KAWNCAU 1:15 - Wa Common Language Translation

¹⁵ Ka daux ngaix bawg yam an, Petrux kaoh cung sinax puxaik khankix, pui pa khrawm ti tan dex koe tiyieh tixnga kaux mai nawh ah nin,

KAWNCAU 1:15 Iomraidhean Croise

MATHIEX 13:31

Nawh Cao baox plak kix yaox lox tiag tang ceu pa ah nin, “Meung Raoma tak awm simie taux klaox tix mu, pa rhuat pui tix kaux ka daux ma tix heue.

LUKAX 22:32

Viang mawh nan Aux hoik rawg bwan, son maix, son ang krax yum rhawm maix sang laux heue. Yam deeh tieh maix ti hoek maix tak kieh puxaik maix khankix kaux cong heue.”

YOHAN 14:12

Aux krai lox tete ka pex, kaw pa yum rhawm ka Aux tak sang yuh kaing pa yuh Aux nawh tak sang yuh kaing pa nie lheu ting khaing inkix, kheu sang hu Aux ka Keeing Cao heue.

YOHAN 21:23

Kheu an lox pa ah, “Kawn cau an tak ang lai yum,” tah hu ka puxaik khankix. Viang mawh nan Yesux ang ah, “Nawh tak ang lai yum. ” Nawh ah nin, “Phan Aux sang kieh nawh ot tom deeh hoek Aux sax, sang dex dawd mai maix yuh ka mawx?”

KAWNCAU 10:23

Mawh kheu nan nawh kok kix laig paung mai tix heue. Pasax nawh kaoh mai lih hu tau mai kix mai puxaik pa mawh pui veng Yawppax tix blah kawx hu tau mai nawh heue.

KAWNCAU 11:1

Kawncau pa ting khankix mai puxaik khankix pa ot ka daux meung Yudax, mhong grawng pui tang ceu kawx, hoik rieb ti teei gumlox bwan Siyiex.

KAWNCAU 11:12

Khuan Cao nhie aux hu tau mai kix mai paw yuh tang siyox heue. Puxaik liah kaux kawx hu tau mai aux mai ex laig ka daux nyiex pui an,

KAWNCAU 11:26

Yam hoik yaox nawh ka nawh, nawh viex nawh hoek ka veng Antiuk. Kix khrawm ti ot tau mai ceucao tan, tom naog tix num mai sidiex gau ka pui tom nie. Mawh ka daux veng Antiuk, dee jah ti kok kawncau mau soi khankix, mawh kawn Khrit phao ka heue.

KAWNCAU 11:29

Kawncau khankix, ku kaux daux pui, keud ti sang sipaox ceu pa teem ka puxaik khankix pa ot ka daux meung Yudax, awm pa chix tix kaux mawx kaux an heue.

KAWNCAU 12:17

Viang nawh teei taix tix ne kix, nhie kix paw nye mai krai kix mhong grawng Siyiex hoik viex nawh lih khaing daux thawng yuh ka mawx heue. Nawh ah nin, “Krai grawng ceu inkix ka Yakop mai ka puxaik khankix heue.” Khaix an nawh lih hu mai hu tang dah heue.

KAWNCAU 14:2

Viang mawh nan pui Yudax pa ang koe krax cu nghiet khankix, cheeik rhawm pui tang ceu khankix mai kieh kix caox ka puxaik khankix heue.

KAWNCAU 15:1

Pui tix blah lih hoek khaing meung Yudax mai gau ka puxaik khankix ah nin, “Phan pex ang pat hak hawt been Mose, pex ang tau ti hoek krax taoh heue.”

KAWNCAU 15:3

Pui ceucao tawx kix ka krax tix baux mai kix hu preeng ka meung Phinit mai khawm meung Samarix mai krai grawng pui tang ceu khankix hoik tieh ti ih li heue. Kix kieh puxaik khankix kied gaux rhawm kah heue.

