KAWNCAU 1:16 - Wa Common Language Translation

¹⁶ “Puxaik khankix eue, lox Phuk lai singang khri, pa hoik krai Khuan Singax Singeh ka jheeh Davit grawng Yudax, pa thong kix pa hoik hu giex Yesux, phan ang naog ang doh pon heue.

KAWNCAU 1:16 Iomraidhean Croise

2 SAMOELAX 23:2

Khwan Simiang Siyiex ah nin ka aux mai gumlox Nawh Cao, hoik koe piang dak aux.

2 SIMIANG 15:12

In mawh gumlox Siyiex, pa hoik krai Nawh Cao ka Yehu ah nin, “Kawn simex maix khankix tak yaox ti ngawm ka piang dang ngeung pui Isarelax tom hoek pon ju heue.”

YAOGYAW 41:9

Paox grawm pa yum rhawm aux, pa ih blah aux, yaog caong tix tiied ka aux heue.

MATHIEX 26:14

Yam an, ka daux kawncau kao ra kaux, pa mawh tix kaux, Yudax Isakariut, hu ka cao giex kaing li pa ting khankix,

MATHIEX 26:47

Yam kawn sikah Nawh Cao, Yudax pa mawh tix kaux ka daux kix kao ra kaux, hoek tau mai cub pui kied haoh hun pa viex vaid viex khaox mai lih hoek khaing cao giex kaing li pa ting mai kuad song pui khankix heue.

MATHIEX 26:54

Phan mawh nan lox Phuk lai sigang khri, pa ah tak mawh nin, tak chix naog yuh ka mawx?”

MATHIEX 26:56

Viang mawh nan, ceu in khawmuik hoik lih mawh, sonsang naog lox phuk lai sigang khri cao jhai khankix heue.” Yam an kawncau khankix khawmuik prah Nawh Cao mai to hu heue.

MAKUX 12:36

Tokaux Davit hoik ah nin ka daux Khuan Singax, Simiang ah nin ka Simiang aux, ngawm plak taix khawn dawm Aux, tom kieh Aux pui pa koeng ka Maix mawh ngot dee deuh Maix caong heue.

MAKUX 14:43

Yam kawn sikah Nawh Cao, dom mawx dom an, Yudax pa mawh ka daux kix kao ra kaux tix kaux, hoek tau mai cub pui hun, pa viex vaid viex khaox mai lih hoek khaing cao giex kaing li pa ting mai pui tiiem lai mai kuad song khankix heue.

LUKAX 22:47

Yam kawn sikah Nawh Cao, pui hun mai kaw pa kok mawh Yudax, pa mawh tix kaux ka daux kix kao ra kaux, thong kix hoek mai nawh hoek dex ka Yesux mai ngheet Nawh heue.

YOHAN 10:35

Phan Nawh Cao kok pui pa hoik pon lox khaing Siyiex mawh siyiex, lox lai sigang khri ang doh chix laux leeing,

YOHAN 13:18

Ang Aux krai grawh grawng pex khawmuik. Aux tawng pui pa hoik laug Aux heue, viang mawh nan yuh ka mawx sonsang naog lox Phuk lai singang khri pa ah nin, Kaw pa ih blah Aux, yaog loek caong tix tiied ka Aux heue.

YOHAN 17:12

Yam ot Aux mai kix piang haktiex in, Aux priex kix ka daux ceu kaux Maix, pui pa hoik tawx Maix ka Aux khankix Aux hoik kia hoik pau, ang laux leeing tix kaux kawx, lheu khaing kaw pa mawh kawn pa laux leeing, sonsang naog lox pa koe ka daux Phuk lai sigang khri heue.

YOHAN 19:36

Grawh grawng nawh ceu in khankix hoik mawh sonsang naog lox Phuk lai sigang khri pa ah nin, “Si ang Nawh tak ang lai pot tix mu kawx heue.”

KAWNCAU 1:20

Mawh kheu hoik tiiem ka daux phuk lai Yaogyaw ah nin, “Kieh yuh dee ot nawh yi, ang koe tidtix mai paw kieh pui ot tan tix kaux kawx,” mai “Kaing pa giex nawh kieh pui tang kaux teei heue.”

KAWNCAU 13:15

Khaix hoik phat lai beenli mai lai cao jhai khankix, pui giex kaing nyiex sidiex an khankix, ploi pui hu ka kiex ah nin, “Puxaik eue, phan pax koe lox sidiex ka pui khankix tix ceu ceu, sidiex heue.”

