KAWNCAU 1:8 - Wa Common Language Translation

⁸ Viang mawh nan pex tak sang pon sibrawm, yam hoik hoek Khuan Singax Singeh piang pex mai pex tak sang mawh pui pa kham mhai rug son Aux, jah ka veng Yerusaliem khawm meung Yudax khawmuik mai meung Samarix mai hoek tom dee sidah haktiex heue.”

KAWNCAU 1:8 Iomraidhean Croise

YAOGYAW 22:27

Dee sidah haktiex khawmuik, tak sang doh keud mai deeh tieh tix hoek ka Siyiex, pui kuceu khawmuik, tak sang krub plak sivoe ngai Maix heue.

YAOGYAW 98:3

Nawh Cao doh keud ka krax pa caux rhawm mai sijax mukheu pa hoik yuh Nawh mai ceu pui Isarelax mai bwanson krax pa taoh Siyiex, hoik yaox pui piang haktiex tom sidah heue.

ISAYAX 42:10

Pui pa tiang ka rawm sigrit sigra mai can pa ot ka daux an, pa ot ka klawn tiex rawm sigrit sigra mai pa ot ka daux an khankix eue, rhax lai pa khraox ka Siyiex mai yaogyaw Nawh Cao tom deeh sidah sidu haktiex.

ISAYAX 49:6

Nawh Cao ah nin, “Awm pa mawh maix siliex Aux, sonsang yaog ka doeh ru Yakop mai sonsang kieh pui Isarelax, pa deuk deeh mhawm krax ot, jhak ti yaox ka an awm pa mawh pa iak ngie, Aux kieh maix mawh pa riang ka pui piang haktiex, sonsang tah hu krax taoh tom sidah sidu haktiex.”

ISAYAX 52:10

Siyiex hoik jhi plawng taix pa singax singeh Nawh, ka plak sivoe ngai ceu pui khawmuik mai pui deeh sidah haktiex khawmuik tak yaox ka bwanson krax taoh Siyiex ex heue.

ISAYAX 66:19

“Aux tak sang deuh mhai rug ka daux sinax kix mai pui an kix pa pon ti glawd ka daux sinax kix, Aux tak ploi kix hu ka haktiex tang meung, ka veng Tasux, meung Pulax mai haktiex Luta mai ka haktiex Tupalax mai meung Ya-wan mai khawm klawn tiex rawm sigrit sigra pa koe dee singai khankix pa ang sax mhong ka grawng krax pa ao min Aux mai pa ang sax yaox ka min pakngai Aux mai kix tak pao ti krai min pakngai Aux ka daux sinax pui tang meung khankix heue.”

YERAMIX 16:19

Siyiex pa mawh riang rao aux mai nyiex tab aux mai dee peung aux, singaix yam yaox aux krax kha rhawm, pui tang ceu khankix tak hoek, khaing dee sidah haktiex ka Maix Cao ah nin, “Keeing ex khankix hoik pon sinngao pie kheem, pa giex going mai pa ang koe bwanson tete heue.”

MIKHA 3:8

Aux mawh pa grum naog sibrawm kheu khuan Siyiex mai ka riang grang pa rahsee mai riang grang pa kied ting kied lhaong, sonsang pon pao krai Yakop grawng pa lud nawh khankix mai jhi Isarelax yaox ka phimap nawh khankix heue.

ZAKHARIX 4:6

Nawh krai ka aux ah nin, in mawh gumlox Siyiex pa hoek ka Zerubabelax, ang tie mawh khaing ka daux pa kied ting riang rao mai khaing ka daux krax pa koe sibrawm, viang mawh nan, mawh pa kaoh khaing Khuan Aux heue. Siyiex cao kru naing raoma ah nan heue.

MATHIEX 24:14

Lox bwan gaux rhawm pa dex dawd mai Meung An, tak sang sidiex gau piang haktiex khawmuik, sonsang mawh mhai jhi ka ceu pui khawmuik mai khaix an bawg yam sidah tak sang hoek heue.”

MATHIEX 28:19

Mawh kheu nan pex hu mai yuh ceu pui khawmuik mawh kawncau mau soi mai cubcom kix ka daux ceu kaux Keeing Cao, Kawn Cao mai Khuan Singax Singeh Cao heue.

MAKUX 16:15

Nawh Cao ah nin ka kix, “Pex hu piang haktiex khawmuik mai sidiex gau lox bwan gaux rhawm in, ka can pui pa hoik phan hoik yuh khawmuik heue.

