KAWNCAU 1:2 - Wa Common Language Translation

² Tom sidah hoek singaix pa rieb ti teei Nawh Cao haok, khaix hoik tawm Nawh lox ka daux Khuan Singax, ka kawncau pa ting Nawh khankix, pa hoik laug Nawh ti teei heue.

KAWNCAU 1:2 Iomraidhean Croise

ISAYAX 42:1

Jhak ka kawncau Aux, pa yaog Aux kah, pa mawh pui laug Aux, pui pa khaw rhawm Aux, Aux hoik deuh khwan tix ka piang nawh, nawh tak viex pa rahsee hoek ka pui kuceu.

ISAYAX 48:16

Greed hoek dex Aux, nghiet ka in, tom yam jah Aux ang sax mox tix krai ka dee glip, jah khaing yam an, Aux hoik ot tan, yam in Siyiex mai khwan cao hoik ploi Aux hoek.

ISAYAX 61:1

Khwan Siyiex ot ka piang Aux, mawh kheu hoik groi Nawh rawm bee ka piang Aux, sonsang kieh sidiex gau lox bwan gaux rhawm ka pui pa hot pa shia khankix heue. Nawh hoik ploi Aux hoek sonsang pai ka pui pa laux rhawm khankix mai sonsang krai pao krax pa lawd luan ka pui pa giex laung mai paoh siviex thawng ka pui an kix pa hoik laung tix,

MATHIEX 12:28

Viang mawh nan, phan Aux grheu phicaox khankix lih ka daux Khuan Siyiex, Meung Siyiex hoik hoek piang pex tete heue.

MATHIEX 3:16

Khaix hoik cubcom ka Yesux, Nawh lih khaing daux rawm dom mawx dom an jhak heue, raoma baoh ka Nawh mai Nawh yaox Khuan Siyiex lih awm sikaux tum piang Nawh heue.

MAKUX 6:30

Kawncau pa ting khankix khrawm paox tix hoek ka Yesux mai krai ka Nawh Cao grawh grawng khawmuik, pa hoik yuh kix mai pa hoik sidiex gau kix heue.

LUKAX 24:51

Yam kawn nawb Nawh Cao bwan ka kix, Nawh Cao gwieh khaing kix mai viex Nawh haok ka piang raoma heue.

LUKAX 9:51

Yam an dex sang hoek bawg yam singaix, pa sang rieb ti teei Nawh haok ka piang dee long, Nawh Cao jawg veeh pakngai tix, sonsang hu ka veng Yerusaliem.

YOHAN 1:16

Mawh kheu pa naog daux Nawh, ex khawmuik hoik pon, bwanson piang bwanson heue.

YOHAN 13:1

Ka sang yuh pawie Pasakha Yesux tawng nari bawg yam tak sang lih hu Nawh khaing haktiex hu ka Keeing Cao hoik hoek. Mawh kheu moh Nawh cie Nawh pa ot piang haktiex in, Nawh moh tom sidah heue.

YOHAN 13:18

Ang Aux krai grawh grawng pex khawmuik. Aux tawng pui pa hoik laug Aux heue, viang mawh nan yuh ka mawx sonsang naog lox Phuk lai singang khri pa ah nin, Kaw pa ih blah Aux, yaog loek caong tix tiied ka Aux heue.

YOHAN 13:3

Yesux hoik tawng grawh grawng Keeing Cao hoik tawx khawmuik ka daux tawm taix Nawh grawng hoik lih hoek Nawh khaing Siyiex grawng tak sang deeh hu ka Siyiex.

YOHAN 16:28

Aux lih hoek khaing Keeing Cao hoik hoek piang haktiex in Aux sang baox deeh lih khaing haktiex hu ka Keeing Cao heue.”

YOHAN 17:13

Yam in Aux tak sang hoek ka Maix Aux krai ceu in khankix piang haktiex, sonsang koe kix pa gaux rhawm Aux tom naog ka daux kix heue.

YOHAN 20:17

Yesux baox ah nin ka nawh, “Paw vi teeh Aux, kheu ang Aux nyang bax haok hu ka Keeing Cao. Viang mawh kawx nan hu ka puxaik Aux khankix krai kix grawh grawng pa sang haok Aux ka Keeing Aux Keeing pex Siyiex Aux mai Siyiex pex heue.”

YOHAN 20:21

Yam an Yesux baox deeh ah nin ka kix, “Kieh pa nhim koe mai pex heue. Awm hoik ploi Keeing Cao Aux hoek, Aux kawx ploi pex hu yuh nan heue.”

YOHAN 3:34

Kaw pa ploi Siyiex Nawh hoek chix krai gumlox Siyiex, kheu Siyiex ang tiag ti tawx Khuan kah heue.

YOHAN 6:62

Phan pex yaox Kawn kawn pui deeh haok hu dee hoik ot Nawh phao ka, pex sang ce yuh ka mawx?

YOHAN 6:70

Yesux baox pawk lox ah nin ka kix, “Aux hoik laug ti teei pex kao ra kaux ang mawh lie? Viang mawh nan ka daux pex tix kaux mawh phi caox heue.”

KAWNCAU 1:11

pa ah nin, “Pui Galilie khankix eue, pex cung ti jhak ka raoma yuh ka mawx? Yesux in, pa hoik rieb ti teei haok ka daux meung raoma khaing pex, tak sang deeh hoek, awm yaox pex Nawh haok hu ka daux meung raoma heue.”