KAWNCAU 13:38

Mawh kheu nan puxaik khankix eue, kieh pex tawng grawng ceu pa sidiex gau in ka pex, grawng pa pluat ploi phimap, mawh ka daux Kaw an heue.

KAWNCAU 15:13

Khaix hoik ah kiex nan, Yakop ah nin, “Puxaik khankix eue, nghiet lox aux liak,

KAWNCAU 15:7

Khaix hoik chawk cheng paox tix tom nie, Petrux kaoh cung mai ah nin ka kix, “Puxaik khankix eue, pex tawng grawng Siyiex hoik laug ti teei khaing ka daux ex, daux yam nhaox nhaox, sonsang kieh pui tang ceu khankix mhong gumlox bwan gaux rhawm khaing daux jheeh aux mai yum rhawm heue.

KAWNCAU 2:23

Kaw pa hoik dud keud Siyiex, grux tawng mai tawx, pex hoik teei ti tawk Nawh yum piang khaox lhak, ka tawm taix pui ceu pa ang koe lai beenli heue.

KAWNCAU 2:37

Yam mhong kix lox an, dung ka rhawm kix mai kix chawk ah nin ka Petrux mai kawncau pa ting tang kaux khankix, “Puxaik khankix eue, ex tak sang yuh ka mawx?”

KAWNCAU 22:1

“Puxaik mai keeing khankix eue, nghiet lox pa sang tiebtie aux ka grawng ceu pa deuh phimap ka aux mai ka pex yam in heue.

KAWNCAU 23:1

Pawlux jeung ka cub kuad song cao prawng ca khankix ah nin, “Puxaik khankix eue, aux hoik yuh ceu pa khaw aux ti yuh sivoe Siyiex tom sidah hoek ngaix in mai rhawm aux ang koe dee deuh phimap ka tokaux tix ka grawng an heue.”

KAWNCAU 23:6

Viang mawh nan yam tawng Pawlux grawng cub kuad song cao prawng ca khankix, tix blah mawh Sadukie mai tix blah mawh Pharishie, nawh yo lox sinum sinax kix ah nin, “Aux mawh Pharishie, pa mawh kawn Pharishie mai aux kham geu pa chawk cheng tin, kheu keud pot jun pot aux ka ceu pa sang deeh kaoh im khaing krax yum heue.”

KAWNCAU 28:17

Khaix an loe ngaix Pawlux kok pui ting lhaong pui Yudax khankix mai yam hoik khrawm kix paox tix, nawh ah nin ka kix, “Puxaik khankix eue, viang aux ang yuh pa lud loe ka ceu pui ex mai ka been tax du ex kawx, kix teei ti laung aux khaing veng Yerusaliem mai tawx aux ka daux tawm taix pui Romax khankix heue.

KAWNCAU 28:25

Kheu tokaux kix tang lox siyox moing, kix lih hu khaix hoik krai Pawlux lox tix gum, pa ah nin, “Khuan Singax Singeh hoik krai lox ka jheeh cao jhai Isayax, ka tax du pex mhawm mhawm pa ah nin,

KAWNCAU 7:2

Nawh deeh ah nin, “Puxaik khankix mai keeing khankix eue, nghiet heue, Siyiex pa ting min plakngai hoik bleeh ka keeing ex Abraham yam ot nawh ka daux meung Mesopotemia, ka sang ot nawh ka daux veng Haran,

1 PETRUX 1:11

Kix sawg ti tawng bawg yam, mawh yam pa yuh ka mawx, Khuan Cao Khrit pa ot ka daux kix, pa jhi yaox yam grux kham Nawh mhai rug, grawh grawng pa tak sang kham geu Cao Khrit mai min pakngai pa tak sang koe khaix hoik kham geu ceu an khankix heue.

2 PETRUX 1:21

Grawh grawng nawh lox jhai ang sax lih hoek kheu alo kawn pui tix bawg kawx, viang mawh nan Khuan Singax Singeh hoik kieh pui pa singax singeh khankix, krai lox pa kaoh khaing Siyiex heue.

2 PETRUX 2:21

Phan kix ang sax tawng krax pa rahsee lheu mhawm khaing pa hoik tawng ka krax an mai deeh tieh khaing lox tawm jhawm krai pa singax singeh pa hoik tawx ka kix heue.