KAWNCAU 16:2

Nawh mawh pui pa yaw puxaik khankix pa ot ka daux veng Lusatra mai veng Ikawnix kah heue.

KAWNCAU 16:40

Kiex lih hu khaing daux thawng an mai laig ka daux nyiex Ludi mai khaix hoik yaox kiex puxaik khankix mai hoik kieh kix nyawm rhawm, kiex lih hu heue.

KAWNCAU 17:10

puxaik khankix ploi Pawlux mai Silax hu dom mawx dom an yam ponsawm ka veng Berix, yam kiex hoik hoek tan kiex laig ka daux nyiex sidiex pui Yudax heue.

KAWNCAU 17:14

Yam an dom mawx dom an puxaik khankix ploi kieh Pawlux hu, tom tiang ti hu ka krax rawm sigrit sigra, viang mawh nan Silax mai Timose kawn ot tan heue.

KAWNCAU 17:6

Yam ang kix yaox kiex, kix reu Yason mai puxaik tix blah hu sivoe simiang giex kaing veng an khankix mai yo ah nin, “Pui in pa hoik kieh haktiex tieh cu ci, dee in kawx hoik hoek heue.

KAWNCAU 18:18

Khaix an Pawlux ot tan tom nie singaix nyao mai khaix hoik ah nawh lox gwieh ka puxaik khankix mai nawh brug reu sonsang hu ka meung Surix, tau mai Akulax mai Prisikilax, nawh khlao kaing tix ka daux veng Kinkhre, kheu hoik koe lox tiex tu nawh heue.

KAWNCAU 18:27

Yam koe rhawm nawh ti sang hu ka meung Akhayax, puxaik khankix baox nie kieh nawh mie ti sang hu mai tiiem lai ka puxaik khankix sonsang rieb kix ti teei nawh mai yam hoik hoek nawh tan, nawh teem pui pa hoik yum rhawm kheu bwanson khankix tom nie heue.

KAWNCAU 21:17

Yam hoek ex ka veng Yerusaliem, puxaik khankix gaux rhawm mai rieb ti teei ex heue.

KAWNCAU 21:20

Yam hoik mhong kix grawng an, yaogyaw Siyiex mai ah nin ka nawh, “Puxaik eue maix tawng grawng pui pa yum rhawm ka daux pui Yudax koe miex mheen miex rheng mai kix khawmuik mawh pa nied ti hawt twah lox lai beenli.

KAWNCAU 21:7

Khaix hoik sidah brug ex reu hoek khaing veng Turux mai hoek ka veng Patalemie, ex nawb bwan ka puxaik khankix mai ot tan tix ngaix heue.

KAWNCAU 22:5

Awm cao giex kaing li pa ting mai khawm cub kuad song khankix mawh mhai rug son aux. Ka kix kawx aux pon lai son puxaik khankix mai lawng krax hu ka veng Damase sonsang phyawk ti viex kix hoek ka veng Yerusaliem, sonsang ciyang kix heue.

KAWNCAU 28:14

Ex yaox puxaik khankix tan, pa khyox khaw nhie ex ot tau mai kix aliah ngaix mai ex baox hu hoek ka veng Romax heue.

1 KAWRINTHUX 15:6

Khaix an Nawh Cao lih bleeh ka puxaik pa lheu phwan yieh tix dom neh mai kix plak nie kawn deuk kawn koe tom yam in, viang mawh nan tix blah hoik laig it heue.

PLAK JHI 11:13

Ka daux bawg yam nari an tok kla reem ting mai veng kao son tix son grhup ka heue. Mai pa tok kla reem an pui yum aliah rheng mai pui pa deuk khankix kied lhat ka sigrien sigre mai yaogyaw ka Siyiex meung raoma heue.

PLAK JHI 3:4

Viang mawh kawx nan maix koe ceu kaux ka daux veng Sadix ceeix ceeix, pa ang lai kieh kraung ceep kix seeing brai ka mai kheu mawh kix pa keung, kix tak sang yaox ti ceep kraung paing mai hu lailing tau mai Aux heue.