KAWNCAU 11:1 - Wa Common Language Translation

¹ Kawncau pa ting khankix mai puxaik khankix pa ot ka daux meung Yudax, mhong grawng pui tang ceu kawx, hoik rieb ti teei gumlox bwan Siyiex.

KAWNCAU 11:1 Iomraidhean Croise

YAM JAH 49:10

Pliah tak ang lai tang tiah khaing Yudax, khaox gix pa kwang ang gah ti khaing sinax caong nawh, tom sidah sang hoek Shilaw mai kawn pui khawmuik tak cu nghiet ka nawh heue.

YAOGYAW 22:27

Dee sidah haktiex khawmuik, tak sang doh keud mai deeh tieh tix hoek ka Siyiex, pui kuceu khawmuik, tak sang krub plak sivoe ngai Maix heue.

ISAYAX 11:10

Ka daux singaix an, num riah Yessie tak sang mawh chix pa pak ti deuh son pui khawmuik, pui tang ceu khankix tak sang sawg ti yaox Nawh Cao mai dee laux lee nawh tix, tak koe min pakngai pa ting heue.

ISAYAX 32:15

Tom hoek bawg yam groi khwan singax khaing dee long ka piang ex mai daux tiag tu, dee lih mawh sipeem plix mai sipeem plix an, lih mawh nong khaox.

ISAYAX 42:1

Jhak ka kawncau Aux, pa yaog Aux kah, pa mawh pui laug Aux, pui pa khaw rhawm Aux, Aux hoik deuh khwan tix ka piang nawh, nawh tak viex pa rahsee hoek ka pui kuceu.

ISAYAX 42:6

“Aux mawh Siyiex hoik kok maix hoek ka daux pa rahsee, Aux tak giex mai priex ka maix, Aux hoik kieh maix mawh lai sijax mukheu son pui kuceu mai pa riang ka pui tang ceu.

ISAYAX 49:6

Nawh Cao ah nin, “Awm pa mawh maix siliex Aux, sonsang yaog ka doeh ru Yakop mai sonsang kieh pui Isarelax, pa deuk deeh mhawm krax ot, jhak ti yaox ka an awm pa mawh pa iak ngie, Aux kieh maix mawh pa riang ka pui piang haktiex, sonsang tah hu krax taoh tom sidah sidu haktiex.”

ISAYAX 52:10

Siyiex hoik jhi plawng taix pa singax singeh Nawh, ka plak sivoe ngai ceu pui khawmuik mai pui deeh sidah haktiex khawmuik tak yaox ka bwanson krax taoh Siyiex ex heue.

ISAYAX 60:3

Pui tang ceu khawmuik tak hoek ka pa riang maix mai simiang tak hoek ka krax jhan riang pa lih khaing maix heue.

ISAYAX 62:2

Ceu pui tang meung khankix tak yaox krax pa rahsee maix, mai simiang khawmuik tak yaox ka min pakngai maix heue. Maix tak pon kok ka ceu kaux pa khraox, pa sum Siyiex ka jheeh tix heue.

YERAMIX 16:19

Siyiex pa mawh riang rao aux mai nyiex tab aux mai dee peung aux, singaix yam yaox aux krax kha rhawm, pui tang ceu khankix tak hoek, khaing dee sidah haktiex ka Maix Cao ah nin, “Keeing ex khankix hoik pon sinngao pie kheem, pa giex going mai pa ang koe bwanson tete heue.”

HOSE 2:23

Aux tak sang rhuat nawh son tokaux Aux piang haktiex in mai aux tak sang koe krax caux rhawm ka nawh, pa ang sax pon krax caux rhawm heue. Aux tak ah nin ka pui an kix, pa ang tie mawh pui Aux maix mawh pui Aux, mai nawh tak ah nin Maix Cao mawh Siyiex aux heue.”

MIKHA 5:7

Ceu pui Yakop pa kawn deuk khankix, tak ot ka daux sinax pui khankix tom nie, awm rawm ciex pa lih hoek khaing Siyiex, awm rawm lhiex poe ka piang rib, pa ang lo ti pau riang rao pui mai pa ang lo ti krox jun krax teem kawn pui khankix heue.

