ISAYAX 4:3 - Wa Common Language Translation

³ Khaix hoik luan ceu an pui pa kawn prah tix ka daux veng Zion mai pui pa kawn deuk ka daux veng Yerusaliem khankix, tak kok kix ku kaux mawh pa singax ka daux sinax pui pa kawn im ju pa hoik mhai ti deuh carang ka daux veng Yerusaliem heue.

ISAYAX 4:3 Iomraidhean Croise

YAOGYAW 69:28

Maix preet ti tik ceu kaux kix ka daux carang pa im ju mai paw lai tiiem ti deuh ceu kaux kix tau mai pui pa rahsee.

YAOGYAW 87:6

Yam teei Siyiex carang ceu pui an khankix, Nawh ah nin, ceu pui an khankix, mawh pa keh ka daux veng an heue.

ISAYAX 1:27

Veng Zion tak mawh pa pon krax taoh kheu pa rahsee mai pa deeh doh keud ka phimap tix ka daux pa mawh meh heue.

ISAYAX 28:5

Ka daux singaix an Siyiex Cao kru naing raoma tak mawh mhok khri min pakngai mai mhok khri pa mhawm grang ka pui pa kawn deuk ka pui Nawh Cao,

ISAYAX 35:8

Krax ting tak koe tan, kix tak kok krax ting an mawh pa singax, pui pa ang singax, tak ang pon tiang ka piang krax an, pie pui daox kawx ang lud krax an.

ISAYAX 46:3

Nyiex ma pui Yakop eue, can pui pa deuk khaing pui Isarelax, “Nghiet ka Aux, Aux hoik dawg klien pex tom yam jah pex ti keh mai hoik teem pex khaing daux vaig,

ISAYAX 52:1

Veng Zion eue, siduad heue, siduad kaoh mai teei riang rao maix heue. Veng Yerusaliem, pa mawh veng pa singax singeh eue, ceep kraung pa mhawm grang maix khankix heue. Grawh grawng nawh, pui pa ang nyang pat hak tix mai pui pa ang nyang singax singeh khankix, tak ang lai hoek ka maix khaix in heue.

ISAYAX 6:13

Mai kao son tix son tak koe ka daux an mai tak deeh mawh pa laux leeing ka ngu, awm pang khaox piak van tix pang, phan ang mawh nan, awm pang khaox tiah tix pang, pa kawn deuk awm ngo khaox, khaix hoik gu ti heue. Mawh kheu nan doeh ru pa singax, tak sang awm ngo khaox ka daux haktiex an heue.

ISAYAX 60:21

Pui maix khawmuik tak mawh pa rahsee, kix tak pon ti cie haktiex mawh sinngao tix leeing ju heue. Mawh khaox pa hoik sum Aux mai kaing jhaw taix aux khankix tak mawh pa pon Aux ti koe min pakngai ka heue.

ISAYAX 62:12

Pui tak kok kix mawh pui pa singax singeh, pa hoik taoh Siyiex ti teei mai maix tak kok ti mawh veng pa hoik pon sawg pui mai veng pa ang tik vud tix heue.

YEZAKELAX 13:9

“Taix Aux tak tiebtie ka cao jhai pa yaox ka riang susai pa giex going mai pa krai lox jhai pie lhien. Kix tak ang yaox ti ot ka daux dee kraix khrawm pui Aux tix khankix mai ang lai tiiem ti deuh carang kix ka daux nyiex ma ceu pui Isarelax mai tak ang lai yaox ti laig ka daux haktiex meung Isarelax mai pex tak tawng mawh Aux Siyiex heue.”

YEZAKELAX 43:12

In mawh been lox tat jhawm prawng pa dex dawd mai nyiex bwan, ka dah dee vung viang ka piang choek gawng tak mawh dee pa kied singax jhak heue, in mawh been lox tat jhawm prawng nyiex bwan heue.”

YOLAX 3:17

Pex tak tawng ka mawh Aux Siyiex, pa mawh Siyiex pex, pa ot piang gawng Zion pa mawh gawng pa singax singeh Aux heue. Yam an veng Yerusaliem tak sang mawh pa singax singeh mai pui tang ceu khankix tak ang lai yaox ti tiang ka daux nawh khaix in heue.

AWBADIX 1:17

Pui pa glawd tak sang koe ka piang gawng Zion mai krax pa singax tak sang koe ka gawng an, nyiex ma ceu pui Yakop, tak sang pon ti cie haktiex prim cie kix heue.

ZAKHARIX 14:2

Grawh grawng nawh, aux tak sang kraix khrawm ceu pui khankix khawmuik hoek ti puing naing ka veng Yerusaliem, veng tak sang mawh pa pon teei tix, nyiex khankix hoik tud rhim tix mai bun khankix hoik kham krax pa phit vao, pui veng tix plak tak sang yaox ti kham krax pa giex tix hu heue. Pui pa kawn deuk khankix, tak ang lai tat tix khaing daux veng heue.

