KAWNCAU 13:1 - Wa Common Language Translation

¹ Ka daux ceucao pa koe ka daux veng Antiuk, koe pui pa mawh cao jhai mai cao gau, pa mawh Banabax mai Simeon pa kok mawh Nika. Mai Lukix pui meung Kurene mai Manaen pa hoik yuh ti mawh puxaik simiang Herut mai Sawlux heue.

KAWNCAU 13:1 Iomraidhean Croise

MATHIEX 27:32

Yam lih hu kix, kix yaox pui Kurene tix kaux, pa kaux Simon, mai kix khin nawh hu, sonsang kieh nawh klawm khaox lhak Nawh Cao heue.

LUKAX 3:1

Simiang Kesa Tiberix yam hoik giex kaing kao phwan num, Pungtix Pilat mawh simiang giex kaing meung Yudax mai Herut mawh simiang meung Galilie, Philipux pux nawh mawh simiang haktiex Iture mai Tarakhawnit mai Lusanix mawh simiang haktiex Abilenix.

KAWNCAU 11:30

Kix kawx yuh awm an mai sipaox ceu pa teem hu tawx ka kuad song khankix, ka daux tawm taix Banabax mai Sawlux heue.

KAWNCAU 12:25

Banabax mai Sawlux deeh khaing veng Yerusaliem, khaix hoik yuh kiex kaing pa teem pa khan mai kiex viex Yohan pa kok ceukau ru nawh mawh Makux ing mai tix heue.

KAWNCAU 13:9

Viang mawh nan Sawlux, pa kok khawm ceu kaux Pawlux, naog ka Khuan Singax Singeh mai jeung ngai tix piang kaw an,

KAWNCAU 15:32

Yudax mai Silax, kheu tokaux kiex kawx mawh cao jhai, kiex gau puxaik khankix ka lox tom nie mai kieh kix kaux cong kah heue.

KAWNCAU 15:35

Pawlux mai Banabax kawn ot ka daux veng Antiuk mai sidiex gau lox bwan Simiang Yesux Khrit, tau mai pui tang kaux tom nie heue.

KAWNCAU 19:6

Yam hoik deuh Pawlux taix tix ka piang kix, Khuan Singax Singeh lih hoek piang kix mai kix sikah ka lox pa tang pa siyox khankix mai krai lox jhai heue.

KAWNCAU 21:9

Pui in koe kawn bun pa mawh bunkrih pon kaux pa chix krai lox jhai heue.

KAWNCAU 4:36

Yosiep kaw pa tawx kawncau pa ting khankix ceu kaux nawh mawh Banabax, phan toe lox an dee bleeh mawh, “Kawn simex pa khu rhawm” heue. Nawh mawh pui Lewix, ceu pui meung Kuparux,

KAWNCAU 9:1

Viang mawh nan Sawlux kawn blin lox ghlat, grawng pa sang pah kawncau Simiang Yesux yum mai hu ka cao giex kaing li pa ting,

ROMAX 16:21

Timose pa mawh paox pa yuh kaing tau mai aux mai Lukix mai Yason mai Sosipatax pa mawh paox ru aux khankix nawb ka pex heue.

1 KAWRINTHUX 11:4

Simex kaux pui mawx ang ah, yam rawg bwan, phan ang mawh nan yam ah lox jhai, phan tawb kaing tix, mawh pa yuh pa ang yung yi ka kaing tix heue.

1 KAWRINTHUX 13:2

Viang aux koe totaix pa chix krai lox jhai mai tawng ka pa raux pa mox khawmuik mai ka krax tawng khawmuik kawx mai viang aux koe krax yum rhawm ti sang chix gah ka gawng khankix kawx, phan ang koe krax moh krax rhawm, aux mawh pa ang koe bwanson tidtix heue.

1 KAWRINTHUX 13:8

Krax moh krax rhawm kienie, ang chix jud jai, viang koe lox jhai khankix kawx, kix tak sang grai grhup heue. Viang koe pa chix ka lox ceu pa tang pa siyox khankix kawx, tak sang jud jai heue. Viang koe krax tawng kawx, tak sang grai grhup heue.

1 KAWRINTHUX 14:29

Kieh cao jhai khankix sikah ra kaux, phan ang mawh nan loe kaux mai kieh pui tang kaux khankix keud ti chix gwieh chix prawng ka lox an heue.

1 KAWRINTHUX 14:32

Khuan cao jhai khankix, mawh pa cu pa ot greem cao jhai khankix.

1 KAWRINTHUX 9:6

Phan ang mawh nan, mawh aux mai Banabax ngie, pa ang koe akhwang ti ang yuh kaing lie?

KALATIX 2:13

Pui Yudax pa deuk khankix yuh ti pie awm paox tix tau mai nawh, tom pie Banabax kawx hu plak kix kheu pa pie kix heue.

KALATIX 2:9

Yam tawng kix grawng pa hoik tawx bwanson ka aux, Yakop, Kephax mai Yohan, pui ah mawh kix rong, tawx pa singeuh taix khawn dawm ceu pa yuh paox pie ka aux mai Banabax, sonsang hu yiex ka pui tang ceu mai sonsang hu kix ka pui pa pat hak khankix heue.

EFESUX 4:11

Nawh Cao kieh tix blah mawh kawncau pa ting, kieh tix blah mawh cao jhai, kieh tix blah mawh cao sidiex lox bwan, kieh tix blah mawh sara pa kia ceu cao mai sara cao gau,

PHILIPPIX 4:22

Pui pa singax khawmuik kawx nawb ka pex, nie lheu mawh kix pa dex mai geh nyiex haw Kesa heue.

1 THESALONIX 5:20

Paw een lox jhai khankix ang koe ceu.