KAWNCAU 1:13 - Wa Common Language Translation

¹³ Yam hoik laig kix tan, kix haok daux lawg plak piang, dee ot kix, khawm Petrux, Yohan, Yakop, Andare, Philipux, Thomax, Bathawlamie mai Mathiex, Yakop kawn Alaphie mai Simon Zelot mai Yudax pux Yakop heue.

KAWNCAU 1:13 Iomraidhean Croise

MATHIEX 9:9

Yam hu Yesux khaing tan Nawh yaox pui tix kaux, pa kaux Mathiex, ngawm dee koh mau mai ah nin ka nawh, “Hawt khaix Aux,” nawh kaoh mai hawt khaix Nawh Cao heue.

MAKUX 14:15

Tokaux nawh tak sang jhi pax yaox lawg pa ting plak piang, pa hoik koe kraung mai pa hoik cox. Cox khre dee an son ex heue.”

MAKUX 14:33

Nawh Cao teei Petrux mai Yakop mai Yohan, hu tau mai Nawh mai Nawh Cao kied daox deng mai sung sang rhawm heue.

MAKUX 2:14

Yam hu krax Nawh Cao yaox Lewix kawn simex Alaphie, ngawm daux nyiex koh mau mai Nawh Cao ah nin ka nawh, “Hawt Aux heue.” Nawh kaoh mai hawt khaix Nawh Cao heue.

MAKUX 5:37

Nawh Cao ang kieh pui tix kaux kawx hawt khaix tix, lheu khaing Petrux, Yakop mai Yohan pux Yakop heue.

MAKUX 9:2

Khaix an liah ngaix, Yesux teei Petrux, Yakop, Yohan mai viex kix haok piang gawng lhaong nong nong, ka dee ang pui ot mai tokaux Nawh Cao loh tix sivoe kix tan heue.

LUKAX 22:12

Nawh tak jhi pax yaox lawg pa ting plak piang, pa hoik koe kraung khre dee an heue.”

YOHAN 11:16

Kheu nan Thomax pa kaux Didumux. Ah nin ka paox kawncau tix khankix, “Ex hu tau uik, ex tom yum tau mai nawh heue.”

YOHAN 14:22

Yudax, (Pa ang mawh Yudax Isakariut) chawk ah nin ka Nawh Cao, “Simiang eue, Maix jhi yix yaox tokaux tix Maix ang jhi haktiex yaox yuh ka mawx?”

YOHAN 18:17

Yam an bun pa pau siviex ah nin ka Petrux, “Maix kawx mawh kawncau Pui an tix kaux lie?” Nawh deeh ah nin, “Aux ang mawh”

YOHAN 21:2

Simon Petrux Thomax pa kok mawh Didumux Nasanilax pui veng Kanax meung Galilie kawn Zebedie kawncau tang kaux ra kaux khankix ot tau heue.

KAWNCAU 12:17

Viang nawh teei taix tix ne kix, nhie kix paw nye mai krai kix mhong grawng Siyiex hoik viex nawh lih khaing daux thawng yuh ka mawx heue. Nawh ah nin, “Krai grawng ceu inkix ka Yakop mai ka puxaik khankix heue.” Khaix an nawh lih hu mai hu tang dah heue.

KAWNCAU 15:13

Khaix hoik ah kiex nan, Yakop ah nin, “Puxaik khankix eue, nghiet lox aux liak,

KAWNCAU 2:14

Petrux cung tau mai kawncau kao tix kaux mai kieh lox tix sinum mai sidiex ka kix ah nin, “Pui meung Yudax mai pui pa ot ka daux veng Yerusaliem khawmuik eue, kieh pex tawng grawng ceu in mai nghiet gumlox aux heue.

KAWNCAU 2:38

Petrux deeh ah nin ka kix, “Doh keud ka phimap pex mai cubcom pex ku kaux ka daux ceu kaux Yesux Khrit, sonsang pon luan khaing daux phimap pex mai pex tak sang pon totaix Khuan Singax Singeh heue.

KAWNCAU 20:8

Kwe kawk ngu tom nie daux lawg plak piang ka dee khrawm ex paox tix tan heue.

KAWNCAU 4:13

Yam yaox kix grawng ceu pa kwa rhawm Petrux mai Yohan mai tawng grawng kiex ang tie tawng lai mai mawh pui pheem, kix daox deng kah mai kix doh rhawm ka, grawng mawh kiex pa hoik ot tau mai Yesux heue.

KAWNCAU 4:19

Viang mawh nan Petrux mai Yohan pawk lox mai ah nin ka kix, “Pex keud ti yaox, mawh pa yuh ka mawx lheu khaw ka sivoe ngai Siyiex, ceu pa nghiet lox pex khaing lox Siyiex lie?

1 KAWRINTHUX 15:7

Khaix an Nawh lih bleeh ka Yakop mai khaix an ka kawncau pa ting khawmuik.

KALATIX 1:19

Lheu khaing Yakop pux Simiang ang aux yaox kawncau pa ting tang kaux tix kaux kawx heue.

KALATIX 2:9

Yam tawng kix grawng pa hoik tawx bwanson ka aux, Yakop, Kephax mai Yohan, pui ah mawh kix rong, tawx pa singeuh taix khawn dawm ceu pa yuh paox pie ka aux mai Banabax, sonsang hu yiex ka pui tang ceu mai sonsang hu kix ka pui pa pat hak khankix heue.

YAKOP 1:1

Yakop, pa mawh siliex Siyiex mai Simiang Yesux Khrit tawx lox nawb hu ka pui kao ceu ra pa hoik prung prang roi rhuat kudah kudee heue.

2 YOHAN 1:1

Kaw pa riex ju tiiem ti tawx ka bun pa hoik laug mai kawn praix kiex khankix pa moh aux kah tete mai ang joeng mawh ngie aux, viang mawh nan mawh khawm kix khawmuik can pa hoik tawng ka pa mawh meh heue.

YUDAX 1:1

Yudax, pa mawh siliex Yesux Khrit mai pux Yakop tiiem ti tawx ka kix pa hoik kok kah, pa moh Keeing Siyiex kah mai pa hoik priex ka daux Yesux Khrit heue.