KAWNCAU 10:2 - Wa Common Language Translation

² Nawh mawh pui pa chix nab yam. Mai pa chix lhat ka Siyiex mai khawm pui daux nyiex nawh khawmuik kawx awm an. Nawh mawh pa sax yuh bwanson tan tom nie, ka pui khankix mai rawg bwan ka Siyiex jheung jheung heue.

KAWNCAU 10:2 Iomraidhean Croise

YAM JAH 18:19

“Mawh kheu hoik tawng Aux nawh mai nawh tak sidiex gau ka kawn praix tix mai can pui pa koe daux nyiex ma nawh, khaix in sax heue, kix tak hawt grawng lawng khaix Simiang Siyiex mai yuh pa rahsee mai pa khaw caw heue. Awm gumlox Nawh Cao Nawh tak sang viex ceu inkix hoek ka Abraham heue.”

1 SIMIANG 8:43

nghiet khaing daux raoma ka dee ot Maix Cao, yuh awm can pa rawg pui tang ceu ka Maix Cao, sonsang tawng pui haktiex khawmuik ka ceu kaux Maix Cao mai lhat graung ka Maix Cao, awm pa yuh Maix Cao ka pui Isarelax khankix mai sonsang tawng kix ka nyiex bwan pa sum aux in, mawh dee pa kok ka min ceu kaux Maix Cao heue.

2 GRAWNG BEEN 6:33

Khaix an, nghiet lox kix khaing meung raoma dee ot dee koe Maix Cao mai yuh ti tawx awm krax pa kok yo pui tang meung ka Maix Cao khawmuik, sonsang tawng pui haktiex khawmuik ka min ceu kaux Maix mai sonsang lhat graung kix ka Maix Cao, awm yuh ceu pui Maix Isarelax khankix mai sonsang tawng kix ka nyiex bwan in pa hoik sum aux nawh mawh pa hoik kok tix ka min ceu kaux Maix Cao heue.

YAWBAX 1:1

Koe pui tix kaux pa kaux Yawbax pa ot daux haktiex Uzax pui an mawh pui grum naog mai pa rahsee mai nawh mawh pui pa lhat graung ka Siyiex mai via khaing pa caox caig heue.

YAWBAX 1:5

Mawh kheu nan yam hoik naog kix pawie pa yuh tix, Yawbax kok kix hoek sonsang yuh kix singax mai nawh yaog ti kaoh caocao daux ponngawb mai hu tan krax tan pa gleeing khankix, awm hoik koe carang kix khawmuik heue. Grawh grawng nawh, Yawbax hoik keud yuh nin, “Kawn simex aux khankix hoik lud mai jhax lawg ka Siyiex ka daux rhawm kix heue.” Mawh kheu nan, Yawbax yuh awm an sijheeng heue.

YAOGYAW 102:15

Pui tang ceu khankix tak lhat graung ka ceu kaux Siyiex mai simiang haktiex khankix khawmuik, tak lhat graung ka min plakngai Maix heue.

YAOGYAW 119:2

Can pui pa priex ka sakse pa kham Nawh khankix mai pui pa viex khawm rhawm tix mai sawg ka Nawh, koe bwanson heue.

YAOGYAW 25:5

Thong aux hu ka daux krax pa mawh meh Maix mai thong gau aux liak, grawh grawng nawh, Maix mawh Siyiex Cao pa taoh aux mai aux krox jun ka Maix leeing singaix heue.

YAOGYAW 41:1

Pui pa doh keud ka pui pa hot pa sibhawm khankix ting bwanson heue. Siyiex kieh nawh luan ka bawg yam singaix pa nu pa khawm heue.

YAOGYAW 55:17

Yam ponbo, yam ponngawb mai yam pongaix, aux kha rhawm mai ngia mai Nawh Cao mhong lox aux heue.

YAOGYAW 86:3

Siyiex eue, aux sawg tix kok yo Maix leeing lang singaix heue. Cauxrhawm teem ka aux liak.

YAOGYAW 88:1

Siyiex Cao pa taoh aux eue, aux kok yo sivoe ngai Maix ku singaix ku sawm heue.

