KAWNCAU 14:1 - Wa Common Language Translation

¹ Ka daux veng Ikawnix kix khrawm ti laig tau ka daux nyiex sidiex pui Yudax mai sidiex gau tom yum rhawm pui hun, pa mawh pui Yudax mai khawm pui Helasax heue.

KAWNCAU 14:1 Iomraidhean Croise

MAKUX 7:26

Bun an mawh ceu pui Helasax, pui meung Suripinik kiex khyox khaw ka Nawh Cao, nhie Nawh grheu phicaox an lih khaing kawn bun tix heue.

YOHAN 12:20

Ka daux pui khankix pa haok ti krub daux pawie, koe pui Helasax tix blah,

YOHAN 7:35

Mawh kheu nan pui Yudax khankix tix kaux lai tix kaux ah nin ka paox tix, “Pui in sang hu dee mawx, son ang ex lai pon ti yaox Nawh? Nawh sang hu ka pui pa hoik prung prang hu sinax pui Helasax, sidiex gau ka pui Helasax khankix lie?

KAWNCAU 11:21

Taix Simiang ot tau mai kix mai pui tom nie pa yum rhawm deeh tieh ti hoek ka Siyiex heue.

KAWNCAU 13:43

Yam gwieh pui, pui pa khrawm paox tix ka daux nyiex dee sidiex an, pui Yudax tom nie mai khawm pui pa laig been kix, hawt Pawlux mai Banabax, kiex sikah ka kix, nhie kix ot kaux cong daux bwanson Siyiex heue.

KAWNCAU 13:46

Pawlux mai Banabax viex rhawm kwa sidiex gau ah nin, “Tak lai sidiex gau gumlox bwan Siyiex in ka pex phao ka heue. Viang mawh nan kheu nyhot pex ti tik khaing, pex prawng ca tokaux tix, mawh pa ang keung pon ju leeing ju. Yiex tom veeh ka pui tang ceu khankix heue.

KAWNCAU 13:5

Yam ot kiex ka daux veng Salamix, kiex sidiex gau lox bwan Siyiex ka daux nyiex sidiex pui Yudax khankix. Viang mawh Yohan kawx kiex koe son cao teem heue.

KAWNCAU 13:51

Kiex khruah phawng tiex khaing caong tix sonsang mawh mhai rug ka kix mai hu hoek ka veng Ikawnix heue.

KAWNCAU 14:19

Yam an pui Yudax khankix hoek khaing veng Antiuk mai veng Ikawnix mai khaix hoik nyaw glaw kix mai pon cub pui haoh, kix dheem Pawlux ka simaox mai kheu ce kix nawh hoik yum, tom reu nawh lih khaing veng an heue.

KAWNCAU 14:2

Viang mawh nan pui Yudax pa ang koe krax cu nghiet khankix, cheeik rhawm pui tang ceu khankix mai kieh kix caox ka puxaik khankix heue.

KAWNCAU 14:21

Yam hoik sidiex gau kiex lox bwan gaux rhawm ka veng an mai hoik yuh kieh koe kawncau mau soi tom nie, kiex deeh ing ka veng Lusatra mai ka veng Ikawnix mai ka veng Antiuk.

KAWNCAU 16:1

Viang mawh ka veng Derabe mai veng Lusatra kawx nawh hoek kah mai nawh yaox kawncau tix kaux tan, pa kaux Timose, nawh mawh kawn simex bun Yudax pa yum rhawm, viang mawh nan keeing nawh mawh pui Helasax heue.

KAWNCAU 16:2

Nawh mawh pui pa yaw puxaik khankix pa ot ka daux veng Lusatra mai veng Ikawnix kah heue.

KAWNCAU 17:12

Mawh kheu nan kix yum rhawm tom nie mai khawm pui Helasax, pa mawh bun pa ao min plakngai mai simex kawx, yum rhawm ceeix ngie ang mawh heue.

KAWNCAU 17:17

Mawh kheu nan nawh tom kum kawng ka daux nyiex sidiex tau mai pui Yudax khankix mai ka pui pa chix nab yam ka Siyiex khankix mai ka kix pa sipub nawh ka daux lah ku ngaix heue.

KAWNCAU 17:4

Kix tix blah koe krax cu nghiet mai neuex tau mai Pawlux mai Silax mai khawm pa mawh pui Helasax pa nab yam ka Siyiex tom nie mai khawm bun pa ao min plakngai, ceeix ngie ang mawh kawx, koe krax cu nghiet heue.

