KAWNCAU 10:3 - Wa Common Language Translation

³ tix singaix yam dex hoek dim nari nawh sidawng yaox ka daux riang susai, kawncau Siyiex tix kaux laig hoek ka nawh ah nin, “Kawnilix eue.”

KAWNCAU 10:3 Iomraidhean Croise

YAOGYAW 55:17

Yam ponbo, yam ponngawb mai yam pongaix, aux kha rhawm mai ngia mai Nawh Cao mhong lox aux heue.

LIH HU 33:17

Siyiex ah nin ka Mose, “Aux tak yuh ceu inkix, pa hoik rawg mhaing maix, mawh kheu hoik pon maix bwanson ka plak sivoe ngai Aux mai Aux tak tawng ka ceu kaux maix.”

ISAYAX 45:4

Kheu yaox plakngai siliex Aux Yakop mai pui Isarelax pa hoik laug Aux, Aux hoik kok maix ka ceu kaux maix, Aux hoik sum ceu kaux maix, khawm ang maix tawng ka Aux.

MATHIEX 27:46

Yam dex hoek dim nari Yesux kok yo lox sinum ah nin, “Elix, Elix, lama sabak-tanix?” pa ah, “Siyiex Aux, Siyiex Aux, Maix lai tik vud Aux yuh ka mawx?”

LUKAX 1:11

Yam an kawncau Siyiex tix kaux hoek ti cung plak dawm khu dee tan nyawng bhawng.

LUKAX 2:13

Dom mawx dom an cub kawncau raoma kied haoh hun, hoek ti ot tau mai kawncau Siyiex an mai yaogyaw Siyiex ah nin,

KAWNCAU 10:17

Yam kied daox deng Petrux ka daux tokaux tix, grawng deeh bleeh riang susai pa hoik yaox nawh mawh pa yuh ka mawx, jhak heue, pui pa ploi Kawnilix hoik chawk nyiex Simon mai cung sivoe siviex,

KAWNCAU 10:19

Yam kawn keud Petrux grawng riang susai an, Khuan Cao ah nin ka nawh, “Jhak heue, pui loe kaux sawg maix.

KAWNCAU 10:30

Kawnilix ah nin, “Khaix in pon ngaix, aux twah pa ih tom hoek nari in mai yam hoek dim nari aux rawg bwan ka daux nyiex aux mai jhak heue, pui tix kaux pa ceep kraung pa jhan riang cung sivoe aux,

KAWNCAU 10:9

Ngaix pasax, yam kawn hu kix krax mai uik dex sang hoek ka veng an, yam dex hoek liah nari Petrux haok piang braux nyiex sonsang rawg bwan heue.

KAWNCAU 11:13

mai nawh krai ka ex grawng hoik yaox nawh kawncau Siyiex pa cung ka daux nyiex nawh ah nin, ploi hu ka veng Yawppax mai viex Simon pa kok mawh Petrux heue.

KAWNCAU 27:23

Mawh kheu daux sawm in kawncau Siyiex pa mawh aux cie Nawh mai Kaw pa yuh aux kaing son Nawh, hoek ti cung liep aux,

KAWNCAU 3:1

Petrux mai Yohan haok hu ka nyiex bwan, bawg yam nari rawg bwan, yam mawh dim nari heue.

KAWNCAU 5:19

Kawncau Siyiex tix kaux hoek yam pon sawm, paoh siviex thawng mai viex kix lih ah nin,

KAWNCAU 9:10

Yam an koe kawncau tix kaux pa kaux Ananix, pa ot ka daux veng Damase mai Simiang Yesux ah nin ka nawh ka daux riang susai, “Ananix eue.” Ananix deeh ah nin, “Jhak heue, Simiang eue, aux ot tin heue.”

KAWNCAU 9:4

Nawh goh gup piang tiex mai mhong lox pa ah nin ka nawh, “Sawlux eue, Sawlux eue, maix lai tuktiak Aux yuh ka mawx?”

HEBRIE 1:14

Kawncau Siyiex khankix khawmuik mawh khuan pa cau, pa hoik ploi ti yuh son kix pa tak sang pon ti cie sin krax taoh ang mawh lie?

HEBRIE 1:4

Kheu hoik lih mawh Nawh pa nie lheu blon ting khaing kawncau Siyiex khankix, mawh kheu hoik pon Nawh son ceu kaux pa nie lheu mhawm khaing ceu kaux kix heue.