KAWNCAU 2:11 - Wa Common Language Translation

¹¹ Pui meung Karete mai pui meung Arebia khankix mai ex mhong kix sikah ka daux lox ex, krai grawng pa ting lhaong pa hoik yuh Siyiex heue.”

KAWNCAU 2:11 Iomraidhean Croise

1 SIMIANG 10:15

Lheu khaing an nawh baox pon khaing pui pa yuh lai geu khankix mai khaing keen pa tawx caox lai geu khankix mai khaing simiang Arebia khankix mai khaing cao kwang haktiex khankix heue.

2 GRAWNG BEEN 17:11

Pui Philitix tiblah viex totaix mai mau hoek ka Yehoshaphat, awm pa tawx tix keun mai pui Arabi viex tobrie khankix, pa mawh yung mhaing aliah reng aliah yieh mu mai pex mhaing aliah reng aliah yieh mu hoek ka nawh heue.

2 GRAWNG BEEN 26:7

Siyiex teem nawh khaing ceu pui Philitix khankix mai khaing ceu pui Arap pa hoik ot ka daux veng Gura Balax mai ceu pui Mahunem khankix heue.

YAWBAX 9:10

Nawh Cao yuh kaing ceu pa kied ting lhaong pa ang ex lai dak pon tawng, Mawh heue, krax pa daox deng mawh pa ang lai uik simin ka heue.

YAOGYAW 107:15

Kieh pui khankix khaw ti keud ka krax pa caux rhawm mai ceu pa daox am pa hoik yuh Nawh ka kawn pui khankix mai kieh kix yaogyaw ka Siyiex heue.

YAOGYAW 107:21

Kieh pui khankix khaw ti keud ka krax pa caux rhawm mai ceu pa daox am, pa hoik yuh Nawh ka kawn pui khankix mai kieh kix yaogyaw ka Siyiex heue.

YAOGYAW 107:8

Kieh pui khankix khaw ti keud ka krax pa caux rhawm mai ceu pa daox am, pa hoik yuh Nawh ka kawn pui khankix mai kieh kix yaogyaw ka Siyiex heue.

YAOGYAW 111:4

Nawh Cao kieh ceu pa daox am khankix, mawh son pa tak sang doh keud mai Siyiex grum koe rhawm pa chix yuh bwanson mai rhawm pa chix caux rhawm heue.

YAOGYAW 136:4

Yaogyaw ka Cao pa yuh ceu pa daox am tix kaux khaing, kheu koe krax caux rhawm Nawh jheung jheung leeing ju heue.

YAOGYAW 26:7

Aux sang rhax lai yaogyaw bwanson Maix mai krai grawng pa daox am pa yuh Maix khawm uik heue.

YAOGYAW 40:5

Siyiex aux eue, ceu pa daox am mai pa keud Maix son ex, kied haoh hun heue. Ceu pa yiag pa bak Maix ti deuh sivoe ngai Maix ang doh uik, phan aux krai grawng ceu pa yuh Maix, kied haoh hun, tom ang aux lai uik simin heue.

YAOGYAW 71:17

Siyiex eue, Maix hoik gau aux tom yam mawh aux kawn nyawm heue. Maix hoik jhi ceu pa daox am Maix tom singaix yam in heue.

YAOGYAW 77:11

Aux tak krai ka grawng kaing pa hoik yuh Maix mai doh keud ka ceu pa daox am pa hoik yuh Maix tom didix.

YAOGYAW 78:4

Ex ang mox khaing kawn praix kix, sonsang yaogyaw ka Siyiex mai sibrawm mai ceu pa daox am, pa hoik yuh Nawh Cao khankix, krai ka kix, pa tak sang hoek tix mawh sax heue.

YAOGYAW 89:5

Siyiex eue, raoma tak yaogyaw ka kaing pa hoik yuh Maix, ceu pa daox am mai sijax mukheu Maix ka sinax cub pui pa singax singeh khankix heue.

YAOGYAW 96:3

Plak jhi min pakngai Nawh Cao, ka pui tang ceu khankix mai grawng ceu pa daox am, pa hoik yuh Nawh khankix ka daux ceu pui kuceu heue.

LIH HU 15:11

Siyiex leeing ju eue, ka daux siyiex tang ceu mawh mawx pa awm Maix lie? mawh mawx pa kied singax singe pa kied ting min pakngai mai koe krax lhat graung daux pa yaog yaw kah, yuh pa daox am khankix uik.

ISAYAX 13:20

Ka dee an pui tix kaux kawx ang pon ti ot, ku ju leeing ju. Pui Aribiyax tak ang pon ti sum nyiex gox tan mai cao pa liang yung khankix tak ang lai pon ti sum kawg yung tan heue.

ISAYAX 21:13

Grawng pa plak jhi ka piang haktiex Arebiya pex pa mawh cub pui Dedam pa kawn hu krax laux khankix eue, pex tak sang paung ti ot daux nong khaox pa koe ka daux haktiex Arebiya heue.

