ISAYAX 9:3 - Wa Common Language Translation

³ Maix Cao hoik kieh ceu pui pre haoh hun mai hoik baox naog krax pa gaux rhawm kix, kix koe krax gaux rhawm ka plak sivoe ngai Maix Cao awm koe krax pa gaux rhawm yam vawg nghox; awm gaux rhawm pui khankix yam gwieh kix kraung pa tud rhim daux sinax kix heue.

ISAYAX 9:3 Iomraidhean Croise

NEHAMIX 9:23

Maix Cao hoik kieh kawn praix kix haoh hun, awm simuing raoma khankix mai viex kix hu ka daux tiag, pa hoik krai Maix Cao ka keeing kix, sonsang hu kix mai teei ti cie heue.

YAWBAX 12:23

Nawh Cao yuh meung haktiex ting lhaong mai deeh yuh kix laux leeing, Nawh Cao yuh meung haktiex khankix vieh mai kieh kix pung prang hu dee singai heue.

YAOGYAW 107:38

Nawh Cao nawb bwanson ka kix mai kieh kawn praix kix pre haoh hun mai cub yung, cub mawie kix kawx, kied haoh hun heue.

YAOGYAW 119:162

Aux gaux rhawm ka gumlox Maix, awm pui pa yaox ka kraung khrai pa ngawh heue.

YAOGYAW 4:7

Kieh rhawm aux nie lheu gaux rhawm khaing kix pa pon gaox, pon nghox mai pa pon plix siiet tom nie liak.

ISAYAX 10:26

Pui Siyiex cao kru naing raoma tak so krax pa grhiem ka nawh, awm krax pah ceu pui Midian khankix hawt rang Awrebax mai awm hoik yaog gawng khaox Nawh Cao ka piang rawm sigrit sigra mai awm an, Nawh Cao tak yaog ti deuh awm krax pa hoik yuh tix ka daux meung Ejiptux heue.

ISAYAX 12:1

Ka daux singaix an maix tak ah nin “Siyiex eue, aux tak sang yaog yaw ka Maix Cao, viang Maix Cao hoik song rhawm ka aux kawx krax pa song rhawm Maix Cao hoik veeh tix grai hu mai Maix Cao hoik kieh aux nyawm rhawm heue.

ISAYAX 14:5

Siyiex hoik raig pot ka khaox grix pui pa caox caig mai gawng khaox pa giex cao kwang haktiex khankix,

ISAYAX 25:9

Ka daux singaix an, kix tak sang ah nin jhak heue, in mawh Siyiex ex, pa krox jun ex, Nawh Cao tak sang taoh ex heue. In mawh Siyiex, pa krox jun ex, ex tak sang koe krax gaux rhawm ka daux bwanson krax pa taoh Nawh Cao heue.

ISAYAX 26:15

Siyiex eue, Maix hoik kieh ceu pui khankix pre haoh hun heue. Kheu hoik yuh Maix ceu pui, pre haoh hun, Maix hoik ting min pakngai kah mai hoik kieh mee haktiex Maix vieh va kah heue.

ISAYAX 35:10

Pui pa hoik taoh Siyiex kah, tak deeh hoek mai hoek ka veng Zion mai pa rhax lai mai pa gaux rhawm koe ka piang kaing kix leeing ju, kix tak pon krax gaux rhawm mai pa nyawm rhawm mai krax khi rhawm krax ngia krax ngheeik tak luan singai heue.

ISAYAX 35:2

An tak pruh tom nie mai kied nyawm rhawm, tau mai krax gaux rhawm mai ah lai rhax. Min pakngai Lebanon mai pa mhawm grang Kharamelax mai haktiex Sharon, kix tak yaox ka min pakngai Siyiex mai pa mhawm grang Siyiex ex.

ISAYAX 54:1

Bun pa neh eue, ah lai rhax heue maix pa ang nyang sax keh kawn mai maix pa ang nyang sax yaox ti kham krax saux mai keh kawn eue, yo ti ah lai rhax mai kok yo lox tix lhaong heue. Grawh grawng nawh, bun pa ang koe mex nie lheu koe kawn praix khaing bun pa hoik koe mex. Siyiex ah nin heue.

ISAYAX 55:12

Grawh grawng nawh pex tak lih hu tau mai krax pa gaux rhawm mai mawh pa hoik thung ti lih tau mai krax pa nhim heue. Gawng ting mai gawng iak khankix, tak kok yo ti ah lai rhax ka plak sivoe pex mai pang khaox pa koe daux tiag tak dieh taix tix heue.

ISAYAX 61:10

Aux kied gaux rhawm ting lhaong ka daux Siyiex, khwan ju aux kied koe krax gaux rhawm ka daux Siyiex aux heue. Nawh Cao hoik tawx aux ceep kraung krax taoh, Nawh Cao hoik fua aux ka sibex dhah pa rahsee, awm ceep simex pa sang yuh ka paox ka mhok khri pa mhawm grang, awm jawg bun pa sang yuh ka paox ka khaox kraung siang simaox, khri khankix heue.

