KAWNCAU 2:1 - Wa Common Language Translation

¹ Yam ngaix pawie Pientekote hoik hoek ti grum naog, kix khawmuik ot tau tix dah heue.

KAWNCAU 2:1 Iomraidhean Croise

2 GRAWNG BEEN 30:12

Taix Siyiex koe piang pui Yudax khankix, sonsang kieh kix koe rhawm tix mu, sonsang hawt kix ti yuh ankix, awm lox tawm simiang mai cao kaing khankix, ka daux gumlox Siyiex heue.

2 GRAWNG BEEN 5:13

Yam cao phlu teettawng mai cao rhax lai khankix mawh tix cub, sonsang yuh kix lox tix sinum tix dum, sonsang mawh pa yaogyaw kix bwanson Siyiex mai yam yaog kix lox tix khaw tau mai teettawng mai chiang mai kraung ting pa koe maox khankix yaogyaw Siyiex ka daux pa ah nin, mawh kheu Nawh Cao mawh pa mhawm, mawh kheu krax pa caux rhawm Nawh Cao kaux cong leeing ju heue. Nyiex bwan an pa mawh nyiex bwan Siyiex hoik naog ka pa ceep paiawm,

YAOGYAW 133:1

Puxaik pa ih rhawm rhi paox tix mai pa yuh paox pie ot tau, kied mhawm heue. Mai kied sidaing mhawm grang heue.

LIH HU 23:16

“Maix tak yuh pawie gaing nghox, pa mawh pawie pa pon maix plix khaox plix ox pa liang khaing riang rao tix pa hoik sum maix daux ma kaung mai pawie khrawm maix plix khaox plix ox ka riang rao maix khaing daux ma kaung bawg yam sidah num.

LIH HU 34:22

“Maix tak yuh pawie gaing nghox daux aliah vang twah, son plix nghox ca pa vawg maix phao ka mai pawie priex khrawm nghox ca yam hoik sidah num.”

YERAMIX 32:39

Khaix an Aux sang tawx rhawm tix mu mai krax tix nyaing sonsang koe krax lhat graung ka Aux leeing ju, sonsang mawh pa mhawm son kix mai ka son kawn praix kix, pa tak sang hoek khaix kix heue.

ZEPHANIX 3:9

Yam an Aux tak sang deeh kieh ceu pui khawmuik sikah lox pa singax, sonsang pon kix ti kok ceu kaux Siyiex mai sonsang yuh kaing jhaw Nawh Cao tau mai krax grum rhawm heue.

KAWNCAU 1:5

Grawh grawng nawh Yohan cubcom ka rawm tete heue, viang mawh nan, khaix in ang awt rheung miex ngaix tix, pex tak sang cubcom ka daux Khuan Singax heue.”

KAWNCAU 1:8

Viang mawh nan pex tak sang pon sibrawm, yam hoik hoek Khuan Singax Singeh piang pex mai pex tak sang mawh pui pa kham mhai rug son Aux, jah ka veng Yerusaliem khawm meung Yudax khawmuik mai meung Samarix mai hoek tom dee sidah haktiex heue.”

KAWNCAU 2:46

tix ngaix hoik tix ngaix kix khaw caw rhawm paox tix, ot ka daux nyiex bwan mai kix sivit blah tau ka daux nyiex kix. Kix gaux sile he sivoek, ih pa ih kix mai ih rhawm, ang tang lox siyox moing,

KAWNCAU 20:16

Mawh kheu Pawlux keud ti sang brug reu via khaing veng Efesux, son ang nawh lai uik bawg yam ka daux meung Asix, kheu nawh nied ti hu ka veng Yerusaliem, sonsang pon ti ot tan ngaix pawie Pientekote, phan chix tix heue.

KAWNCAU 4:24

Yam hoik mhong kix grawng an, kix yuh lox tix gum cum tix dah, pa sinum ka Siyiex ah nin, “Simiang eue, Maix hoik yuh raoma mai haktiex mai rawm sigrit sigra mai can pa koe ka daux khankix khawmuik.

KAWNCAU 4:31

Khaix hoik rawg kix bwan, dee khrawm kix paox tix yung yiang mai kix khawmuik naog ka Khuan Singax Singeh mai kix kwa ti sidiex gumlox Siyiex heue.

KAWNCAU 4:32

Cub pui hun pa yum rhawm, mawh rhawm tix mu khaing mai tix kaux kawx, ang ah kraung ceu pa koe ti mawh cie tix, viang mawh nan kix rom paox tix shiao ceu pa koe khawmuik heue.

KAWNCAU 5:12

Ka tawm taix kawncau pa ting khankix yuh mhai tom nie mai pa daox deng tom nie, ka sinax pui khankix mai kix khawmuik ih rhawm paox tix ot piang grah Sawlamon heue.

ROMAX 15:6

son sang chix viex pex rhawm tix mu, jheeh tix mu, ti yaogyaw Siyiex mai Keeing, Simiang ex Yesux Khrit liak heue.

1 KAWRINTHUX 16:8

Aux tak sang ot ka veng Efesux tom hoek yam pawie Pientekote.

PHILIPPIX 1:27

Kieh ngie pa yuh pex keung mai been lox bwan gaux rhawm gaux rhi Cao Khrit, yuh ka mawx phan aux hoek ka pex ang ah, siyang ot ang ah, aux tak pon ti mhong grawng kaux cong pex mai viex khuan tix mu mai rhawm tix mu khaing, mai niet ti yuh son krax yum rhawm pa dex dawt mai lox bwan gaux rhawm gauxrhi,

PHILIPPIX 2:2

kieh krax gaux rhawm aux grum naog kah, sonsang koe pex rhawm pa awm paox tix mai koe krax moh krax rhawm pa awm paox tix, pa koe rhawm tix mu khaing, pa chix ih rhawm paox tix heue.