KAWNCAU 13:10 - Wa Common Language Translation

¹⁰ ah nin, “Pui pa naog mai pa nieb pie lhen mai pa caox caig kuceu khawmuik, kawn phicaox eue, maix pa mawh pa koeng ka pa rahsee khawmuik maix tak ang naox, ceu pa yieh krax pa rahsee Simiang Yesux lie?

KAWNCAU 13:10 Iomraidhean Croise

YAM JAH 18:19

“Mawh kheu hoik tawng Aux nawh mai nawh tak sidiex gau ka kawn praix tix mai can pui pa koe daux nyiex ma nawh, khaix in sax heue, kix tak hawt grawng lawng khaix Simiang Siyiex mai yuh pa rahsee mai pa khaw caw heue. Awm gumlox Nawh Cao Nawh tak sang viex ceu inkix hoek ka Abraham heue.”

YAM JAH 3:15

Aux tak kieh pa koeng koe sinax maix mai pui sibun, doeh ru maix mai doeh ru sibun, nawh tak dig kaing maix khlaix mai maix tak mat yuh loek caong nawh heue.”

2 GRAWNG BEEN 17:6

Nawh gaux rhawm ka daux krax pa hoik yuh Siyiex, lheu khaing an nawh gah ti tik can dee pa lhaong khankix mai riang grang Asherax khaing daux meung Yudax heue.

SIDIEX 9:3

In mawh ceu pa caox pa lih ti koe khawmuik ka greem singaix, an tix ceu pa hoek khaing piang pui khawmuik heue. Rhawm rhi kawn pui khankix hoik naog ka pa caox tete, mai rhawm pa yhot koe ka daux rhawm kix glang yam kawn im ju kix mai khaix an kix hu ka dee yum heue.

YERAMIX 23:36

Pex tak ang lai pon tix krai grawh grawng pa plak jhi Siyiex khaix in heue. Grawh grawng nawh, gumlox pa plak jhi pui ku kaux, mawh gumlox pa tang kaoh khaing tokaux pex, mawh kheu pex hoik tik gumlox Siyiex Cao kru naing raoma pa mawh Siyiex ex heue.

HOSE 14:9

Pui mawx pa koe pingnya cuyi kieh nawh tawng ka ceu inkix, pui mawx pa koe krax lhak lhiem, kieh nawh tawng ka inkix khawmuik, grawh grawng nawh, daux krax Siyiex mawh pa rahsee, pui pa rahsee, tak hawt lawng ka daux an kix, viang mawh nan, pui pa lud tak sideeing caong tix ka daux an kix heue.

MATHIEX 13:38

Ma mawh haktiex, simie pa mhawm mawh kawn praix Meung an khankix mai vang mawh kawn praix kaw pa caox khankix heue.

MATHIEX 15:19

Kheu ceu pa keud pa ang mhawm khankix, pa mawh ceu pa pah pui yum, ceu pa lud mai moeng pui, ceu pa lud mai bun, ceu pa briex, ceu pa kham mhai rug pa ang mawh meh mai ceu pa salao, lih khaing daux rhawm heue.

MATHIEX 23:13

“Pui tiiem lai mai Pharishie, pui pa pie lhen khankix eue, pex tak kha rhawm, mawh kheu nyeep pex meung raoma sivoe kawn pui heue. Kheu tokaux pex kawx ang laig ka pui pa mie ti laig khankix kawx pex ang tawx akhwang khankix heue.

MATHIEX 3:7

Viang mawh nan yam yaox Yohan ka pui Pharishie mai Sadukie khankix hoek sonsang rieb cubcom, nawh ah nin ka kix, “Ceu siuing pa cai eue, mawx nhie pex to sonsang luan khaing pa song rhawm pa tak sang hoek lie?

LUKAX 11:39

Simiang ah nin ka nawh, “Pex pa mawh Pharishie, phak kawk mai tawg plak praix khaing, viang mawh nan plak daux pex, naog pa rhim ti teei mai ceu pa caox heue.

LUKAX 11:52

Pui tawng pui prawng lai been khankix eue, pex tak kha rhawm heue. Kheu hoik teei pex jiak saw pingnya cuyi, tokaux pex ang laig mai kix pa sang laig kawx, pex kieh kang heue.”

YOHAN 1:23

Nawh baox ah nin, “Aux mawh, Lox pa kok yo daux tiag, kieh krax Simiang rahsee heue.Awm lox pa hoik krai cao jhai Isayax”

YOHAN 8:44

Pex lih hoek khaing keeing pex pa mawh phi caox, pex simie ti yuh alo keeing pex. Tom yam jah mawh pa pah pui yum, ang cung ka daux pa mawh meh, kheu pa mawh meh ang koe daux nawh. Yam ah nawh lox pie lhen, nawh lak ah lox tokaux tix, kheu mawh nawh pa chix pie lhen nawh mawh keeing pa pie lhen heue.

KAWNCAU 20:30

mai pui tix blah tak sang kaoh khaing ka daux pex mai krai grawng ceu pa lud, sonsang bluh kawncau mau soi khankix hawt khaix tokaux tix heue.

2 KAWRINTHUX 11:3

Viang mawh nan aux lhat pa keud pex sang laux hu khaing ceu pa viex khawm rhawm mai pa singax ka plak Cao Khrit, awm siuing hoik lak yuh cuyi ti pie lhen ka Evax heue.

KALATIX 1:7

pa ang mawh lox bwan gaux rhawm tang ceu, viang mawh nan koe pui tix blah pa lak lheut ka pex mai simie ti loh, lox bwan gaux rhawm Cao Khrit kieh tang heue.

EFESUX 4:14

Son ang ex lai baox mawh kawn nyawm awm pa phlu bhaung ku bhaung, ceu pa gau bhaung phlu vied ve, kheu pa nieb lak keud ti yuh cuyi pie lhen, sonsang lud loe heue.

2 PETRUX 2:15

Kix hoik prah grham krax pa rahsee. Kix hoik lud krax mai hawt hu krax Balam kawn simex Bawsaw, pa moh ngawh riang, son pa yuh ceu pa ang khaw,

1 YOHAN 3:8

Kaw pa yuh phimap mawh pa dex dawd mai phicaox, mawh kheu phicaox hoik yuh phimap khaing tom yam jah heue. Kawn Siyiex hoik lih bleeh, sonsang yieh Nawh kaing pa yuh phicaox heue.