KAWNCAU 13:2 - Wa Common Language Translation

² Yam kawn tak krub kix ka Simiang Yesux mai twah pa ih. Khuan Singax Singeh ah nin, “Gwieh ti een Banabax mai Sawlux, son kaing pa hoik kok Aux kiex yuh heue.”

KAWNCAU 13:2 Iomraidhean Croise

1 GRAWNG BEEN 16:4

Nawh tawx beeh glawm ka ceu pui Lewix tiblah, sonsang yuh kix kaing ka plak sivoe teug bwan sijax mukheu Siyiex mai sonsang khre rien sonsang lai loh kix ti yaogyaw ka bwan son Siyiex ceu pui Isarelax heue.

DANYELAX 9:3

Mawh kheu nan, aux hoik veeh pakngai tix ka see plak Siyiex, pa mawh Siyiex, khyox khaw mai rawg bwan mai twah pa ih khawm ceep tix chee rhix mai nyaox khankix heue.

MATHIEX 17:21

Viang mawh nan phicaox ceu in phan ang mawh kheu rawg bwan mai twah pa ih, ang chix ti lih heue.”

MATHIEX 6:16

“Lheu khaing in, yam twah pex pa ih, paw kieh voi pakngai awm pui pie lhen khankix, mawh kheu kix yuh pakngai kix ang nyawm ti jhak, sonsang kieh pui yaox kix twah priex tix heue. Aux krai lox tete ka pex, kix hoik pon bwanson cie kix heue.

MATHIEX 9:38

Mawh kheu nan pex rawg bwan ka Simiang cao nghox, sonsang ploi Nawh pui vawg nghox khankix hoek sonsang vawg nghox Nawh heue.”

LUKAX 10:1

Khaix ceu in khankix, Simiang, baox laug ti teei kawncau tang kaux atixgliah kaux mai ploi kix hu tix cub ra kaux, ra kaux, plak sivoe ngai Nawh Cao, ka daux ku veng mai kudah kudee, dee dex sang hoek Nawh Cao heue.

LUKAX 2:37

Nawh uik mawh miexmai tidaix pon num, nawh ang lih khaing nyiex bwan, nawh ot tan rawg bwan mai twah pa ih, krub ka Siyiex ku ngaix heue.

KAWNCAU 10:19

Yam kawn keud Petrux grawng riang susai an, Khuan Cao ah nin ka nawh, “Jhak heue, pui loe kaux sawg maix.

KAWNCAU 10:30

Kawnilix ah nin, “Khaix in pon ngaix, aux twah pa ih tom hoek nari in mai yam hoek dim nari aux rawg bwan ka daux nyiex aux mai jhak heue, pui tix kaux pa ceep kraung pa jhan riang cung sivoe aux,

KAWNCAU 13:3

Khaix hoik twah kix pa ih mai rawg bwan. Mai hoik deuh taix tix piang kiex. Kix ploi kiex hu heue.

KAWNCAU 13:4

Mawh kheu Khuan Singax Singeh ploi kiex hu. Kiex lih hu ka veng Selukix mai kiex brug reu tan hu ka klawn tiex Kuparux heue.

KAWNCAU 14:26

mai kiex brug reu hu khaing tan ka veng Antiuk, ka dee hoik tawx hoik pong kiex ka bwanson Siyiex, son kaing pa hoik yuh kiex heue.

KAWNCAU 20:28

Mawh kheu nan rien rhawm ka tokaux tix mai ka cub yung khawmuik, pa hoik kieh Khuan Singax Singeh pex mawh cao bung cao kia, sonsang tawx ceu cao sawm pa hoik liag Simiang ka nham tokaux tix heue.

KAWNCAU 22:21

Nawh Cao baox ah nin ka aux, “Lih hu heue, mawh kheu Aux sang ploi maix hu dee singai khaing tin, ka pui tang ceu khankix heue.”

KAWNCAU 4:36

Yosiep kaw pa tawx kawncau pa ting khankix ceu kaux nawh mawh Banabax, phan toe lox an dee bleeh mawh, “Kawn simex pa khu rhawm” heue. Nawh mawh pui Lewix, ceu pui meung Kuparux,

KAWNCAU 6:4

Viang mawh nan ex kawn sang nied ti rawg bwan mai sidiex gau gumlox bwan jheung jheung heue.”

KAWNCAU 8:29

Khuan Cao ah nin ka Philipux, “Hu dex mai neuex tokaux maix ka ling an heue.

KAWNCAU 9:15

Viang mawh nan Simiang baox ah nin ka nawh, “Maix hu heue. Kheu mawh nawh aw pa hoik laug Aux, sonsang viex ceu kaux Aux hu sivoe ka pui tang ceu khankix mai simiang khankix mai pui Isarelax khankix heue.