SIDIEX 7:18

An mawh pa mhawm sonsang jhawp maix tix priex in mai paw lai yah taix tix son ang an lai gah tix hu ka tang kaux heue, mawh kheu pui pa lhat graung ka Siyiex, tak glawd khaing kix khawmuik heue.

ISAYAX 59:19

Mawh kheu nan, jah khaing dee klip singaix pui khankix tak koe krax lhat graung ka cau kaux Siyiex mai jah khaing dee lih singaix kawx pui koe krax lhat graung ka min pakngai Nawh Cao, yam laig pui koeng khankix, awm krax pa kheem rawm ti hoek, bhaung cie Siyiex tak yaog ti hoek phai heue.

DANYELAX 6:10

Yam in viang Danyelax tawng ka hoik tawk cum piang lai an, nawh hu ka nyiex tix. Laig ka daux lawg plak piang daux nyiex nawh mai paoh siviex iak tix ka plak see veng Yerusaliem, nawh grux ngawng tix rawg bwan mai tawx krax pa yaogyaw ka plak sivoe Siyiex nawh, tix ngaix loe bawg awm hoik koe been pa deuh nawh singaix phao voe khankix heue.

DANYELAX 6:16

Mawh kheu nan, simiang tawx gumlox tix mai kix viex Danyelax hoek mai sau nawh ka daux kawg sivai sangsi heue. Simiang ah nin ka Danyelax, “Kieh Siyiex maix pa yuh maix ti tawx kaing jhaw sijheeng, Nawh Cao tak deeh taoh ka maix heue.”

DANYELAX 6:20

Yam hoik hoek nawh ka praok kawg an, nawh yiiem mai kok yo ka Danyelax ah nin ka Danyelax, “Danyelax pa mawh siliex Siyiex pa im ju eue, mawh hoik pon taoh Siyiex maix, pa yuh maix ti tawx kaing jhaw sijheeng ka maix luan khaing sivai sangsi lie?”

DANYELAX 6:26

Yam in aux yuh ti tawx gumlox ka pui meung haktiex dee kwang dee pang aux khankix kudah dee, sonsang koe krax lhat graung pui ka plak sivoe Siyiex Danyelax, mawh kheu Nawh Cao mawh Siyiex pa im ju mai pa kaux cong leeing ju. Meung haktiex Nawh, ang chix laux leeing, mai krax pa kwang Nawh ang koe dee sidah sidu heue.

MATHIEX 25:17

Awm an, kaw pa hoik pon ra talantan kawx, hu mai baox pon rao ra talantan heue.

LUKAX 18:1

Nawh Cao krai lox ka kix, yuh ka mawx sonsang khaw kix ti rawg bwan jheung jheung mai son ang kix sang khrup rhawm,

LUKAX 2:25

Jhak heue, ka daux veng Yerusaliem koe pui pa kaux Simeon tix kaux, pa mawh pui rahsee pa chix nab yam yungyi mai krox jun son bawg yam sang teem kieh Isarelax mhawm mai Khuan Singax Singeh koe ka piang nawh heue.

KAWNCAU 10:22

Kix deeh ah nin, “Kawnilix pa mawh cao giex kaing naing tix kaux, pa mawh pui rahsee, pa chix lhat ka Siyiex pa yaw pui Yudax ka khawmuik, Siyiex hoik ploi kawncau pa singax tix hu nhie nawh ploi pui hu kok maix hoek ka daux nyiex tix mai sonsang kieh mhong gumlox pa kaoh khaing maix khankix heue.”

KAWNCAU 10:31

ah nin, Kawnilix eue, hoik mhong lox rawg maix bwan mai ceu pa tan maix khankix kawx, Siyiex hoik doh keud ka heue.

KAWNCAU 10:35

Ka daux pui kuceu, pui pa chix lhat graung ka Nawh mai pa yuh pa rahsee, Nawh sang rieb ti teei heue.

KAWNCAU 10:4

Nawh lhat ka, jeung ngai tix piang kawncau Siyiex an ah nin, “Mawh patix, Simiang eue?” kawncau Siyiex an ah nin ka nawh, “Ceu pa rawg maix bwan mai ceu pa tan maix, hoik haok, sonsang mawh ceu pa doh keud, ka sivoe Siyiex heue.

