KAWNCAU 10:4 - Wa Common Language Translation

⁴ Nawh lhat ka, jeung ngai tix piang kawncau Siyiex an ah nin, “Mawh patix, Simiang eue?” kawncau Siyiex an ah nin ka nawh, “Ceu pa rawg maix bwan mai ceu pa tan maix, hoik haok, sonsang mawh ceu pa doh keud, ka sivoe Siyiex heue.

KAWNCAU 10:4 Iomraidhean Croise

2 GRAWNG BEEN 32:24

Ka daux singaix an khankix, Hezakiyax hoik saux ngia mai dex sang yum mai nawh rawg bwan ka Siyiex mai Nawh Cao sikah ka nawh mai tawx mhai sakse tix ceu ka nawh heue.

2 GRAWNG BEEN 6:33

Khaix an, nghiet lox kix khaing meung raoma dee ot dee koe Maix Cao mai yuh ti tawx awm krax pa kok yo pui tang meung ka Maix Cao khawmuik, sonsang tawng pui haktiex khawmuik ka min ceu kaux Maix mai sonsang lhat graung kix ka Maix Cao, awm yuh ceu pui Maix Isarelax khankix mai sonsang tawng kix ka nyiex bwan in pa hoik sum aux nawh mawh pa hoik kok tix ka min ceu kaux Maix Cao heue.

YAOGYAW 141:2

Kieh pa rawg pa mhaing aux, awm nyawng bhawng pa sang gleeing ti tan mai kieh aux yaog taix tix rien awm krax pa tan plak ponbo sivoe ngai Maix liak.

YAOGYAW 20:3

Kieh Nawh Cao doh keud ka krax tan ku ceu khawmuik mai rieb ti teei ka pa gleeing ti tan khankix liak.

ISAYAX 43:26

Kieh Aux, doh keud mai kieh ex rom ti tat see tau, krai grawng see pex, sonsang lawd luan pex.

ISAYAX 45:19

Aux ang tie mox tix sikah ka daux pa glip, ka tix dah dah ka piang haktiex pa faik, Aux ang tie ah nin ka doeh ru Yakop, sawg Aux ka daux pa giex going, Aux mawh Siyiex pa sikah pa rahsee, Aux krai pao kieh tawng ka pa mawh pa meh.

DANYELAX 10:11

Nawh ah nin ka aux, “Danyelax pa mawh pui pa kied moh eue, tawng ka gumlox can pa krai aux ka maix mai kaoh cung heue. Grawh grawng nawh, yam in aux mawh pui pa hoik ploi ti hoek ka maix heue.” Yam krai nawh gumlox in ka aux, aux hoik siyaung mai kaoh cung heue.

KRUB 2:2

nawh tak viex an kix hoek ka sivoe ngai kawn simex Arun pa mawh cao giex kaing li khankix mai cao giex kaing li tak teei phawng nghox ca im tix jhawp mai bee tiblah mai can lawban pa koe, khaix an tak kieh ceu in mawh pa doh keud mai gleeing piang khu dee tan, kieh mawh krax tan pa gleeing ka ngu pa sioe bhawng ka Siyiex.

MALAKHIX 3:16

Yam an pui ankix pa hoik koe krax lhat graung ka Siyiex hoik ra lai krai lox ka paox tix, tix kaux lai tix kaux mai Siyiex hoik nghiet lox ankix heue. Koe phuk lai pa hoik tiiem ti deuh ka plak sivoe Nawh Cao, son pui ankix, pa koe krax lhat graung ka Siyiex mai pui pa koe krax doh keud ka ceu kaux Nawh Cao heue.

MATHIEX 26:13

Aux krai lox tete ka pex, dee mawx ang ah, dee sidiex gau lox bwan gaux rhawm in piang haktiex khawmuik, krai grawh grawng ceu pa yuh bun in, sonsang doh keud ka nawh heue.”

LUKAX 1:29

Viang mawh nan, nawh kied sung sang rhawm ka lox in mai keud jee keud blaong daux rhawm tix, grawh grawng dee bleeh ceu an.

LUKAX 24:5

Yam kix lhat mai num gup ngai tix ka tiex, kiex ah nin ka kix, “Kheu pex lai sawg Kaw pa im ju, ka sinax pui yum?

KAWNCAU 10:31

ah nin, Kawnilix eue, hoik mhong lox rawg maix bwan mai ceu pa tan maix khankix kawx, Siyiex hoik doh keud ka heue.

KAWNCAU 14:9

Kaw an mhong pa sidiex Pawlux heue. Pawlux jeung ngai tix piang kaw an mai kheu yaox grawng nawh koe krax yum rhawm sonsang kieh tix deeh mhawm,

KAWNCAU 22:10

Aux deeh chawk ah nin, Simiang eue, aux tak lai yuh ka mawx? Simiang deeh ah nin ka aux, “Kaoh mai laig ka daux veng Damase mai tak sang krai grawng kuceu ka maix dee an, pa hoik ciak ti deuh sonsang yuh maix heue.”

KAWNCAU 3:4

Petrux jawg ti jeung ngai tix piang kaw an, tau mai Yohan, ah nin, “Jhak ka yiex heue.”

PHILIPPIX 4:18

Viang mawh nan aux grum koe ku ceu khawmuik mai aux koe nie haoh nie lheu khaing kub, aux hoik kub hoik naog, khaix hoik pon rieb aux ceu pa viex Epaphrawdit khaing pex, pa mawh bhawng pa sioe baux mai pa tan ceu pa keung pa khaw caw ka Siyiex heue.

PHILIPPIX 4:6

Paw khi rhawm ka grawh grawng tix ceu kawx, ka daux ku ceu, rawg bwan mhaing tau mai krax yaogyaw bwanson, kieh Siyiex tawng pa rawg pa mhaing pex,

HEBRIE 13:16

Paw piawm ti yuh ceu pa mhawm mai pa vieh rhawm sibieh ti teem pui, grawh grawng nawh ceu pa tan pa yuh nan, mawh pa khaw caw ka rhawm Siyiex heue.

HEBRIE 6:10

Grawh grawng nawh Siyiex ang lai mawh pa ang rahsee, ti piawm ka kaing krax moh pa hoik jhi pex ka plak ceu kaux Nawh, ka daux pa hoik teem pex ka pui singax khankix mai ka daux pa ca kawn yuh pex nan heue.

PLAK JHI 8:4

Taox nyawng bhawng tau mai khawm bwan pa rawg pui singax singeh khankix, haok hu ka sivoe Siyiex khaing daux tawm taix kawncau Siyiex an heue.

1 SAMOELAX 3:10

Simiang Siyiex hoek mai cung kok awm phao voe ah nin, “Samoelax, Samoelax, mai Samoelax pawk ah nin, krai heue mawh kheu kawncau Maix hoik mhong.”