ZEPHANIX 2:11

Siyiex tak sang mawh pa lhat graung kix kah heue. Mawh kheu Nawh Cao tak sang kieh siyiex piang haktiex khankix krawx hu heue. Pui khankix ku kaux mai khawm ceu pui khankix, pa ot ka klawn tiex rawm sigrit sigra kawx tak sang krub ka Nawh Cao ka dee ot dee koe tix heue.

ZEPHANIX 3:9

Yam an Aux tak sang deeh kieh ceu pui khawmuik sikah lox pa singax, sonsang pon kix ti kok ceu kaux Siyiex mai sonsang yuh kaing jhaw Nawh Cao tau mai krax grum rhawm heue.

ZAKHARIX 2:11

“Yam an tak sang koe ceu pui tom nie pa deeh hoek ka Siyiex mai kix tak sang mawh pui Aux heue. Aux tak ot ka daux sinax pex heue. Khaix an, pex tak tawng ka hoik ploi Siyiex cao kru naing raoma Aux hoek ka pex heue.

MALAKHIX 1:11

Grawh grawng nawh jah khaing baoh dee lih singaix, tom hoek ka baoh dee klip singaix, ceu kaux Aux tak sang mawh pa ting lhaong ka daux sinax ceu pui tang ceu, ka baoh dee an kix kudah tak sang tan nyawng bhawng ka ceu kaux Aux mai khawm krax tan pa singax, grawh grawng nawh, ceu kaux Aux, tak sang mawh pa ting lhaong ka daux sinax ceu pui khankix. Siyiex cao kru naing raoma ah nan heue.

MATHIEX 2:1

Yam keh Yesux daux veng Bieliehiem, meung Yudax, baux yam kwang simiang Herut, jhak heue, pui pa ting pingnya cuyi kaoh khaing plak lih singaix mai hoek ka veng Yerusaliem,

MATHIEX 8:11

Aux baox ah nin ka pex, pui tak hoek khaing plak lih singaix mai plak klip singaix tom nie mai tak ngawm tau mai Abraham mai Icak mai Yakop, ka daux meung raoma heue.

MAKUX 16:5

Kix laig ka daux simeeig mai yaox pui awn ju tix kaux ngawm plak khawn dawm mai ceep sibex dha pa paing mai kix yaoh kah heue.

LUKAX 2:32

Pa mawh pa riang pa sang kieh doh ka pui tang ceu khankix mai pa tak sang yaog min plakngai pui Maix Isarelax heue.”

KAWNCAU 1:15

Ka daux ngaix bawg yam an, Petrux kaoh cung sinax puxaik khankix, pui pa khrawm ti tan dex koe tiyieh tixnga kaux mai nawh ah nin,

KAWNCAU 11:29

Kawncau khankix, ku kaux daux pui, keud ti sang sipaox ceu pa teem ka puxaik khankix pa ot ka daux meung Yudax, awm pa chix tix kaux mawx kaux an heue.

KAWNCAU 14:27

Khaix hoik hoek kiex tan mai hoik raug rum grum phroik tau mai pui ceu cao khawmuik, kiex krai grawng ceu pa hoik yuh Siyiex tau mai kiex kuceu khawmuik mai grawng hoik paoh Nawh siviex krax yum rhawm ka pui tang ceu khankix heue.

KAWNCAU 15:3

Pui ceucao tawx kix ka krax tix baux mai kix hu preeng ka meung Phinit mai khawm meung Samarix mai krai grawng pui tang ceu khankix hoik tieh ti ih li heue. Kix kieh puxaik khankix kied gaux rhawm kah heue.

KAWNCAU 28:15

Puxaik khankix pa ot daux veng Romax yam mhong kix grawng hoek ex, kix hoek ti rieb ex tom hoek ka lah Appi mai ka nyiex bang loe lhang mai yam yaox Pawlux kix nawh yaogyaw bwanson Siyiex mai rhawm nawh deeh haing hiah kah heue.