KAWNCAU 1:7 - Wa Common Language Translation

⁷ Nawh Cao deeh ah nin ka kix, “Bawg yam khankix pa hoik ciak Keeing Cao ti deuh, daux sibrawm tokaux tix, ang mawh pa sang tawx pex tawng.

KAWNCAU 1:7 Iomraidhean Croise

YAWBAX 24:1

“Bawg yam khankix ang mawh pa ang mox khaing cao pa ting sibrawm, yuh ka mawx pui khankix pa tawng ka Nawh Cao, ang yaox ka singaix prawng Nawh Cao see lie?

DANYELAX 2:21

Nawh Cao tieh loh ka bawg yam mai khawm ka praix klawng khankix, Nawh Cao gah ti tik simiang mai pa yaog ti deuh simiang khankix, Nawh Cao tawx pingnya cuyi ka pa koe pingnya cuyi mai krax tawng ka pui an kix pa koe krax lhak lhiem heue.

MATHIEX 20:23

Nawh Cao baox ah nin ka kix, “Kawk pa nyaux Aux, pex tak sang nyaux tete, viang mawh nan pa ngawm plak taix khawn dawm Aux mai plak taix khawn gwiex Aux, ang mawh cie pa chix Aux ti tawx, viang mawh nan mawh pa hoik cox khre Keeing Aux son pui khankix heue.”

MATHIEX 24:36

Singaix mai bawg yam an ang pon tawng tix kaux kawx, pie kawncau Siyiex meung raoma khankix kawx ang tawng. Kawn Cao kawx ang tawng, mawh Keeing Cao tix kaux khaing pa tawng heue.

MAKUX 10:40

Viang mawh nan, pa ngawm plak taix khawn dawm Aux mai plak taix khawn gwiex Aux, ang mawh cie Aux ti tawx, hoik cox son pui mawx ang ah, tak mawh son kix heue.”

MAKUX 13:32

“Ang tawng singaix bawg yam nari an tix kaux kawx, viang mawh kawncau Siyiex ka daux meung raoma khankix kawx ang tawng, Kawn Cao kawx ang tawng, mawh ngie Keeing Cao pa tawng heue.

LUKAX 21:24

Kix tak goh tak laux ka lawm vaig mai tak sang giex ti tuk kix hu, ku praix ku meung heue. Pui tang ceu tak sang dig veng Yerusaliem tiem, tom hoik naog bawg yam pui tang ceu khankix heue.

KAWNCAU 17:26

Nawh hoik yuh kawn pui kuceu ka nham tix mu khaing, sonsang ot piang haktiex khawmuik mai hoik ciak ti deuh bawg yam kix mai mee dee sang ot kix,

EFESUX 1:10

yam hoik naog bawg yam khankix, ti kraix khrawm kieh grum kuceu khawmuik, can ceu pa koe piang raoma mai can ceu pa koe ka piang haktiex li mawh tix mu khaing ka daux Khrit. Pa ah aux, mawh ka daux Nawh heue.

PINGNYAP 29:29

Can kaing pa glip khankix mawh pa dex mai Simiang Siyiex ex mai ceu an khankix pa deeh plak jhi kieh sidawng hoik mawh pa dex ka ex mai ka kawn praix ex leeing ju, sonsang pon yuh ex awm gumlox beenli in khawmuik heue.

1 TIMOSE 6:15

Pa tak sang jhi Nawh Cao yaox yam hoek bawg yam pa khaw cie tix, kaw pa mawh Simiang pa koe tix kaux khaing, pa ting bwanson, pa mawh Simiang piang simiang, Siyiex piang siyiex,

2 TIMOSE 3:1

Een ti tawng ceu in, ka daux bawg yam singaix sidah khankix sax, tak mawh bawg yam pa lang teung nu heue.