KAWNCAU 15:3 - Wa Common Language Translation

³ Pui ceucao tawx kix ka krax tix baux mai kix hu preeng ka meung Phinit mai khawm meung Samarix mai krai grawng pui tang ceu khankix hoik tieh ti ih li heue. Kix kieh puxaik khankix kied gaux rhawm kah heue.

KAWNCAU 15:3 Iomraidhean Croise

LUKAX 15:32

Khaw ti yuh krax gaux rhawm mai gaux rhawm heue. Mawh kheu pux maix in hoik yum mai yam in hoik deeh im, nawh hoik grai mai yam in hoik deeh yaox heue.”

KAWNCAU 1:15

Ka daux ngaix bawg yam an, Petrux kaoh cung sinax puxaik khankix, pui pa khrawm ti tan dex koe tiyieh tixnga kaux mai nawh ah nin,

KAWNCAU 13:48

Yam mhong pui tang ceu lox an khankix, kix gaux rhawm mai yaogyaw gumlox bwan Siyiex. Kix pa hoik ciak laug sonsang pon ju leeing ju khawmuik yum rhawm heue.

KAWNCAU 13:52

Kawncau khankix naog ka pa gaux rhawm mai ka Khuan Singax Singeh heue.

KAWNCAU 14:27

Khaix hoik hoek kiex tan mai hoik raug rum grum phroik tau mai pui ceu cao khawmuik, kiex krai grawng ceu pa hoik yuh Siyiex tau mai kiex kuceu khawmuik mai grawng hoik paoh Nawh siviex krax yum rhawm ka pui tang ceu khankix heue.

KAWNCAU 15:1

Pui tix blah lih hoek khaing meung Yudax mai gau ka puxaik khankix ah nin, “Phan pex ang pat hak hawt been Mose, pex ang tau ti hoek krax taoh heue.”

KAWNCAU 15:12

Cub pui hun khawmuik ang nye kah mai nghiet lox krai Banabax mai Pawlux grawng mhai ceu pa daox deng, pa hoik yuh Siyiex sinax pui tang ceu ka daux kiex heue.

KAWNCAU 15:22

Yam an kawncau pa ting khankix mai pui bung kaing ceu cao mai pui ceu cao khawmuik, ce mhawm ti laug pui khaing ka daux cub kix Yudax pa kok mawh Basabax mai Silax pa ao min plakngai ka daux puxaik khankix mai ploi kiex hu ka veng Antiuk, tau mai Pawlux mai Banabax heue.

KAWNCAU 15:32

Yudax mai Silax, kheu tokaux kiex kawx mawh cao jhai, kiex gau puxaik khankix ka lox tom nie mai kieh kix kaux cong kah heue.

KAWNCAU 15:4

Lheu khaing an yam hoek ka veng Yerusaliem, kawncau pa ting khankix mai pui pa bung kaing ceucao mai pui ceu cao khankix caong rieb kix heue. Kix kawx krai grawng ceu pa hoik yuh Siyiex tau mai kix kuceu khawmuik heue.

KAWNCAU 17:15

Viang mawh nan kix pa hu tawx Pawlux, viex nawh hu tom hoek ka veng Athen mai khaix hoik pon kix lox tawm, sonsang tawx ka Silax mai Timose, pa nhie kiex nied ti hoek laung laung, kix yaog ti ing heue. Pawlux ot daux veng Athen.

KAWNCAU 20:38

mai kix nie lheu khi rhawm kheu lox pa hoik ah nawh grawng kix tak ang lai baox yaox pakngai nawh mai kix viex ti hu tawx nawh ka reu heue.

KAWNCAU 21:5

Yam hoik naog singaix ex khankix tan, ex lih hu mai kawncau mau soi khankix, khawm moeng khawm kawn kix khawmuik, hu tawx ex tom hoek plak praix veng mai ex grux ngawng tix ka caong raog tan mai rawg bwan mai ah lox gwieh ka paox tix tan heue.

KAWNCAU 28:15

Puxaik khankix pa ot daux veng Romax yam mhong kix grawng hoek ex, kix hoek ti rieb ex tom hoek ka lah Appi mai ka nyiex bang loe lhang mai yam yaox Pawlux kix nawh yaogyaw bwanson Siyiex mai rhawm nawh deeh haing hiah kah heue.

KAWNCAU 8:14

Kawncau pa ting khankix, pa ot ka daux veng Yerusaliem, yam mhong kix grawh grawng Samarix hoik rieb ti teei gumlox bwan Siyiex, kix ploi Petrux mai Yohan hu ka kix heue.

ROMAX 15:24

yam sang hu aux ka meung Sapenix lai mawx ang ah, aux koe krax keud pot jun pot ti sang yaox pex yam hu aux krax mai ti sang kieh pex hu tawx aux tan, khaix hoik ot aux tau mai pex tom kub fah rhawm heue.

1 KAWRINTHUX 16:11

Mawh kheu nan paw kieh pui tix kaux kawx nieb pon yuh ka nawh awx. Pex ploi nawh phlat hoek ka aux nhim mhawm mhawm, kheu aux ca keud pot son sang hoek nawh tau mai puxaik khankix heue.

1 KAWRINTHUX 16:6

Aux tee ot tau mai pex tix vong, phan ang mawh nan yaox ti ot tom sidah yam kuat yung, son sang pon hu tawx pex aux ka krax dee hu aux dee mawx ang ah heue.

2 KAWRINTHUX 1:16

Aux hoik bak ti sang hu plak pex mai phlat hu ka meung Makedonix mai baox yaog khaing meung Makedonix mai deeh hoek ka pex mai sonsang kieh pex hu tawx aux ka krax hu ka meung Yudax heue.

TITUX 3:13

Nied ti coca teem Zenax pa mawh cao gau lai beenli, Apawlux, son krax sang hu kiex, son ang kiex lai sang cud tix ceu kawx heue.