KAWNCAU 10:7

Khaix hoik hu kawncau Siyiex pa sikah mai nawh, Kawnilix kok kawncau daux nyiex tix ra kaux mai pui naing pa chix nab yam tix kaux, pa rien khre ka nawh jheung jheung,

KAWNCAU 11:14

Nawh tak sang krai gumlox ka maix, pa sang pon maix mai pui nyiex maix khawmuik krax taoh heue.

KAWNCAU 13:16

Pawlux kaoh cung yuh kix yaox taix tix ah nin, “Pui Isarelax mai pui pa lhat ka Siyiex khankix eue, nghiet ha.

KAWNCAU 13:26

Puxaik khankix pa mawh kawn ru Abraham mai pui ka daux pex pa lhat ka Siyiex eue, gumlox bwan grawng krax pa taoh in hoik sipaox ka pex heue.

KAWNCAU 13:50

Pui Yudax khankix, chuik bun pa chix nab yam ka Siyiex, pa ting min plakngai khankix, pui ting ka veng an khankix, kieh lih koe krax tuktiak ka Pawlux mai Banabax mai grheu kiex lih khaing haktiex kix heue.

KAWNCAU 18:8

Karipux pa mawh pui giex kaing nyiex sidiex an mai khawm pui nyiex nawh khawmuik yum rhawm ka Siyiex heue. Pui veng Kawrinthux tom nie pa mhong yum rhawm ka mai cubcom ka rawm heue.

KAWNCAU 2:5

Ka daux bawg yam an koe pui Yudax ka daux veng Yerusaliem, pa mawh pui pa chix nab yam ka Siyiex, pa kaoh khaing meung pui ku meung pa koe greem raoma heue.

KAWNCAU 22:12

Pui tix kaux pa kaux Ananix, pa chix nab yam hawt lox lai beenli, pa yaw pui Yudax pa ot tan khawmuik kah,

KAWNCAU 8:2

Pui pa chix nab yam tix blah, sipaung Sathephan mai kix yiiem riag yiiem yo lox sinum son nawh heue.

KAWNCAU 9:11

Simiang Yesux baox ah nin ka nawh, “Kaoh mai hu ka daux krax pa kok mawh pa see mai hu sawg ti chawk ka nyiex Yudax, son pui veng Tasux tix kaux pa kaux Sawlux, mawh kheu rawg nawh bwan heue.

KAWNCAU 9:31

Ceucao pa koe ka daux meung Yudax mai meung Galilie mai meung Samarix khawmuik koe krax nhim mai baox ting lhaong mai kix hu ka daux pa lhat ka Simiang Yesux mai ka daux ceu pa nyawm rhawm pa khu Khuan Singax Singeh mai baox nie haoh hun heue.

KAWNCAU 9:36

Ka daux veng Yawppax koe kawncau tix kaux pa kaux Tabithax, phan toe lox an kok mawh Dawka heue. Bun in naog ka kaing jhaw ceu pa mhawm mai pa yuh bwanson tan pa yuh tix heue.

KAWLAWSIE 4:2

Ca nied ti rawg bwan mai pau ti jhak ka daux an tau mai krax yaogyaw bwanson,

1 THESALONIX 5:17

Rawg bwan ang jud ang jai.

YAKOP 1:5

Phan pex tix kaux kaux kawn taik kawn cud pingnya, kieh nawh rawg ka Siyiex, pa koe rhawm sibieh ti tawx ka pui khawmuik mai pa ang chix map mai tak sang tawx ka nawh heue.

YAWSUX 24:15

Phan pex keud grawng pa krub ka Siyiex leeing ju mawh pa caox son pex, laug son cao pex daux in singaix, sang krub siyiex keeing pex pa koe plak toi rawm klawng pui Amawrix pa hoik ot sinax pex lie? “Viang mawh nan, Phan mawh aux mai nyiex ma aux, yix tak krup ka Siyiex leeing ju heue.”

PLAK JHI 15:4

Simiang eue, mawh mawx pa tak ang lhat mai ang yaogyaw ka ceu kaux Maix, mawh kheu mawh ngie Maix khaing pa singax singeh heue. Mawh kheu ceu pui khawmuik tak sang hoek mai krub ka sivoe Maix heue. Mawh kheu jhawm pa rahsee yuh Maix hoik sidawng heue.”