ISAYAX 61:7

Tang krax kaig tua pex, pex tak deeh pon min pakngai ra son mai tang krax pa laux pakngai, kix tak koe krax gaux rhawm ka daux nyum cie kix heue. Mawh kheu nan, kix tak pon ti cie sinngao ra son khaing ka daux haktiex kix, krax gaux rhawm leeing ju, tak mawh cie kix heue.

ISAYAX 65:14

Jhak heue, siliex Aux khankix tak ah lai rhax, kheu koe krax gaux rhawm ka daux rhawm kix viang mawh nan, pex tak yiiem kheu koe krax laux rhawm ka daux rhawm pex, ngia kheu koe krax pa laux rhawm daux khwan ju tix heue.

ISAYAX 65:18

Koe krax nyawm rhawm mai krax gaux rhawm leeing ju ka daux pa phan pa deuh Aux, jhak heue, Aux phan veng Yerusaliem mawh son krax pa gaux rhawm mai son pui pa ot daux nawh khankix heue.

ISAYAX 66:10

Pex pa moh ka veng Yerusaliem khankix eue, gaux rhawm tau mai Nawh heue. Pex pa koe krax khi rhawm son nawh khawmuik, gaux rhawm ka riang pa gaux rhawm tau mai nawh,

YERAMIX 31:7

Siyiex ah nin, “Rhax lai mai gaux rhawm son ceu pui Yakop mai riag yo khaing daux sinax cao kaing ting ceu pui khankix, krai pao mai tawx krax pa yaogyaw ah nin, Siyiex eue, taoh ka pui Maix Cao pa mawh ceu pui Isarelax pa kawn deuk khankix heue.

HOSE 4:7

Cao giex kaing li baox nie hun, kix baox nie lheu lud ka Aux, Aux tak sang tieh loh min plakngai kix hoek ka daux krax pa kaig tua heue.

KRUB 26:13

Aux mawh Simiang Siyiex pa mawh Siyiex pex, pa hoik viex pex lih khaing daux meung Ejiptux, son ang pex lai mawh siliex kix, Aux hoik raig khaox glawm pex khankix mai hoik kieh pex jung see see.

ZAKHARIX 10:8

Aux tak sang paong lox sighlu mai kraix khrawm kix hoek, mawh kheu Aux hoik taoh ti teei kix mai kix tak sang baox naok tix haok hwan awm krax pa hoik haok hwan kix tix blah heue.

ZAKHARIX 2:11

“Yam an tak sang koe ceu pui tom nie pa deeh hoek ka Siyiex mai kix tak sang mawh pui Aux heue. Aux tak ot ka daux sinax pex heue. Khaix an, pex tak tawng ka hoik ploi Siyiex cao kru naing raoma Aux hoek ka pex heue.

ZAKHARIX 8:23

“Siyiex cao kru naing raoma ah nin, ka daux singaix ankix, pui kao kaux khaing pa chix sikah lox ceu pui khankix kuceu, tak sang bluh caong sibex pui Yudax tix kaux ah nin, “Kieh yix hu tau mai maix liak! Mawh kheu mhong yix ot Siyiex tau mai maix heue.”

LUKAX 11:22

Viang mawh nan, yam hoek kaw pa nie ting riang khaing nawh mai pex nawh mai teei kraung naing pa deuh nawh rhawm tix kah, tak teei ti gwieh kraung cie nawh heue.

KAWNCAU 8:8

Ka daux veng an kied koe krax gaux rhawm heue.

PHILIPPIX 4:4

Gaux rhawm ka daux Simiang Siyiex jheung jheung, aux baox deeh ah gaux rhawm heue.

1 PETRUX 1:8

Kaw pa ang pex sax yaox mai moh ka heue. Viang pex ang pon yaox Nawh yam in kawx, pex yum rhawm ka Nawh mai kied koe krax gaux rhawm pa ang chix uik krai, pa naog min pakngai,

CAO PRAWNG 5:3

“Simiang khankix eue, nghiet heue.Kawn simiang khankix eue, daong yhaok pex heue. Aux tak rhax lox in ka Simiang Siyiex, aux tak rhax lai rhax yaogyaw in, ka Simiang Siyiex ceu pui Isarelax heue.”

CAO PRAWNG 7:22

Yam phlu pui loe yieh kaux ka teettawng tix, Simiang Siyiex kieh vaig kix, ra lai mug ka paox ti ka daux tab kix khawmuik mai kru naing ankix, lih to ka plak veng Bietshita, pa koe plak see veng Zererax, tom hoek ka mee haktiex veng Abelmehawla pa koe hawt veng Tabat heue.

CAO PRAWNG 8:12

Simiang pui Midian pa mawh Zebaha mai Zalamunax lih to mai Gideon nied tix pheet kix mai pon giex kiex khawm ra kaux, nawh yieh ti tik tab mai kieh kru naing kix prung prang khawmuik heue.

1 SAMOELAX 30:16

Yam viex nawh Davit hu ka tan, kix hoik ih nyaux mai graoh, kheu kraung pa hoik pon tud rhim kix tom nie, khaing haktiex pui Philitix mai haktiex Yudax.