa hoik tiiem cao jhai khankix kawx grawng Nawh, pa mawh Yesux kawn Yosiep pui veng Nazariet heue.”

YOHAN 10:37

Phan Aux ang yuh kaing Keeing Aux paw yum rhawm ka Aux.

YOHAN 11:47

Mawh kheu nan cao giex kaing li mai Pharishie khankix, khrawm paox tix kum ah nin, “Ex sang yuh ka mawx son Kaw in, mhai daox am yuh Nawh kied nie heue.

YOHAN 12:17

Pui hun pa hoik ot mai Nawh Cao yam kok Nawh Lazarux lih khaing daux simeeig kieh nawh kaoh khaing krax yum, kham mhai rug heue.

YOHAN 15:24

Phan Aux ang yuh kaing pa ang pui tang kaux sax yuh, ka sinax kix, kix ang lai koe phimap. Viang mawh kawx nan yam in kix hoik yaox hoik koeng ka Aux khawm ka Keeing Aux heue.

YOHAN 19:19

Pilat tiiem ti deuh lai ka piang khaox lhak Nawh Cao pa ah nin, YESUX PWI VENG NAZARIET, SIMIANG YUDAX”

YOHAN 3:2

Nawh hoek ka Yesux yam ponsawm ah nin, “Sara cao gau eue, yix tawng Maix mawh cao gau pa kaoh khaing Siyiex, kheu pui tix kaux kawx ang chix yuh mhai pa daox am pa yuh Maix inkix, phan Siyiex ang ot tau mai Maix heue.”

YOHAN 4:48

Mawh kheu nan Yesux ah nin ka nawh, “Phan maix ang yaox mhai ceu pa daox am khankix maix ang tau ti yum rhawm kah”

YOHAN 5:36

Viang mawh nan Aux koe mhai rug pa nie lheu ting khaing mhai rug pa kham Yohan, kheu kaing pa hoik tawx Keeing Cao ka Aux, sonsang yuh tom hoik, pa mawh kaing ceu pa yuh Aux in, mawh pa kham mhai rug son Aux grawng pa hoik ploi Keeing Cao Aux hoek heue.

YOHAN 6:14

Mawh kheu nan yam yaox pui mhai pa daox am pa hoik yuh Nawh Cao kix ah nin, “Kaw in mawh Cao jhai an tete pa hoek piang haktiex heue.”

YOHAN 6:27

Paw coca yuh ti pon pa ih pa chix laux leeing, viang mawh nan coca sonsang pon pa ih pa kaux tom pon ju leeing ju, pa sang tawx Kawn kawn pui ka pex. Kheu mawh Nawh Siyiex, pa hoik tawk Keeing Cao cum ka heue.”

YOHAN 7:31

Viang mawh nan ka daux cub pui hun an, pui tom nie yum rhawm ka Nawh Cao mai kix ah nin, “Yam tak sang hoek Cao Khrit, Nawh tak sang yuh ex yaox mhai pa daox am lheu khaing pa yuh Pui in lie?”

YOHAN 9:33

Phan Pui in ang mawh pa hoek khaing Siyiex, Nawh ang tau ti chix yuh tix ceu kawx”

KAWNCAU 13:16

Pawlux kaoh cung yuh kix yaox taix tix ah nin, “Pui Isarelax mai pui pa lhat ka Siyiex khankix eue, nghiet ha.

KAWNCAU 14:27

Khaix hoik hoek kiex tan mai hoik raug rum grum phroik tau mai pui ceu cao khawmuik, kiex krai grawng ceu pa hoik yuh Siyiex tau mai kiex kuceu khawmuik mai grawng hoik paoh Nawh siviex krax yum rhawm ka pui tang ceu khankix heue.

KAWNCAU 2:19

Aux tak jhi yaox mhai pa daox deng, ka raoma dee long mai mhai ka greem piang haktiex, pa mawh nham mai ngu mai taox ngu heue.