KAWNCAU 1:13

Yam hoik laig kix tan, kix haok daux lawg plak piang, dee ot kix, khawm Petrux, Yohan, Yakop, Andare, Philipux, Thomax, Bathawlamie mai Mathiex, Yakop kawn Alaphie mai Simon Zelot mai Yudax pux Yakop heue.

KAWNCAU 1:22

jah ka yam cubcom Nawh mai Yohan,tom sidah hoek singaix, yam rieb ti teei Nawh haok khaing ex.Ka daux kix tix kaux tak lai mawh, pui kham mhai rug tau mai ex, grawng pa kaoh Nawh Cao khaing krax yum heue.”

KAWNCAU 1:9

Khaix hoik krai Nawh Cao ceu an khankix, yam kawn jhak kix, teei Nawh Cao haok mai paiawm rieb ti teei Nawh khaing dee chix yaox kix.

KAWNCAU 10:38

Grawng hoik groi Siyiex rawm bee ka Yesux pui veng Nazariet, ka Khuan Singax Singeh mai sibrawm, Kaw pa hoik hu lailing yuh ceu pa mhawm mai cox pui pa tuktiak phicaox khawmuik moi, mawh kheu Siyiex ot tau mai Nawh heue.

KALATIX 1:1

Pawlux pa mawh kawncau pa ting, ang mawh khaing pui, viang, kheu pui kawx ang mawh, mawh kheu Yesux Khrit mai Siyiex Keeing Cao, pa hoik kieh Nawh deeh kaoh im khaing krax yum,

EFESUX 2:20

pa hoik sum piang jaong rong, pa mawh kawncau pa ting mai cao jhai khankix, tokaux Yesux Khrit mawh Simaox kaing ka daog heue.

1 TIMOSE 3:16

Ceu pa chix nab chix yam mai pa yuh pa khaw ka Siyiex, mawh pa kied ting raux mai ang koe dee ne dee ah ka grawng an heue. Nawh Cao hoik lih bleeh ka daux nex. Khuan Cao hoik kham mhai ruk kah, pa hoik yaox kawncau Siyiex khankix kah, pa hoik sidiex grawng Nawh ka pui tang ceu, pa hoik yum rhawm pui haktiex kah, pa hoik teei haok ka daux min pakngai heue.

HEBRIE 9:24

Grawh grawng nawh Cao Khrit ang lai laig ka daux Dee Kied Singax Singeh, pa yuh ka taix, pa mawh riang grang Dee Kied Singax pa mawh meh an, viang mawh nan pon hoik laig ka daux raoma tete, sonsang plak jhi tokaux Nawh ka sivoe pakngai Siyiex ka son ex yam in heue.

1 PETRUX 3:22

Kaw pa hoik hu ka daux meung raoma mai ngawm ka plak taix khawn dawm Siyiex heue. Kawncau Siyiex khankix mai pa giex kaing khankix mai sibrawm khankix hoik kieh ot ka greem Nawh Cao heue.

2 PETRUX 3:2

Kheu sang doh keud pex ka gum lox pa hoik grux krai cao jhai pa singax singeh khankix mai ka lox tawm jhawm krai Cao Taoh, pa hoik tawx kawncau pa ting pex heue.

PLAK JHI 1:1

Ceu pa plak jhi Yesux Khrit, pa hoik tawx Simiang Siyiex ka Nawh Cao sonsang jhi ka siliex Nawh khankix pa mawh ceu pa tak sang khran hoek ti mawh khankix. Nawh Cao ploi kawncau Siyiex cie tix ti teei mhai mai plak jhi ka siliex Nawh Yohan,

PLAK JHI 2:11

kaw pa koe yhaok kieh nawh mhong ceu pa krai Khwan Cao ka ceucao khankix awx. Ka kaw pa pex, krax yum ra bawg tix bawg tak ang pon ti kieh nawh saux heue.

PLAK JHI 2:17

Kaw pa koe yhaok kieh nawh mhong ceu pa krai Khwan Cao ka ceucao khankix awx. Ka kaw pa pex, Aux tak tawx nawh mannax pa hoik mox an mai Aux tak tawx nawh simaox paing tix lon mai ka piang simaox an hoik tiiem ceu kaux pa khraox, pa ang pui tawng tix kaux kawx, lheu khaing kaw pa pon simaox an heue.

PLAK JHI 2:29

Kaw pa koe yhaok kieh nawh mhong ceu pa krai Khwan Cao ka ceucao khankix awx.”

PLAK JHI 2:7

Kaw pa koe yhaok kieh nawh mhong ceu pa krai Khwan Cao ka ceucao khankix awx. Ka kaw pa pex, Aux tak tawx nawh ih khaing khaox im ju, pa koe ka daux Paradisux Siyiex heue.

PLAK JHI 21:14

Guh veng an koe jaong num kao ra mu mai ka piang jaong an khankix koe ceu kaux kawncau pa ting cie kawn Yung an kao ra kaux heue.

PLAK JHI 3:13

Kaw pa koe yhaok kieh nawh mhong ceu pa krai Khwan Cao ka ceucao khankix awx.

PLAK JHI 3:16

Mawh kheu mawh maix pa siu ngie ceeix ceeix khaing mai pa ang tie hax tie sikiied, Aux tak peh ti tik maix khaing daux jheeh Aux heue.

PLAK JHI 3:22

kaw pa koe yhaok kieh nawh mhong ceu pa krai Khwan Cao ka ceucao khankix awx.”