KAWNCAU 1:11 - Wa Common Language Translation

¹¹ pa ah nin, “Pui Galilie khankix eue, pex cung ti jhak ka raoma yuh ka mawx? Yesux in, pa hoik rieb ti teei haok ka daux meung raoma khaing pex, tak sang deeh hoek, awm yaox pex Nawh haok hu ka daux meung raoma heue.”

KAWNCAU 1:11 Iomraidhean Croise

MATHIEX 16:27

Kawn kawn pui tak sang hoek ka daux min plakngai Keeing tix, tau mai kawncau Siyiex khankix, yam an Nawh tak tawx ka pui ku kaux awm pa hoik yuh nawh heue.

MATHIEX 16:28

Aux krai lox tete ka pex, pui pa cung tin tix blah, tak ang cim krax yum tom yaox kix Kawn kawn pui hoek ka daux Meung tix heue.”

MATHIEX 24:30

Yam an, mhai Kawn kawn pui tak lih ka raoma heue. Yam an ceu pui piang haktiex khawmuik tak yiiem mai kix tak sang yaox Kawn kawn pui tak hoek tau mai sibrawm mai min plakngai pa ting piang paiawm raoma heue.

MATHIEX 25:31

“Yam tak sang hoek Kawn kawn pui ka daux min pakngai Nawh, tau mai kawncau Siyiex khawmuik, yam an Nawh tak sang ngawm piang dang ngeung min pakngai Nawh.

MAKUX 13:26

Yam an kix tak yaox Kawn kawn pui viex sibrawm pa ting mai min plakngai mai hoek ka daux paiawm heue.

MAKUX 14:70

Nawh baox thiang tix bawg mai khaix an tivud, kix pa cung dex tan baox ah nin ka Petrux, “Maix mawh daux kix tix kaux tete heue, kheu maix mawh pui meung Galilie heue.”

MAKUX 16:19

Khaix hoik krai Simiang Yesux ceu in ka kix, rieb ti teei Nawh haok ka daux meung raoma mai kieh ngawm plak taix khawn dawm Siyiex heue.

LUKAX 21:27

Yam an kix tak sang yaox Kawn kawn pui, viex sibrawm mai min plakngai pa ting, hoek ka daux paiawm heue.

LUKAX 24:5

Yam kix lhat mai num gup ngai tix ka tiex, kiex ah nin ka kix, “Kheu pex lai sawg Kaw pa im ju, ka sinax pui yum?

YOHAN 14:3

Phan Aux hu cox dee ot son pex, Aux tak deeh hoek teei pex hu sonsang ot tau mai Aux, pex kawx sang pon ti ot dee ot Aux heue.

KAWNCAU 1:2

Tom sidah hoek singaix pa rieb ti teei Nawh Cao haok, khaix hoik tawm Nawh lox ka daux Khuan Singax, ka kawncau pa ting Nawh khankix, pa hoik laug Nawh ti teei heue.

KAWNCAU 1:22

jah ka yam cubcom Nawh mai Yohan,tom sidah hoek singaix, yam rieb ti teei Nawh haok khaing ex.Ka daux kix tix kaux tak lai mawh, pui kham mhai rug tau mai ex, grawng pa kaoh Nawh Cao khaing krax yum heue.”

KAWNCAU 1:9

Khaix hoik krai Nawh Cao ceu an khankix, yam kawn jhak kix, teei Nawh Cao haok mai paiawm rieb ti teei Nawh khaing dee chix yaox kix.

KAWNCAU 13:31

Kix pa hoik haok ti hoek tau mai Nawh, khaing meung Galilie ka veng Yerusaliem, hoik yaox Nawh tom nie singaix, yam in kix mawh pui pa kham mhai rug grawng Nawh ka pui khankix heue.

KAWNCAU 2:7

Kix khawmuik kied daox deng kah mai ah nin ka paox tix, tix kaux lai tix kaux, “Jhak heue, pui pa sikah khankix khawmuik, mawh pui Galilie ang mawh lie?

KAWNCAU 3:12

Yam yaox Petrux pa yuh nan, nawh deeh ah nin ka kix, “Pex pa mawh pui Isarelax eue, pex lai daox deng ka pui in yuh ka mawx? Yuh pa tix? pex lai jawg ti jeung ngai pex ka yiex, awm pa hoik mawh sibrawm mai pa rahsee yiex, pa hoik kieh nawh deeh chix hu ka caong tix,

KAWNCAU 3:21

Kaw pa raoma tak sang rieb ti priex, tom hoek bawg yam pa hoik cox kuceu khawmuik, pa Siyiex hoik krai ka jheeh cao jhai pa singax khankix, jah tom di dix heue.

1 THESALONIX 1:10

sonsang krox son Kawn Nawh Cao khaing raoma, pa hoik deeh kieh Nawh Cao kaoh im khaing krax yum, pa mawh Yesux, pa sang taoh ex khaing pa song rhawm songrhi pa tak sang hoek heue.

1 THESALONIX 4:16

Tokaux Simiang Siyiex tak sang lih khaing raoma tau mai lox yo tau mai lox simiang kawncau mai lox teet tawng Siyiex, pui pa hoik yum ka daux Cao Khrit tak sang deeh kaoh phao ka heue.

HEBRIE 9:28

Awm an Cao Khrit kawx hoik tan ka tokaux tix, tix bawg khaing, sonsang vieh phimap pui tom nie hu mai Nawh tak sang lih bleeh ra bawg tix bawg, ka pa tang tiah pa ang dex mai phimap, ka kix pa krox son Nawh Cao, sonsang taoh ka kix heue.

PLAK JHI 1:7

Jhak heue, Nawh Cao tak hoek tau mai paiawm khankix mai ngai ku ngai tak sang yaox Nawh, khawm kix pa hoik suat ka Nawh Cao mai ceu pui haktiex khawmuik tak sang yiiem riag yiiem yo kheu Nawh heue. Tak sang mawh nan heue. Amen.