KAWNCAU 1:5 - Wa Common Language Translation

⁵ Grawh grawng nawh Yohan cubcom ka rawm tete heue, viang mawh nan, khaix in ang awt rheung miex ngaix tix, pex tak sang cubcom ka daux Khuan Singax heue.”

KAWNCAU 1:5 Iomraidhean Croise

YOLAX 3:18

Hoek ka daux singaix an, rawm plix siiet tie tak sang jauh ti lih ka gawng khankix, rawm teeh tak sang lih khaing ton khankix mai klawng haktiex Yudax khankix tak sang mawh pa lih hu rawm ka daux khawmuik, tak koe daux rawm keut pa lih hu khaing nyiex bwan Siyiex mai caux yuh daux lung Shitem heue.

MATHIEX 3:11

Aux cubcom pex ka daux rawm kheu doh keud pex ka phimap tix heue. Viang mawh nan Kaw pa hoek khaix aux lheu ting sibrawm khaing aux, pie kiiep Nawh ang aux keung ti jiang. Nawh tak sang cubcom pex ka daux Khuan Singax mai ngu heue.

MATHIEX 3:6

Kix krai doh ka phimap tokaux tix mai cubcom ka daux tawm taix nawh ka daux rawm klawng ting Yawdan heue.

MAKUX 1:8

Aux cubcom pex ka daux rawm, viang mawh nan Nawh tak cubcom pex ka daux Khuan singax heue.”

LUKAX 3:16

Yohan baox deeh ah nin ka kix, “Aux cubcom pex ka daux rawm tete, viang mawh nan khaix in tak sang hoek tix kaux, pa nie ting khaing aux, pie maox kiep Nawh ang aux keung ti kah, Kaw an tak sang cubcom pex ka daux Khuan Singax Singeh mai daux ngu heue.

YOHAN 1:26

Yohan baox pawk lox ah nin, “Aux cubcom ka daux rawm heue, viang mawh nan koe Kaw pa ot sigreung pex tix kaux, pa ang pex tawng.

YOHAN 1:31

Aux ang tawng Nawh glang ka an, viang mawh nan sonsang tawng pui Isarelax ka Nawh aux tom hoek ti tawx cubcom heue.”

YOHAN 1:33

Aux ang tawng Nawh glang ka an, viang mawh nan Kaw pa ploi aux hoek tawx cubcom, hoik ah nin ka aux, maix tak yaox Khuan singax lih ot piang Nawh, maix tak tawng nawh mawh cao cubcom ka daux Khuan Singax heue.

KAWNCAU 10:45

Kix pa dex dawd mai been pa pat hak, pa hoik yum rhawm mai pa hoek tau mai Petrux khankix daox deng kah, mawh kheu piang pui tang ceu kawx, totaix Khuan Singax hoik prauk lih heue.

KAWNCAU 19:4

Pawlux baox ah nin, “Yohan cubcom, ka krax cubcom pa doh keud ka phimap mai krai ka pui khankix grawng kix tak sang yum rhawm ka Kaw pa tak sang hoek khaix nawh, pa ah nawh nan, sang ah ka Yesux heue.”

1 KAWRINTHUX 12:13

Grawh grawng nawh hoik mawh ka daux Khuan tix mu khaing ex khawmuik pa hoik cubcom ka daux Tokaux tix mu khaing, viang mawh pui Yudax ang ah, pui Helasax ang ah, viang mawh siliex ang ah, pui ploi ang ah mai hoik kieh khawmuik nyaux ka Khuan tix mu khaing heue.

TITUX 3:5

Ang mawh kheu pa hoik yuh tokaux ex ka daux pa rahsee, mawh kheu pa caux rhawm Nawh, Nawh hoik taoh ex, ka pa sigrhah pa dex dawd mai ceu pa deeh keh, ka Khuan Singax Singeh deeh kieh mawh pa khraox,