KAWNCAU 2:43

Pui ku kaux daux pui lhat graung ka, ceu pa daox deng tom nie mai mhai pa daox deng pa hoek ti mawh ka tawm taix kawncau pa ting khankix heue.

KAWNCAU 21:28

mai yo ah nin, “Pui Isarelax khankix eue, teem yix liak, mawh pui in pa gau ka pui khawmuik ku dah dee, sonsang koeng ka pui ceu ex mai ka lox lai beenli mai ka dee in mai lheu khaing an viang mawh pui Helasax kawx nawh hoik viex laig ka daux nyiex bwan mai hoik kieh dee singax singeh in seeing brai heue.”

KAWNCAU 22:8

Aux deeh chawk ah nin, Simiang eue, Maix mawh mawx? Nawh deeh ah nin ka aux, Aux mawh Yesux pui veng Nazariet, pa tuktiak maix kah heue.

KAWNCAU 24:5

Mawh kheu yaox ex, grawng pui in mawh preng lukliak mai pa kieh pui tieh feen ka daux pui Yudax khankix piang haktiex khawmuik mai cao bung cub beenli Nazariet heue.

KAWNCAU 26:26

Mawh kheu simiang Akrippax tawng grawng ceu in khankix, aux tom ang ring krai sidawng ka nawh, mawh kheu aux keud ce, ceu in khankix ang mox khaing nawh tix ceu kawx, mawh kheu grawng ceu in ang mawh pa hoik yuh ka daog diem heue.

KAWNCAU 26:9

Glang ka in tokaux aux kawx ce aux khaw ti yuh, ceu pa ang khaw tom nie ka ceu kaux Yesux pui veng Nazariet tete heue.

KAWNCAU 3:12

Yam yaox Petrux pa yuh nan, nawh deeh ah nin ka kix, “Pex pa mawh pui Isarelax eue, pex lai daox deng ka pui in yuh ka mawx? Yuh pa tix? pex lai jawg ti jeung ngai pex ka yiex, awm pa hoik mawh sibrawm mai pa rahsee yiex, pa hoik kieh nawh deeh chix hu ka caong tix,

KAWNCAU 3:6

Petrux ah nin, “Aux ang koe mau khri, viang mawh nan, pa koe aux, aux sang tawx ka maix heue. Ka daux ceu kaux Yesux Khrit Pui veng Nazariet, kaoh hu ka caong tix heue.”

KAWNCAU 4:10

Kieh pex khawmuik mai pui Isarelax khawmuik een ti tawng, grawng mawh ka daux ceu kaux Yesux Khrit Pui veng Nazariet, Kaw pa hoik tawk pex piang khaox lhak, pa Siyiex hoik deeh kieh kaoh im khaing krax yum, mawh ka daux ceu kaux Nawh, kaw in tom moi mai cung sivoe pex heue.

KAWNCAU 5:35

Nawh ah nin ka kix, “Pui Isarelax khankix eue, rien rhawm tokaux tix, ka grawng pa dex sang yuh pex ka pui inkix heue.

KAWNCAU 6:14

Grawh grawng nawh ex hoik mhong nawh ah, Yesux Pui veng Nazariet an, tak sang yieh dee in laux mai deeh loh ka beenli pa hoik tawx Mose ka ex heue.”

2 KAWRINTHUX 12:12

Hoik viex rhawm gun yeung khawmuik ti jhi mhai rug grawng mawh kawncau pa ting pa mawh pa meh, ka sinax pex, ka mhai mai ka ceu pa daox am mai ka kaing sibrawm khankix heue.

HEBRIE 2:4

Siyiex kawx kham mhai rug tau mai kix, ka mhai mai ka ceu pa daox am mai ka kaing sibrawm tom nie ceu mai ka totaix pa hoik gwieh ti tawx Khuan Singax, awm pa khaw mai alo Nawh Cao heue.