ISAYAX 25:1

Siyiex eue, Maix mawh Siyiex aux, aux tak sang yaog min bwan Maix, aux tak sang yaog yaw min ceu kaux Maix, kheu mawh Maix pa hoik yuh ceu pa daox am, krax keud krax sawn Maix tom yam jah dix ang tieh loh tix, mawh pa kaux sijax heue.

ISAYAX 28:29

In kawx mawh pa kaoh khaing Siyiex cao kru naing raoma, pa daox am kah mai pingnya Nawh Cao ting lhaong heue.

YERAMIX 25:24

simiang Arebiyax khankix mai simiang pui tang ceu pa khon tix ot ka daux tiag khankix,

YERAMIX 3:2

Yaog ngai tix ka dee lhaong mai jhak ka dee ang maix nyang sax it tau mai simex khankix maix hoik ngawm tix pau ka kix, hawt krax awm pui Arap ka daux tiagtu mai maix hoik kieh haktiex seeing brai kheu grawng lud vao maix ka bun tau mai krax pa caox caig yuh tix khankix heue.

KAWNCAU 2:10

mai ka daux meung Pharuki mai meung Pampuli, ka daux meung Ejiptux mai haktiex meung Libya mai sivie veng Kurene mai nyo sinie khankix pa kaoh khaing veng Romax, pui Yudax mai khawm pui pa hoik laig li kix.

KAWNCAU 2:12

Kix khawmuik kied daox deng ka mai ah nin ka paox tix, “Dee bleeh grawng in mawh pa yuh ka mawx?”

KAWNCAU 27:12

Mawh kheu ang mhawm dee ot son bawg yam kwat, pui plak nie ah mhawm ti baox yaog ti hu khaing tan piang rawm sigrit sigra, sonsang hu ti yaox, sonsang pon ti ot ka veng Phinit daux bawg yam kwat, pa mawh dee bang ka klawn tiex Karete, pa veeh ka plak sigreung caong ma laong plak klip singaix mai veeh ka plak sigreung caong ma seh plak lih singaix heue.

KAWNCAU 27:13

Yam bhaung briex koi phlu khaing plak caong ma seh, kheu kix ce, kix hoik pon pa bak kix ti yuh, kix deeh bluh rhiem ngak ngaw pa giex reu khaing daux rawm mai deeh brug reu hu dex hawt praok klawn tiex Karete heue.

KAWNCAU 27:7

Khaix hoik koi hu ex tom nie singaix, ex kied nu tix hoek ka sidieb Kanidu, kheu bhaung klat ex, ex tom hu plak laong klawn tiex Karete, sidieb veng Salamon heue.

1 KAWRINTHUX 12:10

ka tang kaux tix kaux tawx pa chix yuh kaing sibrawm mai ka tang kaux tix kaux tawx pa chix krai lox jhai, ka tang kaux tix kaux tawx pa chix cheu ti tawng ka khuan khankix, ka tang kaux tix kaux tawx ceu pa chix tawng lox ceu pa tang pa siyox khankix tom nie ceu mai ka tang kaux tix kaux tawx ceu pa chix teei lih dee bleeh lox ceu pa tang pa siyox khankix heue.

1 KAWRINTHUX 12:28

Siyiex hoik ciak ti deuh ka daux ceucao, phao ka tix ceu, ka kawncau pa ting khankix mai ra ceu tix ceu, cao jhai khankix mai loe ceu tix ceu, sara cao gau khankix, khaix an, kaing sibrawm khankix, khaix an, totaix pa kieh jhawm saux moi khankix mai pa teem khankix mai pa bung pa giex kaing khankix mai pa chix tawng ka lox ceu pa tang pa siyox khankix tom nie ceu heue.

KALATIX 1:17

viang, ka veng Yerusaliem kawx aux ang haok hu ka kix pa hoik mawh kawncau pa ting ka sivoe aux, aux hu ka daux meung Arebia mai aux deeh hu ka veng Damase tix bawg heue.

KALATIX 4:25

Hagarax mawh gawng Sina pa koe ka daux meung Arebia, veng Yerusaliem pa koe yam in, pa hoik mawh siliex tau mai kawn praix nawh heue.

TITUX 1:12

Ka daux kix tix kaux pa mawh cao jhai ceu kix, hoik ah nin, “Pui Karete mawh pui pie lhen, totiag pa caox mai pui nieh pa chax nie luan ih ku jheung jheung heue.”

TITUX 1:5

Mawh kheu grawng in aux hoik prah maix ka klawn tiex Karete, sonsang kieh maix cox ka ceu pa ang nyang bax hoik khankix, sonsang ciak ti deuh kuad ceu cao, ka daux ku veng awm hoik tawm aux ka maix heue.

HEBRIE 2:4

Siyiex kawx kham mhai rug tau mai kix, ka mhai mai ka ceu pa daox am mai ka kaing sibrawm tom nie ceu mai ka totaix pa hoik gwieh ti tawx Khuan Singax, awm pa khaw mai alo Nawh Cao heue.