KAWNCAU 18:4

Nawh kum kawng sidiex ka daux nyiex sidiex ku ngaix twah mai jeeh nyaw pui Yudax mai pui Helasax khankix heue.

KAWNCAU 18:8

Karipux pa mawh pui giex kaing nyiex sidiex an mai khawm pui nyiex nawh khawmuik yum rhawm ka Siyiex heue. Pui veng Kawrinthux tom nie pa mhong yum rhawm ka mai cubcom ka rawm heue.

KAWNCAU 19:10

Nawh ca kawn yuh nan been ra num, tom pon pui pa ot ka daux meung Asix khawmuik khawm leeing ti mhong gumlox bwan Simiang Yesux, pa mawh pui Yudax mai khawm pui Helasax heue.

KAWNCAU 19:17

Pui khawmuik pon ti tawng grawng in, khawm pui Yudax mai pui Helasax pa ot ka daux veng Efesux mai kix khawmuik kied lhat graung kah mai ceu kaux Simiang Yesux nied ti ting lhaong heue.

KAWNCAU 19:8

Khaix an Pawlux laig ka daux nyiex sidiex mai viex rhawm kwa sidiex gau son loe khix mai kum kawng jeeh nyaw, ka ceu pa dex dawd mai Meung Siyiex heue.

KAWNCAU 2:47

yaogyaw Siyiex mai pon pa khaw caw rhawm pui khawmuik heue. tix ngaix hoik tix ngaix Siyiex baox tiien ka kix pa hoek krax taoh heue.

KAWNCAU 20:21

Kham mhai rug ka pui Yudax khankix mai ka pui Helasax khankix grawng ceu pa doh keud ka phimap tix plak Siyiex mai krax yum rhawm plak Simiang ex Yesux Khrit heue.

KAWNCAU 21:28

mai yo ah nin, “Pui Isarelax khankix eue, teem yix liak, mawh pui in pa gau ka pui khawmuik ku dah dee, sonsang koeng ka pui ceu ex mai ka lox lai beenli mai ka dee in mai lheu khaing an viang mawh pui Helasax kawx nawh hoik viex laig ka daux nyiex bwan mai hoik kieh dee singax singeh in seeing brai heue.”

KAWNCAU 9:20

Dom mawx dom an nawh jah ti sidiex gau ka daux nyiex sidiex khankix grawh grawng Yesux, grawng mawh Nawh Kawn Siyiex heue.

ROMAX 1:16

Grawh grawng nawh, ang aux kaig tua kheu lox bwan gaux rhawm, mawh kheu lox bwan an mawh sibrawm Siyiex, son can pui pa yum rhawm ku kaux sang hoek krax taoh, son pui Yudax ka paox tix mai khawm son pui Helasax heue.

ROMAX 10:12

Pui Yudax ang ah, pui Helasax ang ah, ang lai tang siyox, mawh kheu mawh ngie Simiang tix kaux khaing, pa mawh Simiang khawmuik, pa mawh pa mi pa koe ka son kix can pa kok ka Nawh khawmuik heue.

KALATIX 2:3

Pie Titux pa ot tau mai aux, pa mawh pui Helasax kawx ang khin ti kieh pat hak.

KALATIX 3:28

Ang doh lai pon koe pui Yudax phan ang mawh nan, pui Helasax, ang doh lai pon koe siliex, phan ang mawh nan pui ploi, ang doh lai pon koe simex, phan ang mawh nan bun, mawh kheu pex khawmuik mawh ngie tix kaux khaing ka daux Yesux Khrit heue.

KAWLAWSIE 3:11

Ka daux pa phan pa yuh an, ang lai pon koe pui Helasax, pui Yudax, pa pat hak, pa ang pat hak, pui pheem, pui Sakusix, siliex, pui ploi, Cao Khrit mawh khawmuik mai ot ka daux khawmuik heue.

2 TIMOSE 3:11

ka pa tuktiak tukte, ka pa kham pa geu, ceu pa hoik mawh ka aux khankix, ka daux veng Antiuk, ka veng Ikawnix, ka veng Lusatrax, grawng ceu pa tuktiak tukte pa hoik kham geu aux heue. Khaing ceu an khankix khawmuik Simiang Siyiex hoik taoh ka aux heue.