KAWNCAU 1:6 - Wa Common Language Translation

⁶ Mawh kheu nan, yam hoik khrawm kix paox tix, kix chawk Nawh Cao ah nin, “Simiang eue, Maix sang deeh tawx meung ka pui Isarelax yam in lie?”

KAWNCAU 1:6 Iomraidhean Croise

YAM JAH 49:10

Pliah tak ang lai tang tiah khaing Yudax, khaox gix pa kwang ang gah ti khaing sinax caong nawh, tom sidah sang hoek Shilaw mai kawn pui khawmuik tak cu nghiet ka nawh heue.

ISAYAX 1:26

Aux tak sang baox deeh tawx cao prawng see khankix ka maix phao voe mai cao pa tawx krax keud krax tawng khankix ka maix awm pa koe tom yam jah heue. Khaix an tak kok maix mawh veng pa rahsee mai veng pa kaux sijax heue.

YERAMIX 33:26

khaix an, Aux tak tik vud ka doeh ru Yakop mai kawncau Aux Davit mai ang lai laug ka doeh ru nawh, mawh cao pa kwang piang doeh ru Abraham, Icak mai Yakop heue. Grawh grawng nawh, Aux tak deeh viex pui pa giex laung khankix deeh hoek mai Aux tak koe krax caux rhawm piang kix heue.”

DANYELAX 7:27

Khaix an meung haktiex mai sibrawm mai krax kwang meung haktiex pa ting lhaong an khankix pa koe greem raoma khawmuik tak sang mawh pa tawx ka pui khankix, pa mawh pui pa singax singeh cie Siyiex pa kied ting kieg lhaong heue. Meung haktiex Nawh mawh meung haktiex pa kaux cong leeing ju mai pa koe sibrawm khankix khawmuik, tak yuh tix tawx kaing jhaw Nawh mai koe krax cu nghiet ka Nawh heue.

HOSE 3:4

Grawh grawng nawh ceu pui Isarelax khankix, tak sang ot nong tix tom nie singaix ang lai koe simiang mai cao kaing mai ang lai koe krax tan pa appong mai rong simaox pa laoh lie mai ang lai koe sibex sikag mai riang grang Terap khankix heue.

AMOT 9:11

Ka daux singaix an Aux tak deeh cox sum nyiex gox Davit pa hoik grhup hoik goh mai deeh cox dee pa laux leeing khankix heue. Aux tak sang deeh yaog ti sum dee pa laux leeing nawh mai deeh sum nawh, awm pa koe ka daux singaix an dix heue.

MIKHA 5:2

Veng Bieliehiem, Epharat eue, viang maix mawh veng pa iak ka daux sinax veng meung Yudax khankix kawx, kheu cao giex kaing tak sang lih khaing maix tix kaux ka son Aux, pa sang mawh cao pa kwang ka daux ceu pui Isarelax, pa hoik dawg koe tom yam jah yam kaw dix heue.

ZAKHARIX 9:9

Kawn bun Zion eue, Koe krax gaux rhawm ka daux pa kied ting kied lhaong heue. Kawn bun veng Yerusaliem eue, Kok yox lox tix lih heue. Jhak heue, Simiang maix hoik bleeh ti hoek ka maix heue. Nawh Cao mawh pa rahsee mai pa tawx krax taoh, pa viex rhawm awn rhawm tiem mai brug ka piang la, pa mawh pa brug ka kawn la awn ju heue.

MATHIEX 17:11

Nawh Cao deeh pawk lox ah nin, “Eliyax sang hoek tete mai deeh cox mhawm khawmuik heue.

MATHIEX 20:21

Nawh Cao ah nin ka kiex, “Lo maix ceu pa tix?” Kiex deeh ah nin ka Nawh Cao, “Tawx lox kieh kawn aux ra kaux in ngawm plak taix khawn dawm Maix tix kaux mai plak taix khawn gwiex maix tix kaux daux meung Maix liak.”

MATHIEX 24:3

Yam ngawm Nawh Cao piang gawng Sanlun, kawncau khankix hoek ka Nawh Cao dee ang pui ot ah nin, “Ceu in khankix tak sang mawh yam mawx? Mhai rug grawng sang deeh hoek Maix mai grawng sang sidah haktiex in, tak sang mawh pa yuh ka mawx? krai ex mhong liak.”

MAKUX 9:12

Nawh Cao ah nin ka kix, “Eliyax tak hoek phao ka tete mai cox mhawm khawmuik heue. Pa hoik tiiem grawng Kawn kawn pui, tak kham geu tom nie ceu mai pa tik vud sang yuh ka mawx?

LUKAX 17:20

Pharishie khankix hoek tix chawk ah nin, “Meung Siyiex tak sang hoek lai mawx?” Nawh Cao pawk lox ah nin ka kix, “Meung Siyiex hoek ka daux pa chix yaox pui ang mawh heue.

LUKAX 19:11

Yam kawn nghiet kix ceu in khankix, Nawh Cao baox krai lox tiag in, mawh kheu Nawh Cao dex hoek ka veng Yerusaliem, kheu ce kix meung Siyiex tak sang bleeh dom mawx dom an heue.

LUKAX 22:29

Aux tawx meung tix meung ka pex, awm Keeing Aux tawx ka Aux,

YOHAN 21:21

Yam yaox Petrux ka nawh, nawh chawk ah nin ka Yesux, “Simiang eue, grawh grawng pui in sang yuh ka mawx?”