KAWNCAU 1:12 - Wa Common Language Translation

¹² Yam an kix deeh khaing gawng pa kok mawh Sanlun, pa dex ka veng Yerusaliem, pa singai krax singaix twah, tix singaix heue.

KAWNCAU 1:12 Iomraidhean Croise

ZAKHARIX 14:4

Ka daux singaix an, caong Nawh Cao tak sang cung ka piang gawng sanlun, pa koe ka plak sivoe veng Yerusaliem ka plak lih singaix heue. Gawng sanlun, tak sang bih ti koe ra plak, jah khaing plak lih singaix, tom hoek ka plak klip singaix mai lih mawh daux ngawd pa kied ting heue. Gawng tix plak, tak sang gah ti hu ka plak blaong mai an tix plak tak sang gah ti hu plak seh heue.

MATHIEX 21:1

Yam dex hoek kix ka veng Yerusaliem, hoek ka yaong Bephake, pa koe ka dex gawng Sanlun, yam an Yesux ploi kawncau Nawh ra kaux hu,

MATHIEX 24:20

Pex rawg bwan, yuh ka mawx son ang caw bawg yam kuat praix mai ngaix twah heue.

MATHIEX 24:3

Yam ngawm Nawh Cao piang gawng Sanlun, kawncau khankix hoek ka Nawh Cao dee ang pui ot ah nin, “Ceu in khankix tak sang mawh yam mawx? Mhai rug grawng sang deeh hoek Maix mai grawng sang sidah haktiex in, tak sang mawh pa yuh ka mawx? krai ex mhong liak.”

MATHIEX 26:30

Khaix hoik rhax kix lai rhax tix mu, kix lih hu ka gawng Sanlun heue.

LUKAX 19:29

Yam hoek Nawh dex yaong Bephake mai yaong Betanix, ka gawng pa kok mawh gawng Sanlun, Nawh ploi kawncau Nawh hu ra kaux,

LUKAX 21:37

Nawh Cao sidiex gau ka daux nyiex bwan ku ngaix, Nawh hu it tum ka gawng pa kok mawh gawng Sanlun ku sawm heue.

LUKAX 24:50

Nawh Cao thong kix hu tom hoek dex yaong Betanix, Nawh yaog taix tix nawb bwan ka kix heue.

LUKAX 24:52

Kix krub ka Nawh Cao mai gaux rhawm tix mai deeh ing ka veng Yerusaliem heue.

YOHAN 11:18

Yaong Betanix dex veng Yerusaliem been ra lag.