KAWNCAU 13:12 - Wa Common Language Translation

¹² Yam yaox simiang an grawng pa hoik yuh nan, nawh yum rhawm kheu daox deng nawh ka lox sidiex lox gau Simiang Yesux heue.

KAWNCAU 13:12 Iomraidhean Croise

KAWNCAU 13:7

Nawh ot tau mai simiang Seragix Pawlux pa mawh pui pa lhak pa tawng. Simiang aux kok Banabax mai Sawlux hoek ka tix mai sawg ti mhong ti nghiet gumlox Siyiex heue.

LUKAX 4:22

Khawmuik kham mhai ruk ka Nawh grawng in mawh pa mawh meh mai kix daox deng ka lox bwan pa lih khaing daux jheeh Nawh Cao ah nin, “In ang mawh kawn Yosiep lie?”

KAWNCAU 28:7

Ka sivie tan koe haktiex pa mawh cie simiang giex kaing klawn tiex an, pa kaux Publi, pa rieb ti teei ex mai khan kheu ka ex loe ngaix mhawm mhawm heue.

KAWNCAU 19:7

Kix dex mawh pui kao ra kaux heue.

KAWNCAU 15:35

Pawlux mai Banabax kawn ot ka daux veng Antiuk mai sidiex gau lox bwan Simiang Yesux Khrit, tau mai pui tang kaux tom nie heue.

KAWNCAU 13:49

Gumlox bwan Simiang Yesux tah hu daux praix an khawmuik.

KAWNCAU 6:10

Kix ang pon tieb tie ka pingnya cuyi pa krai pa sidiex nawh ka daux Khuan Cao heue.

YOHAN 7:46

Pui cau khankix baox pawk lox ah nin, “Pui tix kaux kawx ang sax krai lox awm Nawh tix bawg kawx”

LUKAX 7:16

Pui khawmuik lhat graung kah mai kix yaogyaw Siyiex ah nin, “Cao jhai pa ting hoik lih sinax ex tix kaux mai Siyiex hoik hoek ti jhak pui cie Nawh heue.”

MATHIEX 27:54

Pui giex kaing naing mai pui pa pau ka Yesux, yam yaox kix tuk kla reem mai ceu pa hoik mawh khankix, kix kied lhat kah ah nin, “Kaw in mawh Kawn Siyiex tete heue.”

KAWNCAU 8:25

Mawh kheu nan yam hoik kham kix mhai rug mai hoik sidiex gau gumlox Siyiex, kix deeh ing ka veng Yerusaliem mai sidiex gau lox bwan gaux rhawm ka daux yaong Samarix tom nie heue.

KAWNCAU 13:8

Eluma cao sibawk an mawh kheu toe ceu kaux nawh dee bleeh mawh nan heue. Kieh tie kix mai sawg ti kieh simiang an via khaing krax yum rhawm heue.

KAWNCAU 13:48

Yam mhong pui tang ceu lox an khankix, kix gaux rhawm mai yaogyaw gumlox bwan Siyiex. Kix pa hoik ciak laug sonsang pon ju leeing ju khawmuik yum rhawm heue.

KAWNCAU 15:36

Khaix an uik kub rheung singaix, Pawlux ah nin ka Banabax, “Hu ax lai ling ka puxaik khankix pa ot ka daux veng ku veng, dee hoik sidiex ax lox bwan Simiang Yesux, sonsang yaox yuh kix ka mawx nieh.”

KAWNCAU 18:12

Viang mawh nan yam Galio mawh simiang giex kaing meung Akhayax, pui Yudax khankix khrawm paox tix tau kaoh yuh ka Pawlux mai viex nawh hoek sivoe dee ngawm ti prawng ca,

KAWNCAU 19:10

Nawh ca kawn yuh nan been ra num, tom pon pui pa ot ka daux meung Asix khawmuik khawm leeing ti mhong gumlox bwan Simiang Yesux, pa mawh pui Yudax mai khawm pui Helasax heue.

KAWNCAU 19:20

Mawh kheu nan gumlox bwan Siyex nied ti haok huan mai pre hu heue.

KAWNCAU 19:38

Mawh kheu nan phan Demetri mai pui pa yuh kraung mau tau mai nawh, koe see koe lox ka pui tix kaux kaux, nyiex dee prawng ca hoik paoh mai simiang kawx koe heue. Kieh kix deuh phimap ka paox tix tan.