KAWNCAU 2:13 - Wa Common Language Translation

¹³ Tang kaux tix blah nieb ah pa ang cee ang cak ah nin, “Kix sak kix yoek ka rawm plix siiet pa tie heue.”

KAWNCAU 2:13 Iomraidhean Croise

YAWBAX 32:19

Jhak heue, vaig aux awm rawm plix siiet ang koe daux sang lih, mai an awm hau hak rawm plix siiet pa khraox pa dex sang bih heue.

SAWLAMUN 7:9

moing jheeh maix, awm rawm plix siiet pa sidaing nyawm heue.

ISAYAX 25:6

Ka piang gawng in, Siyiex cao kru naing raoma tak sang yuh pawie khan kheu pa ih, ceu pa nyawm pa tie son pui khawmuik mai krax khan kheu pawie rawm plix siiet ceu pa prim khaing ceu pa kluing pa bee khankix pa naog ka gua bee si-ang mai khaing rawm plix siiet pa ciied tix mhawm mhawm khaing rawm plix siiet pa prim khankix heue.

ZAKHARIX 10:7

Pui Epharem khankix tak sang mawh pa awm pui pa kied ting riang ting rao mai rhawm rhi kix tak sang koe krax gaux rhawm awm pa hoik sak ka rawm plix siiet heue. Kawn praix kix tak sang yaox ka ankix mai koe krax gaux rhawm ka daux Siyiex heue.

ZAKHARIX 9:15

Siyiex Cao kru naing raoma tak sang tieb tie ti priex kix, kix tak sang kiied ti ih pui koeng kix mai dig lon simaox pa hoik sivuat tix khankix heue. Kix tak sang nyaux mai lawh maw, awm hoik sak nyaux ka rawm plix siiet, kix tak sang naog ka nham awm tawg klong khankix, awm daog khu dee tan heue.

ZAKHARIX 9:17

Ceu pa mhawm kix mawh pa kied ting kied lhaong miex ding, krax pa mhawm grang kix kied ting kied lhaong miex ding, nghox tak sang kieh pui awn ju khankix haok hwan ting lhaong mai rawm plix siiet khraox tak sang kieh bunkrih khankix haok hwan ting lhaong heue.

KAWNCAU 2:15

Grawh grawng nawh kix yoek awm pa ce pex ang mawh, kheu kawn tak hoek ngie ponngawb loe nari heue.

1 KAWRINTHUX 14:23

Mawh kheu nan yam krawk khrawm pui ceu cao paox tix khawmuik, phan khawmuik lai sikah ka lox ceu pa tang pa siyox khankix mai phan pui pa ang chix, phan ang mawh nan pa ang yum rhawm hoek ti laig, kix tak sang ah, “Yhot pex heue.” Ang mawh lie?

EFESUX 5:18

Paw kieh yoek ka plai rawm plix siiet, pa nieb chix kieh luan yuh cuci, viang mawh nan kieh naog ka Khuan Cao,

1 SAMOELAX 1:14

Elix cao giex kaing li ah nin ka nawh, “Mawh kawn sang yoek maix miex grheung lie? teei ti tik rawm plix siiet singai khaing maix.”