KAWNCAU 17:5 - Wa Common Language Translation

⁵ Viang mawh kawx nan, kheu pui Yudax khankix boh rhawm ka, kix kok ti teei pui pa ang koe bwanson, pa nieb ot giex going mai khrawm ti yuh cub mai kieh veng an lawh maw heue. Kix yieh ti laig ka nyiex Yason mai sawg ka Pawlux mai Silax, sonsang viex kiex lih ka pui khankix heue.

KAWNCAU 17:5 Iomraidhean Croise

YAOGYAW 35:15

Yam yaox aux krax khi rhawm, kix khrawm paox tix gaux rhawm mai yuh pa ang cee ang cag mai pui pa ang aux tawng khankix giex aux mai tap toi ka aux heue.

YAOGYAW 69:12

Yam ngawm kix bang kum daux siviex lawng mai yoek ka plai mai ah lox rhax grawng aux heue.

LOX KAB 14:30

Rhawm pa nyawm ot, mawh pa kieh tokaux im ju mai pa bo rhawm mawh pa kieh si-ang rham heue.

ISAYAX 26:11

Siyiex eue, viang Maix hoik yaog taix ix kawx, kix ang cu ti jhak ti simi, viang mawh nan, kix tak yaox mai koe krax kaig tua, ka hoik koe rhawm rhi Maix ka pui khankix; ngu tak sang gleeing ti tik ka pui koeng Maix khankix heue.

MATHIEX 27:18

Nawh tom ah nan, kheu tawng nawh kix hoik tawx Nawh Cao, kheu boh rhawm kix kah heue.

KAWNCAU 13:45

Yam yaox pui Yudax khankix pui hun khankix, kix naog krax boh rhawm mai thiang grawng ceu pa krai Pawlux khankix mai salao kah heue.

KAWNCAU 14:19

Yam an pui Yudax khankix hoek khaing veng Antiuk mai veng Ikawnix mai khaix hoik nyaw glaw kix mai pon cub pui haoh, kix dheem Pawlux ka simaox mai kheu ce kix nawh hoik yum, tom reu nawh lih khaing veng an heue.

KAWNCAU 14:2

Viang mawh nan pui Yudax pa ang koe krax cu nghiet khankix, cheeik rhawm pui tang ceu khankix mai kieh kix caox ka puxaik khankix heue.

KAWNCAU 17:13

Viang mawh nan yam tawng pui Yudax pa ot ka daux veng Thesalonix khankix grawng hoik sidiex gau Pawlux lox bwan Siyiex ka daux veng Berix, dee an kawx kix hoek mai tawx riang so rhawm pui khankix heue.

KAWNCAU 17:6

Yam ang kix yaox kiex, kix reu Yason mai puxaik tix blah hu sivoe simiang giex kaing veng an khankix mai yo ah nin, “Pui in pa hoik kieh haktiex tieh cu ci, dee in kawx hoik hoek heue.

KAWNCAU 17:7

Yason hoik rieb ti teei kiex mai khinkix khawmuik yuh pa ang khaw ka lox tawm simiang Kesa ah nin, Koe simiang tang kaux tix kaux, pa mawh Yesux heue.”

KAWNCAU 17:9

Khaix hoik teei kix ceu pa tang khaing Yason mai pa deuk khankix kix ploi kix hu heue. Pawlux hu ka veng Berix

KAWNCAU 18:12

Viang mawh nan yam Galio mawh simiang giex kaing meung Akhayax, pui Yudax khankix khrawm paox tix tau kaoh yuh ka Pawlux mai viex nawh hoek sivoe dee ngawm ti prawng ca,

KAWNCAU 19:40

Mawh kheu mawh pa lawh maw cuci singaix, ex koe dee lhat grawng sang deuh phimap piang ex, kheu ang koe grawh grawng mai ex ang koe lox ti sang krai ka grawng ceu pa ang khaw ang caw in tix ceu kawx heue.”

KAWNCAU 7:9

Tax du khankix boh rhawm ka Yosiep mai coh ti tawx nawh ka daux meung Ejiptux, viang mawh nan Siyiex ot tau mai nawh.

ROMAX 16:21

Timose pa mawh paox pa yuh kaing tau mai aux mai Lukix mai Yason mai Sosipatax pa mawh paox ru aux khankix nawb ka pex heue.

1 KAWRINTHUX 3:3

kheu kawn mawh pex pa dex mai nex nham heue. Mawh kheu koe pa boh rhawm mai pa simah ka daux pex, ang pex lai mawh pa dex mai nex nham mai pa hawt hu ka been kawn pui lie?

2 KAWRINTHUX 11:26

Ka daux pa hu krax tom nie bawg, ka daux krax lhat graung ka rawm klawng ting khankix, ka daux krax lhat graung ka pui tud rhim khankix, ka daux krax lhat graung khaing pui ceu aux khankix, ka daux krax lhat graung khaing pui tang ceu khankix, ka daux krax lhat graung ka daux veng, ka daux krax lhat graung ka daux tiagtu, ka daux krax lhat graung ka daux rawm sigrit sigra, ka daux krax lhat graung khaing puxaik pa ang mawh ang meh khankix,

KALATIX 5:21

pa ghoing, pa pah pui yum, pa yoek ka plai, pa silao ti yuh pawie mai ceu pa awm in khankix, pa baox grux krai aux ka pex yam in, awm pa hoik sax grux krai aux ka pex, grawng pui pa yuh ceu in khankix tak ang lai pon sin meung Siyiex heue.

KALATIX 5:26

Paw kieh ex lih ti mawh pa sawg min pakngai pa giex going mai paw choeng ka paox tix mai paw ghoing ka paox tix heue.

1 THESALONIX 1:6

Pex hoik lih mawh pui pa hawt jawh ka ex, ka Simiang, khaix hoik rieb pex lox bwan ka daux pa kha rhawm tom nie, tau mai pa gaux rhawm Khuan Singax Singeh,

YAKOP 4:5

Pex keud ce phuk lai sigang khri pa ah nin, “Khuan Cao pa hoik kieh Nawh ot ka daux ex, mawh pa koe rhawm pa sang ghoing kah lie?” Pa ah nan mawh pa giex going lie?

CAO PRAWNG 9:4

Mawh kheu nan kix teei ti tawx mau atixgliah shekhe khaing daux nyiex vad Balax Berit ka nawh, Abimaliet deeh cang pui pa lu lhia vu vie mai pui pa ang cu nghiet ka mau an heue.