LUKAX 1:35

Kawncau Siyiex an deeh pawk lox mai ah nin ka nawh, “Khuan Singax Singeh tak sang hoek ka piang maix mai sibrawm kaw pa ting lhaong khaing khawmuik, tak sang tawb veei ka piang maix, mawh kheu grawng in Kawn singax pa tak sang keh, tak kok mawh kawn Siyiex heue.

LUKAX 10:19

Jhak heue, Aux hoik tawx sibrawm ka pex, sonsang pon dig pex piang siuing mai tamtim khankix mai ka piang sibrawm pui pa koeng ka pex mai tix ceu kawx ang tau ti pon kieh pex saux heue.

LUKAX 24:29

Kiex kieh raw Nawh Cao ah nin, “Ot tau mai yiex ha, kheu dex hoek bawg yam ponbo mai yam pon ngaix dex luan heue.” Nawh Cao laig ot tau mai kiex heue.

YOHAN 15:27

Pex kawx tak sang kham mhai rug, mawh kheu hoik ot pex tau mai Aux tom yam jah heue.

KAWNCAU 1:22

jah ka yam cubcom Nawh mai Yohan,tom sidah hoek singaix, yam rieb ti teei Nawh haok khaing ex.Ka daux kix tix kaux tak lai mawh, pui kham mhai rug tau mai ex, grawng pa kaoh Nawh Cao khaing krax yum heue.”

KAWNCAU 1:5

Grawh grawng nawh Yohan cubcom ka rawm tete heue, viang mawh nan, khaix in ang awt rheung miex ngaix tix, pex tak sang cubcom ka daux Khuan Singax heue.”

KAWNCAU 13:31

Kix pa hoik haok ti hoek tau mai Nawh, khaing meung Galilie ka veng Yerusaliem, hoik yaox Nawh tom nie singaix, yam in kix mawh pui pa kham mhai rug grawng Nawh ka pui khankix heue.

KAWNCAU 2:32

Yesux in, Siyiex hoik deeh kieh kaoh im mai ex khawmuik mawh pui pa kham mhai rug grawng an heue.

KAWNCAU 22:15

Mawh kheu maix tak lai mawh pui kham mhai rug son Nawh ka pui khawmuik khawm leeing, ka grawng pa hoik yaox hoik mhong maix heue.

KAWNCAU 3:15

Pex hoik teei Simiang pa im ju yum, Kaw pa hoik kieh Siyiex nawh deeh kaoh im khaing krax yum mai yiex mawh pa kham mhai rug grawng an heue.

KAWNCAU 4:33

Kawncau pa ting khankix kham mhai rug ka daux sibrawm pa ting grawng pa deeh kaoh im Simiang Yesux mai bwanson pa ting koe piang kix khawmuik heue.

KAWNCAU 5:32

Ex mawh pui pa kham mhai rug grawng ceu in khankix mai Khuan Singax Singeh pa tawx Siyiex ka pui pa nghiet lox Nawh kawx, mawh pa kham mhai rug heue.”

KAWNCAU 6:8

Sathephan naog ka bwanson mai sibrawm mai yuh ceu pa daox deng pa ting mai mhai ka sinax pui khankix heue.

KAWNCAU 8:1

Sawlux khaw rhawm ka teei kix nawh yum heue. Ka ngaix an, krax tuktiak pa ting lih ti mawh piang ceucao pa koe ka daux veng Yerusaliem mai lheu khaing kawncau pa ting khankix khawmuik prung prang hu ku dah dee ka daux meung Yudax mai meung Samarix heue.

ROMAX 10:18

Viang mawh nan aux ah nin, ang kix yaox ti mhong lie? Hoik mhong tete heue. “Lox kix hoik tah hu piang haktiex khawmuik mai gumlox kix hoik hu ka dee sidah haktiex heue.”

ROMAX 15:19

ka daux sibrawm pa mawh mhai mai pa daox deng, ka daux sibrawm Khuan Singax Singeh heue. Mawh kheu nan jah ka veng Yerusaliem mai hawt sivie tan, tom hoek ka meung Ilirikam, aux hoik grum sidiex gau lox bwan gaux rhawm Cao Khrit heue.

KAWLAWSIE 1:23

Phan pex ca kawn ot ka daux krax yum rhawm mai kaux cong kah mai ang gah hu khaing krax keud pot jun pot lox bwan gaux rhawm pa hoik mhong pex, pa hoik sidiex ka can pa hoik phan hoik deuh khawmuik ka greem raoma, pa hoik kieh aux Pawlux mawh kawncau pa diex pa gau kah heue.