ROMAX 1:1

Pawlux pa mawh siliex Yesux Khrit, pa hoik kok ti kieh mawh kawncau pa ting, pa hoik tiah ti deuh sonsang sidiex lox bwan gaux rhawm Siyiex,

ROMAX 10:15

Phan ang ploi pui hu, kix tak sang pon ti sidiex gau yuh ka mawx? Awm pa hoik tiiem ti deuh ah nin, “Caong kix pa viex lox bwan gaux rhawm grawng pa mhawm mhiem khankix, mhawm grang miex ding heue.”

ROMAX 15:16

sonsang mawh aux pui cau soi Yesux Khrit ka pui tang ceu khankix, ti yuh kaing cao giex kaing li ka lox bwan gaux rhawm Siyiex, kheu sang tan pui tang ceu khankix ka Nawh Cao, sonsang mawh kix pa khaw caw rhawm Nawh, pa mawh pa hoik kieh Khuan Singax Singeh nawh singax singeh kah heue.

1 KAWRINTHUX 12:11

Ceu in khawmuik mawh pa yuh Khuan tix mu khaing mai gwieh ti tang tawx ka kaux pui mawx kaux pui an awm pa khaw mai alo Nawh heue.

1 KAWRINTHUX 7:5

Paw vi yuh ti ang cu ti tawx ka paox tix phan ang mawh ka pa hoik caw rhawm khawm ra kaux, ti yuh nan tix vong, sonsang teei bawg yam tix rawg bwan mai baox deeh ot mai paox tix khaix, phan ang mawh nan, ha Satan kox pon nyaw glaw pex, kheu ang pex pon ti priex rhawm tix heue.

2 KAWRINTHUX 11:27

Ka daux kaing pa nyhap pa mao, ka daux pa krox pa pau law lawx, ka daux pa cai rhawm mai pa sang nyaux nie rawm, ka daux pa twah pa ih law lawx, ka daux pa kuat mai pa ot kakaong heue.

2 KAWRINTHUX 6:5

Ka daux pa sivied, ka daux pa laung daux thawng, ka daux pa lawh maw, ka daux kaing pa nyhap mao, ka daux pa pau khawm ang yaox ti it, ka daux pa siya tix,

KALATIX 1:15

Yam caw rhawm Siyiex, Kaw pa hoik tiah ti deuh aux, khaing daux vaig miex tix mai kok aux kheu bwanson Nawh,

EFESUX 3:7

pa mawh aux cao sidiex gau kah, awm pa khaw mai totaix bwanson Siyiex, pa hoik tawx ka aux, awm pa khaw mai pa yuh siawp sibrawm Nawh heue.

PINGNYAP 10:8

Yam an Simiang Siyiex tang gwieh pui Lewix, tawx beeh glawm kieh klawm teug bwan sijax mukheu Simiang Siyiex, sonsang cung kix ka plak sivoe Simiang Siyiex mai yuh kaing jhaw son Nawh Cao mai sonsang nawb kix bwan ka daux min ceu kaux Nawh Cao tom hoek in singaix.

KAWLAWSIE 4:17

Ah nin ka Akhippux, “Rien rhawm tix ka kaing jhaw cao sidiex pa hoik pon maix ka daux Simiang Siyiex, sonsang yuh maix tom grum naog.”

1 TIMOSE 2:7

Mawh ka son an hoik ciak ti kieh aux mawh cao sidiex cao gau mai kawncau pa ting, Aux ah lox pa mawh pa meh, aux ang pie ang lhen, sonsang mawh aux cao gau, grawng krax yum rhawm mai pa mawh pa meh, ka pui tang ceu khankix heue.

2 TIMOSE 1:11

pa hoik ciak ti kieh aux mawh cao sidiex mai kawncau pa ting mai sara cao gau ka pui tang ceu khankix heue.

2 TIMOSE 2:2

Ceu pa hoik mhong maix khaing aux khankix, ka sinax pui kham mhai ruk tom nie maix tawx pong ka pui pa kaux sijax khankix, pa sang chix gau ka khawm pui tang kaux khankix heue.

2 TIMOSE 4:11

Mawh ngie Lukax pa ot tau mai aux khaing. Rieb ti teei Makux mai viex nawh hoek tau mai maix, kheu nawh koe bwanson son aux daux kaing sidiex aux heue.

2 TIMOSE 4:5

Maix priex rhawm tix ka daux ku ceu khawmuik, kham geu ka pa nu, yuh kaing sara cao sidiex, yuh ti kieh pa yuh maix grum naog heue.

HEBRIE 5:4

Pui tix kaux kawx ang tang pon teei ka ara pa koe min pakngai an nong nong, pon ti teei ngie yam kok Siyiex ka nawh, awm pa hoik kok ka Arun heue.

1 SAMOELAX 2:11

Khaix an Elakanax deeh ing ka nyiex tix, ka Ramax, mai kawn nyawm an yuh kaing jhaw Simiang Siyiex ka sivoe Elix cao giex kaing li.