MALAKHIX 3:16

Yam an pui ankix pa hoik koe krax lhat graung ka Siyiex hoik ra lai krai lox ka paox tix, tix kaux lai tix kaux mai Siyiex hoik nghiet lox ankix heue. Koe phuk lai pa hoik tiiem ti deuh ka plak sivoe Nawh Cao, son pui ankix, pa koe krax lhat graung ka Siyiex mai pui pa koe krax doh keud ka ceu kaux Nawh Cao heue.

LUKAX 10:20

Paw gaux rhawm kheu phi khankix ot greem pex nghiet lox pex, viang mawh nan gaux rhawm ka pa hoik tiiem ti deuh ceu kaux pex, ka daux meung raoma heue.”

KAWNCAU 13:48

Yam mhong pui tang ceu lox an khankix, kix gaux rhawm mai yaogyaw gumlox bwan Siyiex. Kix pa hoik ciak laug sonsang pon ju leeing ju khawmuik yum rhawm heue.

ROMAX 11:4

Lox pa pawk Siyiex, hoik ah yuh ka mawx ka nawh? “Aux hoik prah kieh deuk pui aliah rheng son tokaux tix, pa ang sax grux ngawng ka Balax.”

ROMAX 11:5

Awm an daux bawg yam in kawx, kawn koe pui pa deuk, awm pa khaw mai pa laug ti teei pa dex mai bwanson heue.

EFESUX 1:4

awm hoik laug Nawh Cao ti teei ex daux Cao Khrit, tom ka sang jah ti kaw haktiex, sonsang mawh ex pa singax, pa ang koe dee cha pa loig sivoe Nawh ka daux krax moh,

PHILIPPIX 4:3

Mawh heue, aux khyox khaw ka maix kaw pa mawh paox pa yuh tau mai aux tete heue. Teem ka bun in kiex, mawh kheu kiex hoik yuh tau mai aux ka daux lox bwan gaux rhawm, tau mai khawm Klemen mai paox yuh kaing pa deuk khankix, pa hoit koe ceu kaux kix ka daux phuk lai ju pa im heue.

KAWLAWSIE 3:12

Awm pui pa hoik laug Simiang Siyiex, pa singax singeh, pa moh kah, pex ceep ceu pa moh rhawm, pa caux rhawm, pa mhawm rhawm, pa tiem rhawm tiem rhi, pa awn rhawm awn rhi, pa lang gun lang yeung heue.

HEBRIE 12:14

Nied ti coca sonsang koe krax nhim tau mai pui khawmuik mai ceu pa singax phan pui ang koe, tak ang pon ti yaox ka Simiang tix kaux kawx heue.

1 PETRUX 2:9

Viang mawh nan pex mawh ceu pui pa hoik laug, pa mawh cao giex kaing li Siyiex, pa mawh ceu pui pa singax singeh, pa mawh pui Siyiex tete, sonsang jhi pex grawh grawng ceu pa ting lhaong, pa mhawm, Kaw pa hoik kok pex lih khaing daux pa faik mai laig ka daux pa riang pa daox deng cie tix heue.

PLAK JHI 13:8

Can pui pa ot ka piang haktiex khawmuik tak sang krub ka nawh, pa mawh can pa ang lai tiiem ti deuh ka ceu kaux kix tom yam jah ti kaw haktiex ka daux phuk lai pa im ju, cie kawn yung pa hoik pah yum heue.

PLAK JHI 17:8

Totiag pa hoik yaox maix an, hoik mawh, mai ang lai mawh, dex sang lih hoek khaing daux, daux pa ang koe dee die mai hu ka daux pa laux pa laux leeing heue. Pui pa ot ka piang haktiex khankix, pa mawh kix pa ang lai tiiem ti deuh ka ceu kaux kix, tom yam jah ti kaw haktiex, ka daux phuk lai pa im ju, yam yaox kix ka totiag an pa hoik mawh mai pa ang lai mawh mai pa tak sang hoek khaix, tak sang daox deng ka heue.

PLAK JHI 20:15

Phan yaox pui tix kaux kaux pa ang lai tiiem ti deuh ka daux phuk lai pa im ju an, teei ti taing nawh sau daux nhawng ngu an heue.

PLAK JHI 21:27

Ceu pa seeing brai, phan ang mawh nan kaw pa yuh ceu pa greeing mai pa pie lhen ang pon ti laig tan, viang mawh nan mawh ngie kix pa hoik tiiem ka daux phuk lai pa im ju kawn Yung khaing pa pon ti laig kah heue.

PLAK JHI 3:5

Ka kaw pa pex tak sang kieh ceep ka kraung paing yuh nin heue. Aux tak ang doh preet ti tik ceu kaux nawh khaing phuk lai pa im ju, Aux tak sang kham grawng ceu kaux nawh sivoe Keeing Aux mai sivoe kawncau Siyiex cie Nawh khankix heue.